| e-texts navigator |
| Wylie |
34b1 པས། །ཆོས་རྣམས་རང་བཞིན་མེད་པར་ཤེས། །འདི་ནི་རྣལ་འབྱོར་ལམ་གྱི་མཆོག་།འདུས་པའི་ཚོགས་རྣམས་གོམས་པར་གྱིས། །ཞེས་སེམས་དཔའི་རྡོ་རྗེ་སྨྲ་བའི་སེང་གེས་རྣལ་འབྱོར་མཆོག་གི་ལམ་གསུངས་པའོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ
34b2 ཀུན་འདུས་རིག་པའི་མདོ་ལས་རྣལ་འབྱོར་རྗེས་སུ་འཇུག་པའི་ལེའུ་སྟེ་གཉིས་པའོ། ། །།དེ་ནས་སྨྲ་བའི་སེང་གེ་སེམས་དཔའི་རྡོ་རྗེ་དེ་ཆོ་འཕྲུལ་ཆེན་པོ་སྣ་ཚོགས་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེའི་བྱིན་གྱི་རླབས་ལས
34b3 ཞིང་ཁམས་ཐམས་ཅད་གཡོས་པར་གྱུར་ཏེ། དོན་ཡོངས་སུ་རྫོགས་པའི་སྔ་ལྟས་བྱུང་བར་གྱུར་ཏོ། །འཁོར་དེར་འདུས་པར་གྱུར་པ་རྣམས་ལ་ལ་ནི་ཉི་ཟླའི་སྟེང་ན་གནས་ཤིང་ཆོས་ཉིད་ཀྱི་ནམ་མཁའ་ལ་ལྡིང་བར་གྱུར་ཏོ། །ལ་ལ་ནི་རི་རབ་རྒྱང་མར་འཕེན། ལ་ལ་ནི་སྟོང
34b4 གསུམ་ཆེན་པོའི་ཁམས་འཕེན་པར་གྱུར་ཏོ། །ལ་ལ་ནི་ཆོས་ཉིད་བདེན་པའི་དོན་མཐོང་བར་གྱུར་ཏོ། །ལ་ལ་ནི་སེང་གེའི་ཁྲི་ལ་འདུག་པར་གྱུར་ཏོ། །དེ་ནས་སེམས་དཔའི་རྡོ་རྗེ་དེ་ཆོ་འཕྲུལ་གྱི་ཏིང་ངེ་འཛིན་དེ་ལས་བཞེངས་ཏེ། འདུས་པ་ཆེན་པོའི་རྣལ་འབྱོར་གྱིས་ཤིན
34b5 ཏུ་ངོ་མཚར་ཆེ་བར་གྱུར་ནས། སེམས་དཔའི་རྡོ་རྗེ་དེ་ལ་རྣལ་འབྱོར་གྱི་ཕྱག་ལུས་ཀུན་དུས་ལ་བརྡབས་ནས་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་ཆོ་འཕྲུལ་རྒྱ་ཆེར་གདའ་བ་འདི་དོན་ཇི་ལྟ་བུ་ལགས། རྟགས་ཅི་ལྟ་བུ་ལགས། བདག་ཅག་རྣམས་ལ་རྒྱ་ཆེར
34b6 བཤད་དུ་གསོལ་ཞེས་ཞུས་པ་ལས། །སྨྲ་བའི་སེང་གེ་ཆེན་པོས་བཀའ་སྩལ་པ། འདུས་པའི་རྣལ་འབྱོར་རྣམས་འདི་དག་ནི་དོན་ཡོངས་སུ་རྫོགས་པའི་ལྟས་ཆེན་པོ་ཡིན་ཏེ། སྔ་ལྟས་ཀྱི་མཚན་མ་འདི་དང་སྦྱར་ན་འདུས་པ་ཆེན་པོ་རྣམས་ས་ནས་སར་ཤིན་ཏུ་འཕར
34b7 ཞིང་ཡང་དག་ངེས་པའི་དོན་མཐོང་བའི་སྔ་ལྟས་ཡིན་ནོ་ཞེས་གསུངས་པ་ལས། །རྣལ་འབྱོར་གྱི་ཚོགས་ཀྱིས་གསོལ་པ། སེམས་དཔའ་ཆེན་པོ་ས་ནོན་པའི་སྔ་ལྟས་ནི་ཇི་ལྟ་བུ་ལགས། །དོན་མཐོང་བའི་སྔ་ལྟས་ནི་ཇི་ལྟ་བུ་ལགས། བདག་ཅག་རྣམས་ལ་བཤད
iiif viewer powered by OpenSeadragon
