| e-texts navigator |
| Wylie |
28b1 བས་རྟོག་པ་ལྟས་ལས་བྱུང་། །རྟོག་པ་སྒྱུ་མར་རབ་ཤེས་ན། །རྟོག་པའི་རི་བོ་ཞི་བར་འགྱུར། །དེས་ནི་གནས་ངན་གསུམ་མི་ལྟུང་། །རྟོག་པ་གང་ལས་བྱུང་ཞེ་ན། །མཚན་མའི་ཆོས་ལས་བྱུང་བ་ཡིན། །མཚན་མ་སྒྱུ་མར་རབ་ཤེས་ན། །མཚན་མའི་ཆོས་རྣམས་ཞི
28b2 བར་འགྱུར། །དེས་ནི་འདོད་ཁམས་ཐ་མར་མིན། །མཚན་མ་གང་ལས་བྱུང་ཞེ་ན། །དྲན་པ་རྒྱུ་བ་དག་ལས་བྱུང་། །དྲན་པ་སྐྱོན་དུ་ཤེས་གྱུར་ན། །རྒྱུ་བའི་སྐྱོན་རྣམས་སེལ་བར་བྱེད། །མཐུ་དེས་འདོད་ཁམས་གཉིས་པར་མིན། །རྒྱུ་བ་གང་ལས་བྱུང་ཞེ་ན། །ཚོར
28b3 བ་དག་ལས་བྱུང་བ་ཡིན། །དག་ཅིང་སྐྱེ་བར་བྱ་བ་མེད། །ཚོར་བ་སྒྱུ་མར་ཤེས་གྱུར་ན། །སྐྱོན་གྱི་ཚོར་བ་སལ་བར་བྱེད། །འདོད་ཁམས་གསུམ་པར་ལྟུང་མི་འགྱུར། །ཚོར་བ་གང་ལས་བྱུང་ཞེ་ན། །བྱུང་ཚོར་ཕྱི་ནང་དག་ལས་བྱུང་། །དག་ཅིང་སྐྱེ་བར་བྱ་བ
28b4 མེད། །དེ་ཉིད་སྐྱོན་དུ་ཤེས་འགྱུར་ན། །དེ་ལྟར་ཤེས་པའི་མཐུ་ཡིས་ནི། །འདོད་ཁམས་བཞི་པར་མི་ལྟུང་ངོ་། །བྱུང་ཚོར་གང་ལས་བྱུང་ཞེ་ན། །སེམས་ཀྱི་ཆོས་ལས་བྱུང་བ་སྟེ། །སེམས་ཉིད་སྒྱུ་མར་རབ་ཤེས་ན། །སེམས་ཀྱི་ཆོས་རྣམས་ཞི་བར་འགྱུར། །
28b5 ཕུང་པོ་གཟུགས་བརྙན་འདྲ་བ་ལ། །སེམས་ཉིད་སྨིག་རྒྱུ་ལྟ་བུ་ཡིན། །ཡོད་མེད་གཉིས་ཀྱི་མཐའ་ལས་གྲོལ། །དེ་ལྟར་ཤེས་པའི་རྣལ་འབྱོར་པ། །འདོད་ཁམས་ལྔ་པར་ལྟུང་མི་འགྱུར། །སེམས་ཉིད་ཡོད་པའི་དངོས་པོའམ། །མེད་ཅེས་བྱ་བར་མི་ལྟ་བར། །
28b6 མུ་སྟེགས་ཅན་དུ་ལྟུང་མི་འགྱུར། །བྱིང་རྨུགས་ཅན་དུ་མ་གྱུར་པས། །འདུ་ཤེས་མེད་པར་ལྟུང་མི་འགྱུར། །འདུ་ཤེས་རྗེས་སུ་མ་འབྲངས་པར། །སེམས་ཅན་གནས་སུ་དེ་མི་འཁོར། །ཀུན་གཞིའི་དོན་ལ་གོམས་པས་ནི། །ཉན་ཐོས་གནས་སུ་དེ་མི་ལྟུང་། །སྟོང
28b7 ཞིང་ཞི་བར་མི་བྱེད་པས། །རང་རྒྱལ་ལྟ་བར་དེ་མི་ལྟུང་། །རྣམ་དག་སྟོང་པར་མི་བྱེད་པས། །བྱང་ཆུབ་སྤྱོད་པར་ལྟུང་མ་ཡིན། །མཉམ་ཉིད་སྟོང་པའི་དོན་དག་ལ། །སོ་སོ་ཐ་དད་མི་འབྱེད་པས། །ས་ཡི་རིམ་པར་མི་ལྟུང་ཞིང་། །རིམ་གྱིས་སྦྱང་ཞིང་འཕར
iiif viewer powered by OpenSeadragon
