| e-texts navigator |
| Wylie |
30a1 སྐས། །རླུང་བཅིང་བ་དང་རྒྱུན་བཟློག་དང་། །བསྲེག་པའི་བསྐལ་བ་གཞིལ་བ་དང་། །ཉི་ཟླ་ཞོན་དང་འཇིག་རྟེན་འཕང་། །ས་ལ་འཛུལ་དང་རི་རབ་འདེགས། །སྟོང་གསུམ་ཡུངས་འབྲུར་འཇུག་ཚུལ་དང་། །གཞིག་དང་སྤར་བ་ལ་སོགས་ཏེ། །བསམ
30a2 བྱ་བསམ་གྱིས་མི་ཁྱབ་པ། །གོམས་པ་ལས་སུ་རུང་བ་ཡི། །རྣལ་འབྱོར་རྩལ་ཆེན་སྦྱོང་བར་ཟད། །བཟླས་པ་མཐར་ཕྱིན་གྲུབ་པ་དང་། །བཅིང་བ་ཡོངས་སུ་རྫོགས་པ་དང་། །བསམ་པ་ལས་སུ་རུང་བ་དང་། །དོན་མཐོང་བ་དང་ཚིག་གྲུབ་པ། །བྱ་བ་ཡོངས་སུ་དག་པ་དང་། །
30a3 དོན་གཅིག་ཡུལ་ལ་སོ་སོར་སྣང་། །དེས་ན་ཏིང་འཛིན་ཁྱད་པར་ཡང་། །དབྱིངས་ཉིད་གཅིག་ལ་སྒོམ་མོད་ཀྱི། །རྣལ་འབྱོར་རྩལ་གྱི་ཁྱད་པར་གྱིས། །བསམ་པའི་ཡུལ་ནི་སྣ་ཚོགས་ཏེ། །དང་པོའི་ས་ལ་གནས་པ་ཡི། །བརྩམ་པ་ལས་ཀྱི་རྣལ་འབྱོར་བ། །འདུན
30a4 པ་སེམས་པའི་རྣལ་འབྱོར་ལས། །སོགས་པའི་རྣལ་འབྱོར་རྣམ་དྲུག་པོ། །ཤེས་རབ་རྩལ་གྱི་འཕང་དམས་པས། །ཏིང་འཛིན་རྩལ་ཡང་ཆུང་བ་སྟེ། །དོན་ལ་མཐོང་བར་མི་འགྱུར་ཏེ། །རང་གི་མོས་པའི་ལྷ་སྒོམ་ན། །ལྷ་ཡི་ས་བོན་གང་ཡིན་པ། །ཁ་དོག་ཚོན་གྱིས་ཕྱེ
30a5 ནས་ནི། །སྣ་ཡི་དབུགས་ལ་རྒྱུ་བྱས་ཏེ། །དབུགས་ཀྱི་ཡུལ་དུ་གྱུར་ཚད་དུ། །ཟུང་བསྒྲིལ་ཕར་འཕྲོ་གསལ་བ་ལས། །འཕྲོ་འདུའི་གནས་སུ་བསྐྱེད་པར་བྱ། །རང་གི་ཆག་ཚད་དང་སྦྱར་བའི། །སྐུ་ཡི་ཁྱོན་ཡང་དེ་ཙམ་མོ། །གཉིས་པའི་ས་ལ་གནས་པ་ཡི། །
30a6 བཀའ་སྡོད་ལས་ཀྱི་རྣལ་འབྱོར་ལས། །སོགས་པའི་རྣལ་འབྱོར་རྣམ་བཞི་པོ། །ཏིང་འཛིན་རྩལ་གྱི་ཁྱད་པར་ནི། །ས་བོན་རང་བཞིན་ཡི་གེ་ལ། །འོད་ཟེར་འབར་བར་བཅས་པ་དེ། །དྲི་བྱུང་ཡུལ་ནི་ཚུན་ཆད་དུ། །འཕྲོ་འདུ་གསལ་བར་བསྐྱེད་པ་ལས། །རང་གི
30a7 ཆག་ཚད་གཉིས་བསྒྱུར་བའི། །སྐུ་ཡི་ཁྱོན་ཡང་དེ་ཙམ་མོ། །གསུམ་པའི་ས་ལ་གནས་པ་ཡི། །རྣལ་འབྱོར་ལུང་གི་བཀའ་བསྒོ་ལས། །སོགས་པའི་རྣལ་འབྱོར་རྣམ་གསུམ་པོ། །དམིགས་པའི་ཏིང་འཛིན་འདི་ལྟར་འདོད། །ལྷ་ཡི་ས་བོན་གང་ཡིན་པ། །རང
iiif viewer powered by OpenSeadragon
