| e-texts navigator |
| Wylie |
28a1 རྟོག་པ་ལ་ཡང་གཉིས་ཡོད་དེ། །རགས་དང་ཕྲ་བར་སྣང་བ་ཡིན། །དེ་བཞིན་མཚན་མ་ཆེ་ཆུང་གཉིས། །རྒྱུ་བ་རིང་པོ་ཐུང་ངུ་གཉིས། །དེ་བཞིན་ཚོར་བ་གསལ་མི་གསལ། །བྱུང་ཚོར་གཉིས་སུ་སྣང་བ་ཡང་། །མྱུར་བ་དང་ནི་བུལ་བའོ། །འདི་ནི
28a2 དོན་ལ་སྒྲིབ་པ་ཡི། །རྟོག་པ་ཆེན་པོའི་གེགས་ཆེན་ཡིན། །ཅི་ཕྱིར་དོན་དེ་མི་མཐོང་ཕྱིར། །མུན་པ་དང་ནི་འཁྲིགས་པ་དང་། །ཀུན་དུ་འཐིབས་དང་སྤྲིན་ཕུང་དང་། །ན་བུན་ལྟ་བུར་བསྒྲིབས་པ་ཡིས། །ཡང་དག་མི་གསལ་མཐོང་མི་འགྱུར། །འདི་ཡང་བྱེ་བྲག
28a3 གཉིས་གཉིས་ཏེ། །མུན་པ་མུན་ནག་ཆེན་པོ་དང་། །ཀུན་ནས་འཐིབས་པ་ལྟ་བུ་དང་། །ཀུན་དུ་འཁྲིགས་དང་བསྒྲིབས་པ་དང་། །འཐིབས་པ་ཆེན་པོ་ཆུང་ངུ་གཉིས། །སྤྲིན་ཆེན་འཐིབས་དང་འལ་འོལ་དང་། །ན་བུན་གཏམས་དང་བན་བུན་གྱིས། །གནས་ངན་གསུམ་དང
28a4 མིའི་གནས་དང་། །འདོད་ཁམས་བཞི་ཡི་ལྷ་གནས་དང་། །གཟུགས་ཀྱི་ཁམས་དང་གཟུགས་མེད་ཁམས། །ཉན་ཐོས་རང་རྒྱལ་གནས་སུ་ལྟུང་། །ལྟུང་བར་འགྱུར་བའི་སྐྱོན་ཆེན་ནི། །མཚན་མའི་གཡེང་བ་རྣམ་དྲུག་ཡིན། །རང་བཞིན་ཡུལ་ལ་གཡེང་བ་དང་། །
28a5 དེ་བཞིན་ཕྱི་རོལ་གཡེང་བ་དང་། །ནད་དང་མཚན་མའི་གཡེང་བ་དང་། །ཡིད་ལ་བྱེད་དང་གནས་ངན་ལེན། །འདི་དག་རབ་ཏུ་བསལ་བར་བྱ། །བསལ་ནས་དོན་ལ་མཉམ་བཞག་ཆེ། །མཉམ་པའི་དོན་ལ་སྒྲིབ་པའི་སྐྱོན། །རྣམ་པ་ལྔ་འབྱུང་འདི་ལྟ་སྟེ། །བྱུང་ཚོར
28a6 དབང་གིས་གཡེང་བ་དང་། །བྱིང་རྨུགས་དབང་གིས་འཐིབས་པ་དང་། །འཛིན་ཆགས་དབང་གིས་འགོག་པ་དང་། །ཐེར་ཟུག་དབང་གིས་རྟོག་པ་དང་། །ཕྱལ་བའི་དབང་གིས་མེད་པ་སྟེ། །འདི་ནི་མཉམ་པའི་སྐྱོན་ཡིན་ནོ། །སྐྱོན་ཆེན་དེ་དག་གླན་པའི་ཆོས། །སེམས
28a7 ཀྱི་ལོན་འདི་རྒྱལ་བས་བཤད། །འདུས་པ་ཆེན་པོའི་རྣལ་འབྱོར་བ། །རྣམ་པར་མི་རྟོག་དོན་ཚོལ་ན། །གཅིག་པུ་དབེན་པའི་ས་བཟུང་སྟེ། །ཚད་མ་གསུམ་དང་ལྡན་པའི་བློས། །རྣམ་པར་རྟོག་པའི་རྗེས་གཅད་པ། །ཡོད་མེད་སྔོན་ཐོག་ག་ལས་བྱུང་། །བརྟགས
iiif viewer powered by OpenSeadragon
