| e-texts navigator |
| Wylie |
30b1 བཞིན་ཡི་གེར་བསྒྱུར་བྱས་ཏེ། །འོད་ཟེར་འབར་དང་བཅས་པ་ཡིས། །ཐོས་པའི་ཡུལ་ནི་ཚུན་ཆད་དུ། །འཕྲོ་འདུ་གསལ་བར་བྱས་པ་ལས། །རང་གི་ཆག་ཚད་བཞི་བསྒྱུར་ཙམ། །སྐུ་ཡི་ཁྱོན་ཡང་དེ་ཙམ་མོ། །དེ་བཞིན་རྣལ་འབྱོར་རིམ་པ་བཞིན། །ལྷ་ཡི་ཁྱད་པར
30b2 གང་ཡིན་པ། །ཡི་གེའི་རིམ་པ་བཞིན་བྱས་ནས། །འཕྲོ་འདུའི་ཚད་ཀྱང་དེ་བཞིན་ཏེ། །རིམ་པ་བཞིན་དུ་སྦྱར་ནས་ཀྱང་། །འཕྲོ་འདུ་གསལ་བར་གྱུར་པ་དང་། །སེམས་ཀྱི་ལྕོགས་ཚད་ཚུན་ཆད་དུ། །སྐུ་ཡི་ཁྱོན་གྱི་ཁྱད་པར་ཡང་། །ཆོས་ཀྱི་དབྱིངས་ཀྱི་མཐས
30b3 ཀླས་པར། །སྐུ་ཡི་ཁྱོན་གྱིས་གང་བར་བསྒོམ། །གཞན་ཡང་འདུས་པའི་རྣལ་འབྱོར་རྣམས། །ཡི་གེའི་རྗེས་སུ་དོན་དཔགས་ན། །ཡི་གེས་དོན་རྣམས་སྟོན་པར་འགྱུར། །ཅི་ཕྱིར་དོན་ཉིད་ཡི་གེར་སྣང་། །དབྱིངས་ལས་ཨ་བྱུང་ཨ་ལས་ནི། །ཡི་གེའི
30b4 ཚོགས་བྱུང་སྣ་ཚོགས་འཕྲོས། ། ནི་རང་བཞིན་ཡི་གེ་སྟེ། །རྟེན་དང་བྲལ་བས་རྒྱུ་རྐྱེན་མེད། །ཀུན་ལ་ཁྱབ་པས་ནམ་མཁའ་འདྲ། ། ནི་ཆོས་ཉིད་ཆོ་འཕྲུལ་ཏེ། །ཆོས་ཉིད་ཟབ་མོའི་ངང་ལས་ནི། །ཆོ་འཕྲུལ་ཡི་གེ་ཨ་བྱུང་བས། །ས་ནི་ཆོས་ཉིད་མཚོན
30b5 པར་བྱེད། ། ལས་ཡིག་འབྲུའི་ཚོགས་འཕྲོས་ཏེ། །ཚིག་ཚོགས་བསྟན་པ་རྒྱ་མཚོར་གྲགས། །ཡི་གེའི་སྒྲ་སྐད་ཀུན་བཟུང་སྟེ། །སྣ་ཚོགས་ཡི་གེའི་སྐད་དུ་བསྒྱུར། །ཡིག་འབྲུ་ཡན་ལག་མང་པོ་རྣམས། །རང་བཞིན་ཨ་ཡི་ངང་དུ་འདུས། །ཐུགས་ཀྱི་ཀློང་ནས་ཨ
30b6 བྱུང་བས། ། ཡི་འོད་ཟེར་འཕྲོ་འདུ་ལས། །མགུར་གྱི་གསང་བར་ཤར་བ་ལས། །གསུང་སྒྲ་ཡི་གེ་ལྔར་འཕྲོས་པ། །། ཀ་ཁ་ག་གྷ་ང་། དེ་ནས་ཨ་ཡི་འོད་ཟེར་དེ། །ལྗགས་ཀྱི་ཟླ་གམ་པདྨར་འཕྲོས། །ལྗགས་ཀྱི་མཐིལ་དུ་འཁྱིལ་བ་ལས། །འོད་ཟེར
30b7 ཡིག་འབྲུ་ལྔར་ཤར་བ། །ཙ་ཚ་ཛ་ཛྷ་ཉ། དེ་ནས་ཨ་ཡི་འོད་ཟེར་དེ། །ལྗགས་ཀྱི་རྩེ་ལ་འཕྲོས་པ་ལས། །འོད་ཟེར་ཡིག་འབྲུ་བཅུར་ཤར་བ། །ཊ་ཋ་ཌ་ཌྷ་ཎ། ཏ་ཐ་ད་དྷ་ན། དེ་ནས་ཨ་ཡི་འོད་ཟེར་དེ། །ཞལ་གྱི་སྒོ་ནས་འཕྲོས་པ་ལས། །ཆོ་འཕྲུལ་ཡི་གེ་ལྔར
iiif viewer powered by OpenSeadragon
