| e-texts navigator |
| Wylie |
33a1 དཀྱིལ་འཁོར་རྫོགས། །ཉི་མ་འབར་བའི་འོད་ཟེར་ལས། །འོད་ཀྱི་འབར་བའི་རྡོ་རྗེ་འབར། །ཡི་གེ་ཧཱུཾ་གི་འོད་འཕྲོས་པས། །རྡོ་རྗེ་སྙིང་པོའི་ས་བོན་ཞེས། །རྡོ་རྗེ་རིགས་ཀྱི་ཞིང་དུ་གྲགས། །ཉི་མའི་འོད་ཟེར་རིན་ཆེན་ལས། །ཡིག་འབྲུ་འོད་ཀྱི་སྭ
33a2 འཕྲོས་པས། །རིན་ཆེན་སྙིང་པོའི་ས་བོན་ཞེས། །རིན་ཆེན་རིགས་ཀྱི་ཞིང་དུ་གྲགས། །ཉི་མ་པདྨོ་འབར་འཕྲོས་པས། །ཆོ་འཕྲུལ་ཡི་གེའི་ཨ~ཾ་དུ་འབར། །པདྨ་རིགས་ཀྱི་ཞིང་དུ་གྲགས། །སྣ་ཚོགས་ཉི་མའི་འོད་འཕྲོས་པས། །ཆོ་འཕྲུལ་ཡི་གེ་ཧར་གསལ་བས། །སྣ
33a3 ཚོགས་སྙིང་པོའི་ས་བོན་ཏེ། །ལས་ཀྱི་རིགས་ཀྱི་ཞིང་དུ་གྲགས། །དུས་གསུམ་རྒྱལ་བ་ཐམས་ཅད་ཀྱི། །ཐུགས་ནི་རྡོ་རྗེ་ཡེ་ཤེས་ཡིན། །ཡེ་ཤེས་དམ་པས་སྤྲུལ་པ་ཡི། །རྒྱལ་བ་དཔག་ཏུ་མེད་པ་ལ། །རྡོ་རྗེ་རིགས་ཞེས་བྱ་བར་བཤད། །ཡོན་ཏན་ཡེ་ཤེས་རིན
33a4 ཆེན་ཡིན། །རིན་ཆེན་དེ་ལས་སྤྲུལ་པ་ཡི། །རྒྱལ་བ་དཔག་ཏུ་མེད་པ་ལ། །རིན་ཆེན་རིགས་ཞེས་བྱ་བར་བཤད། །གསུང་གི་ཡེ་ཤེས་པདྨ་སྟེ། །པདྨ་ཡེ་ཤེས་ལས་སྤྲུལ་པའི། །རྒྱལ་བ་དཔག་ཏུ་མེད་པ་ལ། །པདྨོ་རིགས་ཀྱི་ཞིང་དུ་གྲགས། །ཕྲིན་ལས་བྱ་བ་སྣ
33a5 ཚོགས་ཏེ། །སྣ་ཚོགས་ཡེ་ཤེས་སྤྲུལ་པ་ཡི། །རྒྱལ་བ་དཔག་ཏུ་མེད་པ་ལ། །ལས་ཀྱི་རིགས་ཞེས་བྱ་བར་བཤད། །སྐུ་ནི་མ་བཅོས་དེ་བཞིན་ཉིད། །དེ་བཞིན་ཉིད་ཀྱི་ཡེ་ཤེས་ལ། །སྤྲུལ་པ་རྒྱལ་བ་དཔག་མེད་ལ། །དེ་བཞིན་རིགས་ཞེས་བྱ་བར་བཤད། །དེ་བས་རིགས
33a6 ཀྱི་གཏན་ཚིགས་ནི། །མ་བཅོས་སྐུ་ནི་དེ་བཞིན་ཉིད། །མི་འགྱུར་རིགས་ནི་རྡོ་རྗེའི་རིགས། །ཡོན་ཏན་ཀུན་འབྱུང་རིན་ཆེན་རིགས། །ཆགས་མེད་གསུང་གི་པདྨའི་རིགས། །བྱ་བ་བྱེད་པ་ལས་ཀྱི་རིགས། །སྐུ་ཡི་སྤྲུལ་པ་ཐམས་ཅད་ནི། །དེ་བཞིན་རིགས་ཀྱི་གདུང་རྒྱུད
33a7 འཛིན། །ཐུགས་ལས་སྤྲུལ་པའི་སངས་རྒྱས་ནི། །རྡོ་རྗེ་རིགས་ཀྱི་གདུང་རྒྱུད་འཛིན། །ཡོན་ཏན་ཡུལ་གྱི་སངས་རྒྱས་རྣམས། །རིན་ཆེན་རིགས་ཀྱི་གདུང་རྒྱུད་འཛིན། །གསུང་ལས་སྤྲུལ་པའི་སངས་རྒྱས་རྣམས། །པདྨ་རིགས་ཀྱི་གདུང་རྒྱུད་འཛིན། །མཛད་པ་སྤྲུལ
iiif viewer powered by OpenSeadragon
