| e-texts navigator |
| Wylie |
308a1 པར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དྲག་པོའི་སྦྱོར་བའི་ལེའུ་སྟེ་ཉི་ཤུ་གཉིས་པའོ།། །།དྲག་པོའི་ལས་ཀྱིས་བསྒྲུབས་པའི་རྣམས། །འཁོར་བའི་ལམ་ལྔ་སྒོ་བཅད་ནས། །རྣམ་ཤེས་ཧཱུ~ཾ་གིས་བསྡུས་གཏུམས་ཏེ། །འོག་མིན
308a2 བླ་མེད་གནས་མཆོག་ན། །གཙོ་བོ་ལྔ་དང་གཙོ་མོ་ལྔ། །སེམས་དཔའ་དང་ནི་སེམས་མ་དང་། །ཁྲོ་བོ་དང་ནི་ཁྲོ་མོ་རྣམས། །སྦྱོར་བའི་ལྷུམས་སུ་ཕཊ་ཀྱིས་འཕང་། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་གནས་བསྟབས་པའི་ལེའུ་སྟེ་ཉི་ཤུ་གསུམ་པའོ།། །།
308a3 ཟླ་གམ་དཀྱིལ་འཁོར་རྩིབས་བརྒྱད་པ། །ཁྲོ་བོ་ཁྲོ་མོ་སྤྱན་དྲངས་ཏེ། །མཆོད་པ་གླུ་ལ་སོགས་པས་མཆོད། །དེ་ནས་ལས་རྣམས་བརྩམ་པར་བྱ། །ཆགས་པའི་རྡོ་རྗེ་འཁོར་བཅས་པ། །འཇིག་རྟེན་ཁམས་ནི་རབ་འབྱམ་ཀུན། །ཆགས་པས་ཡུད་ལ་དབང་མཛད་དེ། །དབང
308a4 དུ་མ་གྱུར་གང་ཡང་མེད། །རྡོ་རྗེ་ཕྲ་མེན་མངགས་ནས་སུ། །བཀུག་ནས་ཁྲོ་བོ་ཆེན་པོ་ཡིས། །ཆགས་པའི་ཚུལ་གྱིས་དེ་ལུས་ལས། །དཔའ་དང་གཟི་བརྗིད་བསྡུས་ནས་འགྲུབ། །ཕྲ་མེན་རྣམས་ནི་མངགས་ནས་སུ། །དེ་ཡི་མིག་རྣ་སྣ་དང་ལྕེ། །ལུས་ངག་སེམས་བསྒྱུར་རྣམས
308a5 བསྒོམས་ན། །ཀུན་ལ་མཛེས་ཤིང་དགའ་བར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་ལས་བསྟན་པའི་ལེའུ་སྟེ་ཉི་ཤུ་བཞི་པའོ།། །།ཧོམ་ཁུང་ཟླ་གམ་གདེངས་པ་ལ། །རྡོ་རྗེ་ཞགས་པས་བརྒྱན་པར་བྱ། །དེ་ནས་ལྷ་རྣམས་སྤྱན་དྲངས་ཏེ། །མི
308a6 ཕན་རྣམ་རྟོག་བསྲེགས་ན་འགྲུབ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་ཧོམ་གྱི་ལེའུ་སྟེ་ཉི་ཤུ་ལྔ་པའོ།། །།ཟངས་སམ་ཁ་དོག་དམར་པོའི་ཤིང་། །མགོ་བོ་རྒྱ་མདུད་རྩེ་ཟླ་གམ། །མགོ་ལ་ཁྲོ་བོའི་འཁོར་བསྒོམས་ཏེ། །བཏབ་ན་ངེས་པར་དེ་དབང
308a7 འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་ཕུར་པའི་ལས་བཤད་པའི་ལེའུ་སྟེ་ཉི་ཤུ་དྲུག་པའོ།། །།ཟངས་ཕྱེ་དང་ནི་བུ་རམ་དང་། །དམར་པོའི་འབྲས་ཅན་ལ་སོགས་པ། །སྦྱར་བས་གཏོར་མ་གཏང་བར་བྱ། །མཐོང་བས
iiif viewer powered by OpenSeadragon
