| e-texts navigator |
| Wylie |
302a1 གུང་མོ་རྩེ་སྦྱར་བཞི་ཡང་བསྒྲེང་། །རྡོ་རྗེ་འཛིན་ལྟར་རྟིང་སྤྲད་པ། །རྡོ་རྗེ་འཛིན་པའི་ཕྱག་རྒྱ་ཡིན། །རྟིང་སྦྱར་མཐེབ་མཛུབ་རྩེ་སྦྱར་ཏེ། །མཛུབ་མོའི་མིག་ཏུ་མཐེ་ཆུང་དྲང་། །ལྷག་མ་རྩེ་གསུམ་ལྟར་བྱས་པ། །རྡོ་རྗེ་སྤྱན་གྱི་ཕྱག་རྒྱ
302a2 ཡིན། །ལག་ངར་གཡོན་པ་བསྒྲེང་ནས་ཀྱང་། །སོར་མོ་ཨུཏྤལ་ལྟར་བྱས་པ། །གཡས་ཀྱི་སོར་མོ་གཟུང་བར་བྱ། །རྡོ་རྗེ་སྒྲོལ་མའི་ཕྱག་རྒྱ་ཡིན། །རྐང་པ་གཉིས་ཀྱི་པུས་མོ་དང་། །ལག་པ་གཉིས་ཀྱི་གྲུ་མོ་རྣམས། །སྤྲད་ནས་ལག་པ
302a3 གདེངས་པ་ནི། །ཀུན་དུ་བཟང་མོའི་ཕྱག་རྒྱ་ཡིན། །རྡོ་རྗེ་ཁུ་ཚུར་དཀུར་བརྟེན་ནས། །ལྡན་པ་གཡས་སུ་བྱོ་བ་ལས། །ཆགས་པའི་མིག་གིས་ལྟ་བ་ནི། །རྡོ་རྗེ་སྒེག་མོའི་ཕྱག་རྒྱ་ཡིན། །གཡོན་པ་སྐོང་སྐོང་པོ་བྱས་ཏེ། །གཡས་པས་གྲུ
302a4 མོ་བཟུང་ནས་ཀྱང་། །བསྐོར་ཞིང་སོར་མོ་འཕྲོ་བ་ནི། །རྡོ་རྗེ་བདུག་པའི་ཕྱག་རྒྱ་ཡིན། །ལག་པ་གཉིས་ནི་རྒྱབ་སྦྱར་ནས། །རྡོ་རྗེ་ཁུ་ཚུར་བཅངས་པ་ལས། །མཐེ་ཆུང་སྦྲེལ་ནས་མཛུབ་མོ་བསྒྲེང་། །རྡོ་རྗེ་ལྕགས་ཀྱུ་མ་ཡི་རྒྱ། །མཐེ་ཆུང
302a5 ལུ་གུ་རྒྱུད་དུ་སྦྲེལ། །སོར་མོ་རྣམས་ནི་སོ་སོར་བསྒྲེང་། །ཐལ་མོ་བཀན་ཏེ་ལྟ་བ་ནི། །རྡོ་རྗེ་སྒྲོལ་མའི་ཕྱག་རྒྱ་ཡིན། །སྲིན་ལག་དང་ནི་མཐེ་བོ་གཉིས། །སོ་སོར་རྩེ་མོ་སྤྲད་པ་ལས། །འཕྲལ་བའི་ཐད་ཀར་དྲངས་པ་ཡི། །རྡོ་རྗེ་ཕྲེང་བའི་ཕྱག་རྒྱ་ཡིན། །
302a6 འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཕྱག་རྒྱའི་ལེའུ་སྟེ་བཅུ་པའོ།། །།དེ་ནས་དཀྱིལ་འཁོར་གྱི་ལྷ་དང་ལྷ་མོ་རྣམས་ལ་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་བརྒྱད་དང་འཁོར་ཕལ་མོ་ཆེས་དབྱངས་མཐུན་པར་བསྟོད་པ།
302a7 ཨོ~ཾ་ཕྱོགས་བཅུའི་འཇིག་རྟེན་རབ་འབྱམ་ན། །རྒྱལ་བ་གང་བཞུགས་འཁོར་དང་བཅས། །བླ་མེད་ལྷ་དང་ལྷ་མོ་ཡི། །གྲུབ་པའི་བྱིན་བརླབས་བསམ་མི་ཁྱབ། །སེམས་དཔའ་བཅུ་དྲུག་རིགས་ཀྱི་གཙོ། །སེམས་མ་བཅུ་དྲུག་རིགས་ཀྱི་ཡུམ། །མཐུ
iiif viewer powered by OpenSeadragon
