| e-texts navigator |
| Wylie |
287b1 ཉིད་ཆོས་སྐུ་ཡིན་པར་བཤད། །ཅིས་ཀྱང་མ་གོས་མ་སྤངས་པའོ། །སོ་སོར་སྣང་ཞིང་མཐུན་པའི་གཟུགས། །བདག་དང་བདག་ཏུ་མ་བརྟགས་པ། །དེ་ལྟ་བུ་ཡི་ངང་དུ་སྣང་། །ཆོས་རྣམས་སྒྲ་ལྟར་ཤེས་པར་བྱ་བའི་དམ་ཚིག་ནི། སྒྲ་རྣམས་ཇི་སྙེད་བརྗོད་པ
287b2 ཡང་། །དངོས་པོ་མེད་ལས་དངོས་པོ་སྒྲ། །བརྗོད་དང་སྒྲ་ཡི་དངོས་པོ་མིན། །ཆོས་རྣམས་སྒྲ་ལྟར་ཤེས་པར་བྱོས། །ཐམས་ཅད་མ་ལུས་དོན་འབྱུང་བ། །ཚིག་གིས་མཚོན་པས་གུད་ན་མེད། །སྒྲ་ཉིད་དོན་གྱི་དངོས་པོ་མིན། །དོན་ཉིད་སྒྲ་ལས་གུད་ན་མེད། །
287b3 ཆོས་རྣམས་དྲིའི་མཚན་ཉིད་དུ་ཤེས་པར་བྱ་བའི་དམ་ཚིག་ནི། ཆོས་རྣམས་ཐམས་ཅད་དངོས་མེད་པར། །སྣ་ཚོགས་འབྱུང་ཞིང་རྣམ་པར་འཕྲོ། །དེ་བཞིན་དྲི་ཡི་དངོས་པོ་ཡང་། །ཡོད་པ་མ་ཡིན་ཀུན་དུ་མནམ། །ཐེ་ཚོམ་མེད་པའི་ཤེས་རབ་ཀྱིས། །ཆོས་ཀུན་དེ་ལྟར
287b4 ཤེས་པར་གྱིས། །དྲི་ཡིས་རབ་ཏུ་ཚིམ་འགྱུར་ཡང་། །དྲི་དང་དངོས་པོ་གཉིས་སུ་མེད། །དངོས་གྲུབ་ཐམས་ཅད་དེ་ལྟར་རོ། །ཆོས་ཐམས་ཅད་རོ་ལྟར་ཤེས་པར་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ཀུན། །གཞི་རྩ་མེད་ལས་ཐམས་ཅད་བྱུང་། །དེ
287b5 བཞིན་དབང་པོ་དངོས་མེད་དང་། །རྫས་ཀྱི་དངོས་པོ་མེད་པ་ཡི། །རྣམ་ཤེས་དབང་པོ་ཡུལ་ཚོགས་ན། །རོ་ཡི་དབང་པོ་ཐམས་ཅད་འགྲུབ། །རོ་དང་རོ་རུ་རྟོགས་པ་ཡང་། །རང་བཞིན་མེད་པ་སྐད་ཅིག་མ། །ཆོས་ཐམས་ཅད་རེག་བྱ་ལྟར་ཤེས་པར་བྱ་བའི་དམ
287b6 ཚིག་ནི། གཟུགས་རྣམས་དབུ་བ་རྡོས་པ་འདྲ། །ཚོར་བ་ཆུ་ཡི་ཆུ་བུར་བཞིན། །མཚན་འཛིན་སྨིག་རྒྱུ་བཞིན་དུ་གནས། །རྣམ་ཤེས་སྒྱུ་མས་དབང་སྒྱུར་ན། །མཚན་མ་སྣ་ཚོགས་འབྱུང་བར་ངེས། །བདེ་བའི་རོ་མཆོག་ཀུན་ཀྱང་མྱོང་། །དེ་ཉིད་བསོད་ནམས་ཚོགས
287b7 ཆེན་ཏེ། །བདེ་བ་ཆགས་མེད་ཡེ་ཤེས་ཡིན། །རེག་གི་དངོས་གྲུབ་དེ་ལྟར་རོ། །འདུས་བྱས་རྣམ་པར་དག་པ་ཞེས་བྱ་བའི་དམ་ཚིག་ནི། ཡང་དག་ཉིད་ལ་གནས་བཅས་ན། །ཕྱི་ནང་སྣོད་བཅུད་རྣམ་པར་དག་།རགས་པར་སྣང་བ་དེ་བཞིན་གཤེགས། །སྒྱུ་མར
iiif viewer powered by OpenSeadragon
