| e-texts navigator |
| Wylie |
29b1 ཚིག་དང་ཡི་གེས་ཁྲིད་ནས་ནི། །མི་ཤེས་བཞིན་དུ་ཆོས་བསྟན་ན། །སེམས་ཅན་ཐམས་ཅད་སྲོག་ཕྲོགས་པས། །མི་ཤེས་ཆོས་སྟོན་དེ་བས་ལྕི། །དེ་བས་མཉམ་པའི་དོན་འདི་ལ། །བསྟུན་ཏེ་ཅིག་ཅར་འཇུག་ཤེས་ན། །བསྒོམ་པའི་ཡུན་ནི་རིང་ཐུང་དང་། །ལས
29b2 འཕྲོ་ཡོད་དང་མེད་པ་དང་། །ནམ་གྲུབ་སྙམ་པའི་ཁར་མ་ལུས། །མཉམ་པའི་དོན་ལ་མཉམ་བཞག་ན། །དེ་མ་ཐག་ཏུ་རིག་པ་འཆར། །མཉམ་པའི་དོན་ལས་མ་གཡོས་ན། །གཟུགས་ཁམས་གནས་སུ་དེ་མི་ལྟུང་། །མཉམ་པ་ཉིད་ལ་མ་ཆགས་ན། །གཟུགས་མེད་ཁམས
29b3 སུ་ལྟུང་མི་འགྱུར། །མཉམ་ཉིད་མངོན་དུ་གྱུར་པས་ན། །ཉན་ཐོས་གནས་སུ་དེ་མི་ལྟུང་། །ཅི་ཡང་མེད་པའི་དོན་མཐོང་ན། །སངས་རྒྱས་ཞེས་ནི་དེ་ལ་བྱ། །དེས་ནི་ཏིང་འཛིན་ཁྱད་པར་འདི། །རྣལ་འབྱོར་ཅན་གྱིས་འདྲིས་པར་བསྒོམ། །ཐམས་ཅད་མི་རྟོག་སྐྱེ་མེད
29b4 ཅིང་། །རྟོག་པའི་མཐའ་སྤངས་ནམ་མཁའི་དབྱིངས། །ཇི་བཞིན་མི་གཡོ་མཉམ་པ་ཉིད། །མཚན་མའི་རྟོག་པ་ཡུལ་ལས་འདས། །ཡུལ་མེད་ནམ་མཁའི་རང་བཞིན་ལས། །སྙིང་རྗེ་ཆེན་པོའི་བྱང་ཆུབ་སེམས། །ཉི་མ་སྟོང་གི་དཀྱིལ་འཁོར་ཤར། །མཚན
29b5 མའི་ཆོས་རྣམས་ཀུན་ལ་ཁྱབ། །ཉི་མ་འབར་བ་སྙིང་པོ་ལས། །འོད་ཟེར་ཡིག་འབྲུའི་མཆོག་ཏུ་གསལ། །ཐམས་ཅད་འབྱུང་བའི་ཡི་གེ་ཨ། །ཅིར་ཡང་འགྱུར་བའི་རང་བཞིན་ལས། །སྤྲུལ་པའི་ཆོ་འཕྲུལ་ཐམས་ཅད་འབྱུང་། །དེ་ཡང་རྩལ་གྱི་ཁྱད་པར
29b6 ལས། །དབུགས་ཀྱི་ཡུལ་དང་ཚོར་བ་དང་། །ཐོས་དང་མཐོང་བ་ལ་སོགས་ཏེ། །སེམས་ཀྱི་ཡུལ་དང་ནམ་མཁའི་དབྱིངས། །ཆོས་ཀྱི་དབྱིངས་ཀྱི་མཐས་ཀླས་པར། །རང་བཞིན་ཡི་གེ་བསྒྱུར་ཡི་གེ། །ཡན་ལག་ཡི་གེ་སོ་སོ་ཡི། །རྩ་བ་ལ་སོགས་གཞི་གཅིག
29b7 བཅས། །འཕྲོ་འདུ་ཚད་ཀྱང་ཕྱག་རྒྱ་ཡི། །ཚོམ་བུའི་གྲངས་ཀྱང་དེ་བཞིན་ནོ། །འདི་ནི་དང་པོའི་འཇུག་རིམས་ཏེ། །མཐར་གྱིས་འདྲིས་ཤིང་གོམས་བྱེད་པའོ། །ཡི་གེའི་ཡེ་ཤེས་ལས་སྐྲུན་ཏེ། །དོན་བྱེད་པ་དང་ཕྱག་རྒྱར་སྐྱེད། །རྒྱ་མཚོ་གནོན་དང་ནམ་མཁའི
iiif viewer powered by OpenSeadragon
