| e-texts navigator |
| Wylie |
308b1 ངེས་པར་དེ་དབང་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་གཏོར་མའི་ལེའུ་སྟེ་ཉི་ཤུ་བདུན་པའོ།། །།ཁྲོ་མོ་རྣམས་ཀྱི་དཀྱིལ་འཁོར་དུ། །ཁྲོ་བོའི་དཀྱིལ་འཁོར་བསྒོམས་བྱས་ན། །ལྷ་ཡང་རུང་སྟེ་དབང་དུ་འགྱུར། །དེ་ནི་བདེ
308b2 བ་ཆེན་པོ་ཡིན། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་སྦྱོར་བའི་ལེའུ་སྟེ་ཉི་ཤུ་བརྒྱད་པའོ།། །གྲུ་བཞི་དཀྱིལ་འཁོར་རྩིབས་བརྒྱད་པར། །ལྷ་རྣམས་འཁོར་བཅས་སྤྱན་དྲངས་ཏེ། །མཆོད་པ་གླུ་ལ་སོགས་པས་མཆོད། །དེ་ནས་ལས
308b3 རྣམས་བརྩམ་པར་བྱ། །ང་རྒྱལ་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །དཔལ་དང་གཟི་བརྗིད་ཆེན་པོ་རྣམས། །ཡུད་ཙམ་གྱིས་ནི་རྒྱས་པར་མཛོད། །ཁྲོ་བོ་ཁྲོ་མོ་འཁོར་བཅས་དང་། །རྡོ་རྗེ་ཕྲ་མེན་འཁོར་བཅས་པས། །དཔལ
308b4 དང་གཟི་བརྗིད་འཕེལ་བསྒོམས་ན། །བདག་ཉིད་ཆེན་པོར་དེ་འགྱུར་རོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྒྱས་པའི་ལས་ཀྱི་ལེའུ་སྟེ་ཉི་ཤུ་དགུ་པའོ།། །།ཧོ་མ་ཁུང་གྲུ་བཞི་གདེངས་པ་ལ། །རྡོ་རྗེ་འཁོར་ལོས་བརྒྱན་པར་བྱ། །དེ་ནས་ལྷ
308b5 རྣམས་སྤྱན་དྲངས་ཏེ། །བསྲེགས་པས་མཆོད་ཅིག་དཔལ་འཕེལ་བསྒོམ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྒྱས་པའི་ཧོམ་གྱི་ལེའུ་སྟེ་སུམ་ཅུ་པའོ།། །།གསེར་རམ་སེར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་བཞི། །ལྷ་རྣམས་བསྒོམས
308b6 ཏེ་གདབ་པར་བྱ། །འདི་ནི་རྒྱས་པའི་ལས་ལ་ཤིས། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྒྱས་པའི་ཕུར་པའི་ལེའུ་སྟེ་སུམ་ཅུ་གཅིག་པའོ།། །།གསེར་ཕྱེ་འབྲས་ཅན་སེར་པོ་རྣམས། །འོ་མ་སྦྲང་རྩི་གཏོར་མ་ནི། །རྒྱས་པར་འགྱུར་བའི་གཏོར་མ་སྟེ། །
308b7 མཁས་པས་རྒྱས་པར་བསྒོམ་ཞིང་སྦྱིན། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྒྱས་པའི་གཏོར་མའི་ལེའུ་སྟེ་སུམ་ཅུ་གཉིས་པའོ།། །།ལྷ་མོ་རྣམས་ཀྱི་དཀྱིལ་འཁོར་དུ། །ལྷ་ཡི་དཀྱིལ་འཁོར་རྫོགས་པར་བསྒོམ། །བྱང་ཆུབ་སེམས་ནི་འཕྲོ
iiif viewer powered by OpenSeadragon
