| e-texts navigator |
| Wylie |
294b1 ཀུན་རྫོབ་སྒྱུར་མར་མཉམ་པ་དང་། །འདུས་བྱས་དངོས་པོ་སྣ་ཚོགས་ནི། །སྒྱུ་མའི་ཚུལ་དུ་ཐམས་ཅད་སྣང་། །འཕྲལ་གྱི་བྱ་བ་ཀུན་ཀྱང་བྱེད། །རྟོགས་པ་ཀུན་གྱི་མཚན་མ་སྣང་། །འདི་དག་ཐམས་ཅད་གཟུགས་བརྙན་ཏེ། བྱ་བྱེད་སྣང་ཞིང་དངོས་པོ་མེད། །ཆུ་ཟླའི་ཚུལ་དུ
294b2 ཐམས་ཅད་གནས། །ཐམས་ཅད་སྣང་ལ་རང་བཞིན་མེད། །དོན་དམ་ཀུན་རྫོབ་དབྱེར་མེད་ནི། །ཆོས་རྣམས་མ་ལུས་ཐམས་ཅད་ཀུན། །གཞི་རྩ་མེད་ལས་ཐམས་ཅད་འབྱུང་། །ཡོད་དང་མེད་པ་གཉི་ག་མིན། །དོན་དམ་ཀུན་རྫོབ་དབྱེར་མེད་དེ། །འདུས་མ་བྱས་ཉིད་འདུས
294b3 བྱས་སྣང་། །སྣང་བ་ཉིད་ན་དངོས་པོ་མེད། །དངོས་མེད་དེ་ཉིད་སྣ་ཚོགས་ཏེ། །དེ་ཉིད་སྒྱུ་མ་མིག་ཡོར་ཚུལ། །འབྱུང་བ་ཆེན་པོ་ལྔ་དེ་བཞིན་གཤེགས་པ་ལྔར་མཉམ་པ་ནི། ས་ཆུ་མེ་རླུང་ནམ་མཁའ་ལས། །ཡ་མཚན་སྣ་ཚོགས་འབྱུང་འགྱུར་བ། །གཞི་རྩ་ཡོད་པ་མ་ཡིན་ཏེ། །རང
294b4 བཞིན་ངང་གིས་དེ་ལྟར་འབྱུང་། །སོ་སོའི་རིགས་ཚོགས་སྣང་བ་ནི། །ཐབས་ཆེན་དག་ཏུ་རྟག་ཏུ་མཉམ། །མཚན་ཉིད་སོ་སོར་གནས་པ་ནི། །ཤེས་རབ་དབྱིངས་ཀྱི་ངང་དུ་མཉམ། །རྣམ་པར་ཤེས་པ་བརྒྱད་ཡེ་ཤེས་ལྔར་མཉམ་པ་ནི། རྣམ་རྟོག་ཀུན་གཞི་མ་ཡིན་པ། །རང་བཞིན་མེད
294b5 པ་དོན་གྱི་གཞི། །འདི་ནི་ཆོས་ཀྱི་དབྱིངས་ཞེས་བྱ། །དེ་བཞིན་ཉིད་ཀྱི་ཡེ་ཤེས་སོ། །ཆོས་རྣམས་མ་ལུས་ཐམས་ཅད་ཀུན། །ང་དང་བདག་ཏུ་མི་འཛིན་ཅིང་། །ཀུན་ཀྱང་དབྱེར་མེད་པ་ཡིན་པས། །ཐམས་ཅད་མེ་ལོང་ལྟ་བུའི་ཚུལ། །ཐམས་ཅད་ཀུན་ལ་ཡུད་རྟོག་ཅིང་། །རྟོག་དང
294b6 བརྟག་པར་བྱ་བ་མེད། །དུས་གསུམ་ཀུན་དུ་མི་དམིགས་པ། །འདི་ནི་མཉམ་ཉིད་ཡེ་ཤེས་ཡིན། །ལོག་རྟོགས་དབང་པོའི་སྤྱོད་ཡུལ་སྤངས། །དབང་པོའི་ཡུལ་རྣམས་དངོས་མེད་པར། །ཐམས་ཅད་དབྱེར་མེད་དེ་བཞིན་ཉིད། །སོ་སོར་རྟོག་པའི་ཡེ་ཤེས་ཡིན། །མཉམ་པ་རྣམ
294b7 ལྔ་དེ་ལྟར་བརྟགས། །ཆོས་རྣམས་མ་ལུས་ཐམས་ཅད་ལ། །ཡེ་ནས་རང་བཞིན་མེད་པ་དང་། །ཐབས་ཆེན་ལྷུན་གྱིས་གྲུབ་པར་བརྟགས། །འདི་ནི་ཡང་དག་རྟོགས་པ་ཡིན། །ཚོགས་ཀྱི་དཀྱིལ་འཁོར་ཞེས་བྱ་བའི་དམ་ཚིག་ནི། བསོད་ནམས་ཡེ་ཤེས་ཚོགས་རྫོགས
iiif viewer powered by OpenSeadragon
