| e-texts navigator |
| Wylie |
276a1 དངོས་གྲུབ་མཆོག་ཡིན་པར། །ཀུན་དུ་རྒྱལ་གྱིས་དེ་སྐད་བཤད། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་སྐུའི་དཀྱིལ་འཁོར་མངོན་དུ་ཕྱུང་བ་ཞེས་བྱ་བ། ལེའུ་སྐུའི་དཀྱིལ་འཁོར་ཟབ་ཏུ་ནི་རྒྱུད་ཀྱི་རྒྱལ་པོ་ཕྱི་མ་ལས་བཤད་དེ། བོད་ལ་མ
276a2 འགྱུར་ཞེས་འབྱུང་ངོ་། །རང་བཞིན་སྐུའི་དཀྱིལ་འཁོར་དུ་བསྡུ་བའི་ལེའུ་སྟེ་བདུན་ཅུ་གཉིས་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་ཏིང་ངེ་འཛིན་གྱི་རིམ་པར་སྦྱོར་ཞིང་དངོས་གྲུབ་མྱུར་དུ་ལེན་པའི་ཐབས་དྲ་བ་ལས
276a3 འདི་སྐད་ཅེས་གསུངས་སོ། །དཀྱིལ་འཁོར་བསམ་ཡས་དངོས་གྲུབ་ནི། །མི་དམིགས་དབྱིངས་ནས་དོན་འབྱིན་ཏེ། །མ་བཅོས་ཇི་བཞིན་ངང་བཞག་དང་། །ལྷུན་གྱིས་གྲུབ་པའི་དཀྱིལ་འཁོར་འབྱུང་། །མི་དམིགས་ཐུགས་ཀྱི་དཀྱིལ་འཁོར་ལས། །ཏིང་ངེ་འཛིན་གྱིས
276a4 དབང་བསྒྱུར་ན། །ཡེ་ཤེས་སྤྲུལ་པ་སྣ་ཚོགས་འགྲུབ། །སྤྱོད་ཡུལ་ཐམས་ཅད་མཎྜ་ལ། །ཡེ་ཤེས་དཀྱིལ་འཁོར་ཐར་བྱེད་སྐྱོང་། །ལོངས་སྤྱོད་སྐུ་དང་སངས་རྒྱས་ཞིང་། །ཇི་ལྟར་འདོད་པ་སྨོན་པས་འགྲུབ། །ཡངས་ཤིང་རྒྱ་ཆེ་ལྷུན་གྲུབ་ནི། །ཕྱི་ནང་སྣོད་བཅུད་ཡེ
276a5 ནས་དག་། དག་རྟོགས་ཉིད་ཀྱང་དབྱིངས་ཉིད་ཡིན། །དེ་ནས་རྡོ་རྗེ་མཉམ་ཡིན་ནོ། །དངོས་གྲུབ་མྱུར་དུ་འགྲུབ་འདོད་ན། །ཤིན་ཏུ་ཕྲ་ཞིང་ཟབ་པར་བསྒོམ། །བདག་དང་བདག་གི་གཞན་རྣམས་ནི། །ཤིན་ཏུ་མི་དམིགས་དབྱིངས་སུ་བསྒོམ། །ཏིང་འཛིན་དེ་ནི་གོམས་པ
276a6 དང་། །ཐམས་ཅད་སྒྱུ་མ་མིག་ཡོར་དང་། །སྤྲུལ་པའི་ཚུལ་དེ་ཤེས་པར་བྱ། །དེ་བཞིན་ཡང་ནས་ཡང་གོམས་ནས། །དེ་ནས་ཕྲ་མོའི་ཏིང་འཛིན་བསྒོམ། །ཕྱི་ནང་སྣོད་བཅུད་ཧཱུ~ཾ་དུ་བསྡུ། །གང་བསྒྲུབ་ཡི་གེ་སོ་སོ་སྟེ། །སྤྱིར་ནི་གང་བསྒོམ་ཀུན་དུ་འདྲ། །རྡོ་རྗེ་སེམས
276a7 དཔའ་ཉིད་དུ་འདུ། །ཡན་ལག་ལྔ་དང་རྣམ་ཤེས་ཉིད། །ཡི་གེ་ཧཱུ~ཾ་དུ་ཤིན་ཏུ་བསྡུ། །ནརྀ་ཡི་མིག་གིས་བལྟར་ཡོད་པར། །ཡང་ནས་ཡང་དུ་འདྲིས་པ་དང་། །འོད་ཟེར་མང་པོ་འཕྲོ་བར་བྱ། །ཕྱོགས་བཅུ་དུས་བཞི་གང་བ་དང་། །སླར་ཡང་ཧཱུ~ཾ་ལ་བསྟིམ་པར་བྱ། །ཧཱུ~ཾ་ཉིད་མི
iiif viewer powered by OpenSeadragon
