| e-texts navigator |
| Wylie |
31a1 ཤར་བ། །བ་པ་བ་བྷ་མ། །དེ་ནས་ཨ་ཡི་འོད་ཟེར་དེ། །ཕྱི་རོལ་ཡུལ་དུ་འཕྲོས་པ་ལས། །ཆོ་འཕྲུལ་ཡི་གེ་སྣ་ཚོགས་འཕྲོས། །ཡ་ཝ་ར་ལ་ཤ་ཥ་ས་ཧ་ཀྵ། ཨི་ཨཱི་ཨུ་ཨཱུ་ཨེ་ཨཻ་ཨོ་ཨཽ་ཨ~ཾ་ཨཿ། ཨ་ལས་ཆོ་འཕྲུལ་འོད་འཕྲོས་པས། །ཡི
31a2 གེའི་ཕྲེང་བ་ཚོགས་བྱུང་སྟེ། །ཡི་གེའི་ཡན་ལག་ཡེ་ཤེས་ལ། །སངས་རྒྱས་སྐུ་ཡི་ས་བོན་བྱུང་། །དཔག་ཏུ་མེད་པའི་རྒྱལ་བ་རྣམས། །སྐུ་དང་གསུང་ཐུགས་སྤྲུལ་པའི་ཚོགས། །ཕྱག་རྒྱ་སྣ་ཚོགས་མཛེས་པར་སྣང་། །དེས་ན་ཡི་གེའི་རང་བཞིན་ནི། །རྒྱལ་བའི
31a3 སྐུ་ཉིད་ཡིན་པར་བཤད། ། ནི་ཐུགས་ཀྱི་ས་བོན་ཏེ། །ཀ་ལ་སོགས་པ་དང་པོ་ལྔ། །མགུར་གྱི་གསང་བའི་རང་བཞིན་ཡིན། །གཉིས་པ་ཙ་ལ་སོགས་པ་ལྔ། །ཟླ་གམ་ལྗགས་ཀྱི་རང་བཞིན་ཡིན། །གསུམ་པ་ཊ་ལ་སོགས་པ་བཅུ། །ལྗགས་ཀྱི་རྩེ་མོའི་རང
31a4 བཞིན་ཡིན། །བཞི་བ་པ་ལ་སོགས་པ་ལྔ། །ཞལ་གྱི་སྒྲོས་ལས་བྱུང་བར་བཤད། །ལྔ་པ་ཡ་ལ་སོགས་པ་ཡི། །བཅུ་ཚན་གཉིས་ཀྱི་ཡི་གེ་དག་།སྐུ་ལས་འཕྲོས་པར་རབ་ཏུ་བཤད། །ཞབས་ཀྱི་འཁོར་ལོའི་འོད་ཟེར་ལས། །སྒྲིབ་པ་སྲེག་པའི་ཡིག་འབྲུ་ཧ། །
31a5 གསང་བའི་མཁའ་ཡི་འོད་ཟེར་ལས། །ཆོ་འཕྲུལ་འབྱུང་བའི་ཡིག་འབྲུ་ཀྵ། །སྐུ་ཡི་ཁྲུན་ཚད་ལྟེ་བ་ལས། །འདོད་པ་འབྱུང་བའི་ཡིག་འབྲུ་ཧྭ། །ཐུགས་ཀར་འཁྱིལ་པའི་དཔལ་བེའུ་ལས། །མཚན་མ་དག་པའི་ཡིག་འབྲུ་ཤ། །ཕྱག་གི་འཁོར་ལོའི་འོད་ཟེར་ལས། །
31a6 ཆོ་འཕྲུལ་སྟོན་པའི་ཡིག་འབྲུ་ཤུ། །སྐྱེས་བུ་ཆེན་པོའི་དཔུང་པ་ལས། །རྟོག་པ་འཇོམས་པའི་ཡིག་འབྲུ་ལ། །སྐྱེས་བུ་ཆེན་པོའི་སྟ་ཟུར་ལས། །འདོད་ཆགས་སྲེག་པའི་ཡི་གེར། །སྐྱེས་བུ་ཆེན་པོའི་དཀུ་སྐབས་ལས། །གཏི་མུག་སེལ་བའི་ཡི་གེ་ཝ། །སྐྱེས་བུ་ཆེན
31a7 པོའི་བྱིན་པ་ལས། །འཁོར་བ་གནོན་པའི་ཡིག་འབྲུ་ཡ། །སྐྱེས་བུ་ཆེན་པོའི་སྤྱན་གཉིས་ལས། །རང་བཞིན་ཡི་གེ་ཨི་གཉིས་ཤར། །སྐྱེས་བུ་ཆེན་པོའི་སྙན་གཉིས་ལས། །རང་བཞིན་ཡི་གེ་ཨུ་གཉིས་ཤར། །སྐྱེས་བུ་ཆེན་པོའི་ཤངས་གཉིས་ལས། །རང་བཞིན
iiif viewer powered by OpenSeadragon
