| e-texts navigator |
| Wylie |
303b1 རའི་དབྱུག་པ་ཆེན་པོ་དང་། །དུང་ཆེན་དམར་གྱིས་བཀང་བ་ལ། །རྡོ་རྗེས་དཀྲུག་ཅིག་འཐུང་བར་བརྟག་།གཡོན་གྱི་གསུམ་ན་ཐོགས་པ་ནི། །སྟི་རའི་རྒྱུ་མའི་ཞགས་པ་དང་། །ཁྱུང་གི་ཁྲག་ཆེན་ཐོགས་པ་དང་། །སྟི་ར་ཕྲ་མོའི་གསུས་པ་ནས། །
303b2 ཀློ་སྙིང་ནང་གྲོལ་འདྲེན་ཅིང་ཟ། །གཙུག་ཏུ་རྣམ་པར་སྣང་མཛད་ཉིད། །ོ~ཾ་ཕྲག་གཡས་ལ་ཨཀྵ་བྷྱཿཧཱུ~ཾ། །གཡོན་རཏྣ་སམྦྷ་བ་ཏྲཱ~ཾ། །རྐང་གཡས་ཨ་མོ་གྷ་སིདྡྷི་ཨཱཿ། །གཡོན་ན་ཨ་མི་ཏཱ་བྷ་སྟེ། །ཧྲཱིཿ་བྷུ~ཾ་ལས་རྡོ་རྗེ་འཁོར་ལོ་ལ། །རྡོ་རྗེ་རྣམས
303b3 ནི་རིག་སྔགས་བརྟག་། ཀཽ་རི་དང་ནི་ཙཽ་རི་དང་། །པྲ་མོ་ཧ་དང་བཻཏྟ་ལི། །གཞན་ཡང་བྱཱ་གྷྲྀ་མུ་ཁཱ་དང་། །སིདྷ་ལ་སོགས་མགྱོགས་མ་རྣམས། །སྟི་ར་ལ་ནི་འབྲི་ཚུགས་སུ། །བལྟ་ཞིང་རྟོད་པའི་ཚུལ་བཞིན་གནས། །ཧ་ཧ་དེ་ནས་སྐད
303b4 ཅིག་ལ། །རིག་སྔགས་ཉིད་དང་རྦོད་གཏོང་བཅས། །དགུག་པའི་ཕོ་ཉར་བརྟག་པར་བྱ། །རས་སམ་གྲོ་གའམ་རྩ་རྣམས་ལ། །ཁྲོ་བོའི་གཟུགས་སུ་བྲིས་པ་འམ། །ཡང་ན་སྐུད་པ་ནག་པོས་བཅིང་། །ཧ་ཧ་གད་མོ་ཆེན་པོ་དང་། །རྡོ་རྗེ
303b5 སྐུལ་བའི་གླུ་བླངས་ཏེ། །ཕོ་ཉ་རྣམས་ལ་མངག་པར་བྱ། །དེ་ནས་རིག་སྔགས་བཟུང་ནས་ཀྱང་། །རྩ་ཡི་གཟུགས་ལ་གནས་པ་དང་། །འཁོར་ལོ་ལ་སོགས་མཚོན་ཆ་ཡིས། །དེ་དག་ཕྱེ་མར་བརླག་པར་བྱ། །བཛྲ་ཙ་ཀྲ་ཧཱུ~ཾ། ཕྱེ་མར
303b6 དེ་དག་གཏུབས་ནས་ནི། །ཐོད་པ་གཞུ་དང་བཅས་པ་ཡིས། །ཧོམ་ཁུང་གྲུ་གསུམ་སྒོ་ཅན་དུ། །ར~ཾ་ཞེས་བྱ་བའི་མེ་སྤར་ཏེ། །དྲང་སྲོང་འཁོར་བཅས་གཡབ་མོས་བོད། །རིག་སྔགས་བསྲེག་པར་བྱ། །དེ་ལྟར་ལྷ་དང་བདག་སྦྱར་ན། །
303b7 རྣམ་ལྔའི་ཆས་དང་ལྡན་པར་བྱ། །མ་མོ་ཆེན་མོ་ཤ་ལ་སྤྱོན། །འབྱུང་པོའི་ཤ་ནི་ཟན་པས་ཞིམ། །འབྱུང་པོའི་ཁྲག་ནི་ཆང་བས་ཞིམ། །མ་མོ་ཆེན་མོ་ཁྲག་ལ་སྤྱོན། །གླུ་དང་གར་དང་གད་རྒྱངས་ཀྱིས། །སོ་སོར་མཆོད་དེ་བསྒྲུབ་པར
iiif viewer powered by OpenSeadragon
