| e-texts navigator |
| Wylie |
33b1 པའི་སངས་རྒྱས་རྣམས། །ཕྲིན་ལས་རིགས་ཀྱི་གདུང་རྒྱུད་འཛིན། །ཅི་ཕྱིར་རིགས་ཞེས་བྱ་ཞེ་ན། །དང་པོ་དེ་ལས་བྱུང་བ་དང་། །བར་དུ་དེ་ཡི་བྱ་བ་བྱེད། །ཐ་མར་དེ་ཡི་རྒྱུད་འཛིན་ཕྱིར། །དེ་ཕྱིར་རིགས་ཞེས་གྲགས་པ་ཡིན། །དཔེར་ན་མེ་དང་ཆུ་དག་དང་། །ནམ
33b2 མཁའ་དང་ནི་ས་དག་ལ། །གནས་པའི་སེམས་ཅན་མཐའ་དག་ཀུན། །གནས་རྒྱུན་ཉིད་ཀྱི་མིང་འཛིན་དེ། །མེ་ལ་གནས་པའི་སེམས་ཅན་ལ། །མེ་ཡི་མ་ཞེས་ཟེར། །ཆུ་ལ་གནས་པའི་སེམས་ཅན་ལ། །ཆུ་སྲིན་ཏྭ་ར་ན་ཞེས་ཟེར། །ཅི་ཕྱིར་ལྔ་ཞེས་བྱ
33b3 ཞེ་ན། །རྒྱལ་བ་སངས་རྒྱས་ཐམས་ཅད་ལ། །སྐུ་དང་གསུང་ཐུགས་ཡོན་ཏན་དང་། །མཛད་པ་ཕྲིན་ལས་ཉིད་དང་ལྔ། །རིག་པ་ལྔ་དང་ལྔ་ཉིད་དུ། །ཐམས་ཅད་ཀུན་ཏུ་གསལ་བར་སྣང་། །དེས་ན་ལྔ་ཞེས་ངེས་པར་བཤད། །ཅི་ཕྱིར་ཞེ་ན་སངས་རྒྱས་ཀུན། །
33b4 ལྔ་པོ་དེ་ལས་མ་གཏོགས་པ། །གཞན་ལས་བྱུང་ཞིང་གཞན་ན་མེད། །སངས་རྒྱས་མཚན་གྱི་ཁྱད་པར་ཡང་། །མཚན་མེད་པ་ལས་མཚན་བཏགས་པ། །ཐམས་ཅད་ལྔ་པོ་ཉིད་ལས་བཏགས། །མཚན་གྱི་བྱེ་བྲག་ཐམས་ཅད་ཀུན། །ཐ་སྙད་ཙམ་དུ་གདགས
33b5 པར་ཟད། །རིགས་མེད་པ་ལས་རིགས་སྨོས་པ། །འདུལ་བའི་དབང་དུ་ལྔར་སྣང་ཡང་། །དྲང་བའི་དོན་ཏེ་དངོས་གཞི་མེད། །ཅི་ཡང་མེད་ལས་ཅི་སྣང་བ། །མཁའ་ལ་འཇའ་ཚོན་བྱུང་བ་འདྲ། །ཆོས་ཀུན་ནམ་མཁའ་འདྲ་བ་ཞེས། །གསང་བ་མཆོག་གི་བདག
33b6 པོས་བཤད། །མཉམ་དང་མི་མཉམ་མཉམ་པ་ཡིན། །སངས་རྒྱས་མེད་ཅིང་སེམས་ཅན་མེད། །འཁོར་བ་མེད་ཅིང་ཆོས་ཉིད་མེད། །དམིགས་པ་མེད་དེ་མི་དམིགས་མེད། །དེ་ལྟར་ཤེས་པ་མཁས་པ་ཡིན། །རིག་དང་མ་རིག་ཚུལ་གཅིག་སྟེ། །དེ་ལྟར་ཤེས་པ་རྒྱལ
33b7 བ་ཡིན། །སེམས་ཅན་རང་བཞིན་སངས་རྒྱས་ཉིད། །སངས་རྒྱས་རང་བཞིན་སེམས་ཅན་ཏེ། །སེམས་ཅན་སངས་རྒྱས་གཅིག་པ་ཡིན། །དེ་ལྟར་ཤེས་པ་རྒྱལ་བའི་སྲས། །བྱང་ཆུབ་ཕྱིར་ནི་གང་མ་བརྙེས། །མ་བརྙེས་གང་ཡང་དེ་མ་བརྙེས། །བརྙེས་པ་མེད་པའི
iiif viewer powered by OpenSeadragon
