| e-texts navigator |
| Wylie |
35a1 དུ་གསོལ་ཞེས་ཞུས་པ་ལས་སེམས་དཔའ་རྡོ་རྗེས་བཀའ་སྩལ་པ། །འདུས་པ་ཆེན་པོའི་ཚོགས་ལེགས་སོ། །ཁྱོད་ཀྱིས་ཞུས་པའི་དོན་རྒྱ་ཆེར་བཤད་པར་བྱའོ། །རྣ་བ་ལྷོགས་ལ་གུས་པར་ཉོན་ཅིག་།སྒྲུབ་པ་དོན་གྱི་རྣལ་འབྱོར་པ། །
35a2 རྣལ་འབྱོར་དོན་ལ་སྦྱོར་བའི་ཚེ། །སྤྱད་པའི་ལས་ཀྱི་ཁྱད་པར་གྱིས། །ཁམས་དང་ས་ནི་གར་འགྲོ་བ། །མདོ་དོན་ཚུལ་ལྔས་ལུང་བསྟན་ནོ། །ངེས་པའི་སྔ་ལྟས་བྱུང་བ་ཡི། །འབྲས་བུ་དོན་གྱི་ཁྱད་པར་ཡང་། །ཆོ་འཕྲུལ་སྣ་ཚོགས་སྟོན་པར་ནུས། །དེ་ནས་ཡང
35a3 དག་བདེན་པ་འཐོབ། །ངེས་པའི་སྔ་ལྟས་རྣམ་པ་ལྔ། །རྒྱུ་ཡི་དུས་ན་འབྱུང་བ་ནི། །ཚིག་གི་བརྗོད་པ་འདི་ལྟ་སྟེ། །བློ་རྩལ་ལས་ཀྱི་ཁྱད་པར་ཡང་། །སྣང་བ་ལུས་ཀྱི་སྔ་ལྟས་དང་། །ངོ་མཚར་རྫས་རྙེད་ཚུལ་རྟགས་དང་། །མཚན་མ་པྲ་ཡི་རྨི་ལྟས་དང་། །འདུན
35a4 པ་མང་པོའི་སྔ་ལྟས་ཀྱིས། །འབྲས་བུ་གང་དང་གང་འགྲུབ་པ། །མཚན་མ་གསལ་བར་རྒྱུད་ལས་འབྱུང་། །དཔེར་ན་མེ་ཡི་སྔ་ལྟས་ནི། །དུ་བའི་མཚན་མ་རྒྱས་པར་འབྱུང་། །དུ་བ་གར་བྱུང་གནས་དེ་ན། །མེ་ཉིད་ཡོད་པར་ངེས་པ་ཡིན། །དེ་བཞིན་ཆུ་ཡི་སྔ་ལྟས
35a5 ཀྱང་། །རླངས་དང་སྔབས་དང་སྲོག་ཆགས་འབྱུང་། །དེ་ན་ཆུ་ཉིད་ཡོད་པར་ངེས། །རླུང་གི་ལྟས་ཀྱང་འདི་ལྟ་སྟེ། །སྤྲིན་རྣམས་རྒྱུག་ཅིང་དུམ་བུར་འཆད། །དེས་ན་རླུང་ཆེན་འབྱུང་བར་ངེས། །རྩི་མཚལ་ལོ་མ་གང་བྱུང་བ། །དེ་ན་གསེར་ཁུང་ཡོད་པ་ལྟར། །སྔ་ལྟས
35a6 མཚན་མ་འདི་དག་གིས། །འབྲས་བུ་མཐོ་དམན་གར་འགྱུར་བ། །རྒྱུ་ལ་མཁས་པར་བྱས་ནས་ནི། །མཚན་མ་ཅི་བྱུང་དེ་ལ་སྦྱར། །བར་ཆད་མེད་པའི་བརྩོན་འགྲུས་ཀྱིས། །སྲོག་ལ་བབ་ཀྱང་མི་བལྟ་བར། །རྣལ་འབྱོར་ཡུལ་ལ་འཇུག་པ་དང་། །ཏིང་འཛིན་རིག་པའི
35a7 རྩལ་སྤྲུགས་ལ། །གཉེན་པོ་ཀུན་བསྟེན་ས་སྦྱངས་ནས། །རྣལ་འབྱོར་ས་ལ་བརྩོན་པར་བྱ། །འདིས་ནི་གདོན་མི་ཟ་བ་དང་། །ལ་ལ་ཐེ་ཚོམ་མི་སྐྱེ་ཞིང་། །མ་ངེས་ལ་ཞུགས་ཐེ་ཚོམ་མེད། །དཔེར་ན་འཇིག་རྟེན་བྱིས་པ་དག་།ཡུན་མ་ལ་སྐྱོ་བ་ལྟར། །སྔ་ལྟས
iiif viewer powered by OpenSeadragon
