| e-texts navigator |
| Wylie |
309a1 བསྒོམས་ན། །འདི་ནི་རྒྱས་པའི་ལས་འགྲུབ་བོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྒྱས་པའི་སྦྱོར་བའི་ལེའུ་སྟེ་སུམ་ཅུ་གསུམ་པའོ།། །།ཟླུམ་པོའི་དཀྱིལ་འཁོར་རྩིབས་བརྒྱད་པར། །ལྷ་རྣམས་འཁོར་བཅས
309a2 སྤྱན་དྲངས་ཏེ། །དཀར་པོའི་ཡོན་གྱིས་མཆོད་པ་བྱ། །དེ་ནས་ལས་རྣམས་བརྩམ་པར་བྱ། །གཏི་མུག་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །ཡུད་ཙམ་ཉིད་ལ་ཞི་མཛད་དེ། །ཞི་བར་གྲུབ་ལ་ཕྱག་འཚལ་ལོ། །ལྷ་རྣམས་འཁོར་བཅས་ཐམས་ཅད
309a3 ཀྱིས། །འཁྲུག་པ་ཐམས་ཅད་ཞི་མཛད་པར། །བསྒོམས་ན་ཐམས་ཅད་ཡུད་ཙམ་གྱིས། །ཞི་བར་འགྱུར་ཏེ་ཐེ་ཚོམ་མེད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་ལས་ཀྱི་ལེའུ་སྟེ་སུམ་ཅུ་བཞི་པའོ།། །།ཧོམ་ཁུང་ཟླུམ་པོ་གདེངས་པ་ལ། །རྡོ་རྗེ་པདྨོས་བརྒྱན་པར་བྱ། །
309a4 ཕུར་པ་དཀར་པོ་དྲུག་བཏབ་སྟེ། །སྤྱན་དྲངས་རྡུལ་ཕྱེ་སོགས་པས་མཆོད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་ཧོམ་གྱི་ལེའུ་སྟེ་སུམ་ཅུ་ལྔ་པའོ།། །།ཕུར་པ་ཁ་དོག་དཀར་པོ་ལ། །མགོ་པོ་རྒྱ་མདུད་རྩེ་ཟླུམ་པོར། །ལྷ་རྣམས་བསྒོམས་ལ་གདབ་པར་བྱ། །འདི
309a5 ནི་ཞི་བའི་ལས་ལ་ཤིས། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་པའི་ཕུར་པའི་ལེའུ་སྟེ་སུམ་ཅུ་དྲུག་པའོ།། །།དངུལ་དང་འབྲས་ཆན་དཀར་པོ་རྣམས། །འོ་མར་སྦྱར་བའི་གཏོར་མ་ནི། །ཞི་བར་འགྱུར་བའི་གཏོར་མ་སྟེ། །མཁས་པས་ཞི་བར་བསྒོམས་ཤིང་། །
309a6 གཏོར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་གཏོར་མའི་ལེའུ་སྟེ་སུམ་ཅུ་བདུན་པའོ།། །།ལྷ་མོ་རྣམས་ཀྱི་དཀྱིལ་འཁོར་དུ། །ལྷ་ཡི་གྲུབ་པ་བསྒོམ་པར་བྱ། །བྱིན་གྱིས་ཐམས་ཅད་ཞི་བསྒོམས་ན། །ལྷ་རྣམས་ཀུན་ཀྱང་ཞི་བར་འགྱུར། །འཕགས
309a7 པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་སྤྱོད་པ་ལས་ཀྱི་ལེའུ་སྟེ་སུམ་ཅུ་བརྒྱད་པའོ། ། །།མཚན་ཉིད་མེད་པའི་ཕྱག་རྒྱ་དང་། །དེ་ལས་དངོས་བྱུང་ཕྱག་རྒྱ་རྣམས། །ངེས་པ་མེད་པར་དཔའ་བོས་བཤད། །མཁས་པས་ཅི་དགར་བསྒྱུར་ན་འགྲུབ། །
iiif viewer powered by OpenSeadragon
