| e-texts navigator |
| Wylie |
299a1 @##། །འཕགས་པ་ཐབས་ཀྱི་ཞགས་པ་པདྨོའི་ཕྲེང་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་གི་དོན་བསྡུས་པ། དེ་ནས་བཅོམ་ལྡན་འདས་དཔལ་ཀུན་རིག་རྣམ་པར་སྣང་མཛད་ལ་བཅོམ་ལྡན་འདས་དཔལ་རྡོ་རྗེ
299a2 སེམས་དཔས་རིག་པའི་བྱིན་བརླབས་ལས་བྱུང་བའི་མཆོད་པ་རྒྱ་ཡོངས་སུ་མ་ཆད་པའི་གཞལ་ཡས་ཁང་དང་། བླ་རེ་དང་། རྒྱལ་མཚན་དང་། བ་དན་དང་། གདུགས་དང་། སྒེག་མོ་ལ་སོགས་པ་ནང་གི་མཆོད་པ་བཞི་དང་། བདུག་སྤོས་ལ་སོགས་པའི་ཕྱིའི་མཆོད་པ་བཞིས་མཆོད
299a3 དེ། །ལན་གསུམ་དུ་བསྐོར་བ་བྱས་ནས་སོ་སོ་མ་ཡིན་པའི་རིག་པའི་འདུད་པས་ཕྱག་འཚལ་ཏེ་སྤྱན་སྔར་འདུག་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་ཀྱིས་མཁྱེན་པའི་སངས་རྒྱས་བཅོམ་ལྡན་འདས
299a4 རྣམས་ཀྱི་སྤྱོད་ཡུལ་ཉན་ཐོས་དང་ཐུན་མོང་མ་ལགས་པ་ཐབས་གང་གིས་རྟོགས་པ་དེ་ཚེ་འདི་ཉིད་ལ་ཐམས་ཅད་མཁྱེན་པའི་གོ་འཕང་ཐོབ་པའི་དོན་དུ་བཤད་དུ་གསོལ། དེ་སྐད་ཅེས་གསོལ་པ་དང་། ཅང་མི་གསུང་བར་འཛུམ་པ་མཛད་དེ། འདི་སྐད་ཅེས་བཀའ་སྩལ་ཏོ། །སེམས
299a5 དཔའ་ཆེན་པོ་ཉོན་ཅིག་། དོན་འདི་དང་ཕྱི་ནང་གི་ཆོས་ཐམས་ཅད་འདྲ་སྟེ་བདེན་པ་གཉིས་སུ་འདུས་སོ། །བདེན་པ་གཉིས་ལ་ཡང་ཚུལ་འདི་ལྟར་ཤེས་པར་བྱའོ། །བདེན་གཉིས་རྒྱུ་དང་འབྲས་བུའི་ཚུལ། །དེ་བཞིན་ཉིད་ལ་གནས་བཅས་ན། །ཕྱི་ནང་སྣོད་བཅུད་རྣམ་པར་དག་།བྱེད
299a6 སྤྱོད་ཐམས་ཅད་ཚོགས་གཉིས་འགྱུར། །ཕ་རོལ་ཕྱིན་བཅུ་རྫོགས་པ་སྟེ། །ས་བཅུ་རིམ་གྱིས་བགྲོད་པ་ལ། །མཉམ་ཉིད་རིག་པའི་རྡོ་རྗེ་ཡིས། །ས་རྣམས་མཉམ་པ་ཉིད་དུ་སྦྱོར། །རྡོ་རྗེ་ལྟ་བུའི་ཡེ་ཤེས་ཀྱིས། །ཆོས་ཀུན་སྒྱུ་མར་རིག་པའི་ཕྱིར། །དངོས་དང་དངོས་མེད་བག་ཆགས
299a7 བསྲེགས། །ཡང་ན་ཡེ་ཤེས་མེ་ཞེས་བྱ། །རྒྱུ་དང་འབྲས་བུའི་རྣམ་སྨིན་ནི། །མེད་མིན་རྒྱུ་འབྲས་མཐུན་པས་འགྲུབ། །དེ་བཞིན་མཉམ་ཉིད་ཡེ་ཤེས་ཀྱིས། །རིག་པས་ཚོགས་སུ་འགྱུར་བས་སོ། །ལམ་གྱི་ནང་ན་ཉེ་ལམ་བདེ་རྫོགས་པ། །ཐབས་ཀྱི་ནང་ན་མ་ནོར་དམ་པ་སྟེ། །
iiif viewer powered by OpenSeadragon
