| e-texts navigator |
| Wylie |
307a1 ལག་པ་གཡས་པའི་ཁུ་ཚུར་གྱིས། །རྡེག་པའི་ཐབས་སུ་གདེངས་པ་དང་། །གཡོན་པ་དཀུ་ལ་བརྟེན་པ་ནི། །གཤིན་རྗེ་འཇོམས་པའི་ཕྱག་རྒྱ་ཡིན། །ལག་པ་གཡས་པའི་ཐལ་མོ་ཡིས། །གདབ་པའི་ཐབས་སུ་གདེངས་པ་དང་། །གཡོན་གྱིས་འཛིན
307a2 པ་ལྟར་བྱས་པ། །མི་གཡོ་མགོན་གྱི་ཕྱག་རྒྱ་ཡིན། །ལག་པ་ཐལ་མོ་སྦྱར་ནས་ནི། །གུང་མོ་རྒྱབ་ཏུ་བསྣོལ་བར་བྱ། །མཐེ་བོ་གཉིས་ཀྱང་ཕྲལ་ཏེ་བསྒྲེང་། །སྤྱི་བོར་བཞག་པ་གྲེ་བའི་རྒྱ། །རྐང་པ་གཡས་པ་ཐུར་དུ་གཟུགས། །ལག་པ་གཡས་པ་གྱེན་དུ་བསྒྲེང་། །གཡོན
307a3 པའི་རྐང་པ་ལག་ཕྱར་བའི། །གཞན་གྱིས་མི་ཐུབ་ཕྱག་རྒྱ་ཡིན། །ལག་པ་གཡས་གཡོན་དཀུར་བརྟེན་ཏེ། །རྐང་པ་གཤིབས་ཏེ་མཆོངས་པ་ནི། །བདུད་རྩི་འཁྱིལ་པའི་ཕྱག་རྒྱ་ཞེས། །དཔའ་བོ་ཆེན་པོས་ཡང་དུ་བཤད། །ལག་པ་གཡས་གཡོན་བསྣོལ་བ་དང་། །རྐང་པ
307a4 བརྐྱང་བསྐུམ་བྱས་པ་ནི། །ཁམས་གསུམ་རྒྱལ་བའི་ཕྱག་རྒྱ་ཞེས། །མགོན་པོ་དཔའ་བོས་ཡང་དུ་བཤད། །ལག་པ་གཡས་གཡོན་སྤྲུགས་པ་དང་། །ལུས་ཀྱང་དྲག་ཏུ་གསིགས་པ་ནི། །རྡོ་རྗེ་ཕྲ་མེན་མ་རྣམས་ཀྱི། །ཕྱག་རྒྱ་ཡིན་པར་འདྲེན་པས་བཤད། །ཕྱག་རྒྱ་འདི་དག
307a5 བཅིངས་ནས་ནི། །སྟབས་ཆེན་དྲག་ཏུ་མཆོངས་བྱས་ན། །ཁམས་གསུམ་དག་ལས་མཆོངས་པར་འགྱུར། །གཞན་ཡང་གོ་འཕང་ཐམས་ཅད་ཀུན། །གྲུབ་པར་གྱུར་ཏེ་ཐེ་ཚོམ་མེད། །རིག་པའི་སྐྱེས་བུ་ཆེན་པོས་བཤད། །འཕགས་པ་ཐབས་ཀྱི་ཞགས་པ
307a6 པདྨོ་ཕྲེང་ལས་ཕྱག་རྒྱའི་ལེའུ་སྟེ་བཅུ་དྲུག་པའོ། ། །།འཁོར་ལོ་ཆེན་པོའི་རྩིབས་བརྒྱད་པའི། །དཀྱིལ་དུ་ཁྲག་འཐུང་སྤྱན་དྲངས་ཏེ། །མདུན་དུ་ཧཱུ~ཾ་ཡང་སྤྱན་དྲང་ངོ་། །རྒྱབ་ཏུ་སྟོབས་ཆེན་སྤྱན་དྲངས་ནས། །འཁོར་ལོ་རྩིབས་ཀྱི་སྟེང་དག་ཏུ། །བཅུ་པོ་རྣམས་ཀྱང
307a7 བཞིན། །སོ་སོའི་གནས་སུ་སྤྱན་དྲངས་ཏེ། །དམར་གྱི་ཨརྒྷ་གསོལ་ནས་ནི། །མཆོད་ཡོན་གཞན་ཡང་དབུལ་བར་བྱ། །རྡོ་རྗེ་དབྱངས་ཀྱིས་བསྟོད་བྱས་ཏེ། །དེ་ནས་ལས་རྣམས་བསྒྲུབ་པར་བྱ། །ཞེ་སྡང་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ
iiif viewer powered by OpenSeadragon
