| e-texts navigator |
| Wylie |
297b1 སྔགས་འཆང་རྣམས་དོན་ཡོད་པར་བྱ་བའི་ཕྱིར་ཐམས་ཅད་ཕྱག་རྒྱར་འདུས་ཤིང་ཕྱི་ནང་སྣོད་བཅུད་ཐམས་ཅད་ལ་འདི་ལྟར་བརྟགས་ཤིང་ཕྱག་རྒྱའི་དམ་ཚིག་བསྲུང་བ་དང་། དམ་ཚིག་ནི་གནས་ཡིན་ནོ། །ཕྱག་རྒྱས་བསྡུས་ཤིང་སྤྲོས་པ་ཡང་འདི་ཡིན་ཏེ། ཆེད་དུ་བརྗོད་པ
297b2 འདི་བརྗོད་དོ། །གསང་བ་དེ་ཉིད་ཁོ་ན་ལས། །བྱང་ཆུབ་མཆོག་འདི་བསྟན་པའོ། །མཉམ་པ་ཆེན་པོའི་དཀྱིལ་འཁོར་ནི། །ཕྱོགས་བཅུ་དུས་བཞི་མ་ལུས་པའི། །འདས་དང་མ་འདས་ཐམས་ཅད་ཀུན། །ཡེ་ནས་དབྱེར་མེད་དེ་བཞིན་ཉིད། །མཉམ་དང་མི་མཉམ་བྱ་བ
297b3 མིན། །དེ་བཞིན་ཉིད་ཀྱི་ངང་དུ་འུབ། །འཇིག་རྟེན་འདས་དང་འཇིག་རྟེན་པའི། །བརྗོད་པ་མ་ལུས་ཐམས་ཅད་ཀུན། །ཆོས་ཉིད་ངང་ལས་མ་རྟོགས་པ། །ལོག་རྟོགས་ཉོན་མོངས་རྡུལ་ཙམ་མེད། །ཕྱག་རྒྱ་སྣ་ཚོགས་འོད་འབར་ཡང་། །དེ་བཞིན་ཉིད་ལས་མ་གཡོས་ཏེ། །བདག
297b4 ཉིད་དབྱིངས་ལས་མི་གཞན་ཕྱིར། །མཉམ་ལ་མཉམ་པར་གནས་པ་ཡི། །རྣམ་གསུམ་ཚུལ་གྱིས་བསྒོམ་བྱས་ཤིང་། །ཕྱག་རྒྱ་སྐྱེད་ཅིང་ལོག་འདུལ་བ། །བྱ་བྱེད་མེད་པའི་ཚུལ་གྱིས་སུ། །ལས་རྣམས་མ་ལུས་རྫོགས་པར་བྱེད། །དེ་ལྟར་རྟོགས་ཤིང་རིགས་ཀྱི་མཆོག་།བདག་ཉིད
297b5 ཕྱག་རྒྱ་ཀུན་གྱི་བདག་། ཡེ་ནས་རང་བཞིན་འོད་གསལ་བས། །བྱང་ཆུབ་སྐྱེ་འཁྲུངས་རྒྱུ་ཡང་ཡིན། །འབྲས་བུ་ཡང་དག་ཉིད་དུའོ། །རྒྱུ་འབྲས་དབྱེར་མེད་རྡོ་རྗེའི་ས། །བཅུ་གསུམ་དོན་གྲུབ་དེ་གནས་པ། །མཐར་ཕྱིན་གང་ལའང་མི་གནས་པའོ། །རང་བཞིན་ཕྱག་རྒྱ་ཆེན་པོ་ནི། །
297b6 ཕྱི་ནང་སྣོད་བཅུད་ཐམས་ཅད་ཀུན། །ཐམས་ཅད་ཤེས་རབ་ངང་དུ་གནས། །རིགས་ལྔ་བདེར་གཤེགས་ཡབ་ཡུམ་དུ། །མ་བཅོས་ཡེ་ནས་དེ་ལྟར་གནས། །ཐབས་དང་ཤེས་རབ་ཉིད་ལ་རོལ། །བདེ་མིན་མ་ཆགས་ཚོགས་ཆེན་པོ། །ཡང་དག་ཉིད་ལ་རབ་ཏུ་རྫོགས། །ལྷག་པའི
297b7 ཕྱག་རྒྱ་ཆེན་པོ་ནི། །ནང་གི་རྟགས་ནི་ཕྱིར་བྱུང་སྟེ། །མདོར་བསྡུས་ཕྱག་རྒྱ་ཆེན་པོ་དང་། །གཞན་ཡང་ཕྱག་རྒྱ་སྣ་ཚོགས་པ། །ལག་གི་འདུ་འཕྲོ་བསམ་ཡས་དང་། །ཡན་ལག་སྟབས་ཆེན་བསྒུལ་བསིགས་ཀུན། །ཉིད་ཀྱི་དབྱིངས་ལས་མ་གཡོས་ཀྱང་། །རང་བཞིན་ཉིད་ཀྱིས་དེ་ལྟར
iiif viewer powered by OpenSeadragon
