| e-texts navigator |
| Wylie |
275a1 རུང་རྣམས་ཀྱིས། །འདི་ལྟ་བུ་ཡི་ལས་རྣམས་བྱ། །འབྲས་བུ་མངོན་དུ་མ་གྱུར་ཀྱང་། །ལུས་ངག་ཡིད་ལ་དབང་ཐོབ་ནས། །སངས་རྒྱས་འབྱུང་དང་སྐར་མི་འགྱུར། །ཐེག་པ་དམན་པར་ཡོང་མི་སྐྱེ། །ངན་སོང་གསུམ་དུ་ཡོང་མི་ལྟུང་། །གནས་ངན་ལོངས
275a2 སྤྱོད་མི་བདེ་བའི། །ངན་པའི་ས་རུ་ཡོང་མི་ལྟུང་། །རྡོ་རྗེ་ཐེག་མཆོག་བརྗེད་མི་འགྱུར། །ཚེ་རིང་བདེ་བ་ཕུན་སུམ་ཚོགས། །ལུས་བྱད་བཟང་ཞིང་ཡན་ལག་རྫོགས། །དབང་པོ་ཚང་ཞིང་ལྷག་ཆད་མེད། །སྐད་གདངས་སྙན་ཅིང་འགྲོ་དོན་བྱེད། །བདག་གི་ལོངས་སྤྱོད་ཐམས
275a3 ཅད་ཀུན། །གཞན་ལ་གནོད་པ་མེད་པར་འགྲུབ། །ཚན་པོ་ཆེ་ཡི་མཐུ་སྟོབས་ལྡན། །འགྲོ་བའི་དོན་དུ་ཡང་དག་བྱེད། །གཞན་ལ་གནོད་པ་ཡོང་མི་བྱེད། །སྙིང་རྗེ་ཆེ་ཞིང་ཤེས་རབ་ལྡན། །མཐུ་སྟོབས་ཆེ་ཞིང་ཐབས་ལྡན་པ། །བདག་དང་གཞན་དོན་རྫོགས་པར་སྤྱོད། །
275a4 མཐར་ནི་སྐྱེ་ཤི་མེད་པའི་ས། །སངས་རྒྱས་ཡོན་ཏན་རིན་པོ་ཆེ། །བཀོད་པའི་གཞལ་ཡས་ཐམས་ཅད་ལ། །དབང་སྒྱུར་སྤྱོད་པའི་དངོས་གྲུབ་ཐོབ། །རྣལ་འབྱོར་གང་ཞིག་འདི་འདྲའི་དོན། །ལྗགས་ཀྱི་དབང་པོ་བཀྲམ་ནས་ནི། །གསང་དོན་ངེས་པའི་དོན་སྟོན་པ། །བླ་མེད
275a5 མཆོག་ཏུ་གྲུབ་པར་ཤོག་། དབྱེར་མེད་བྱང་ཆུབ་ཐོར་ཚུགས་ཅན། །ཤིན་ཏུ་བསྟན་པའི་རི་བོ་གནས། །མུ་སྟེགས་རླུང་གིས་ཚུགས་མི་འགྱུར། །ཐེག་མཆོག་རྡོ་རྗེ་དེ་ལྟ་བུ། །དཀྱིལ་འཁོར་མི་ཟད་འབྱུང་བའི་གཏེར། །ཡིད་བཞིན་ནོར་བུ་རིན་པོ་ཆེ། །བྱི་དོར་མ་བྱས
275a6 ཤིན་ཏུ་གསལ། །བསྐལ་པ་གྲངས་མེད་གནས་བཅས་ཀྱང་། །སྐུ་ནི་ཤིན་ཏུ་གཞོན་པའི་ཚུལ། །སྐྱེ་ཤི་མེད་པ་རྡོ་རྗེ་ཡི། །ཐམས་ཅད་འབྱུང་བའི་གཏེར་ཡིན་ཏེ། །ཡོན་ཏན་ཕུན་སུམ་ཚོགས་དང་ལྡན། །བླ་མེད་བྱང་ཆུབ་འགྲུབ་གྱུར་ནས། །ཡེ་ཤེས་རྡོ་རྗེ་ལྷུན་གྲུབ
275a7 ཤོག་། ཚོགས་ཆེན་གཉིས་ཀྱང་རྫོགས་གྱུར་ཅིག་།ཐམས་ཅད་ཀུན་གྱི་སྟོན་པ་པོ། །ཐམས་ཅད་མཁྱེན་པའི་གོ་འཕང་བརྙེས། །སངས་རྒྱས་ཞིང་ལ་དབང་བྱེད་ཤོག་།དེ་རྟོགས་ཀུན་ཀྱང་རྡོ་རྗེའི་རིགས། །སྐུ་གསུང་ཐུགས་ཀྱང་གྲུབ་པར་ཤོག་།རྣལ་འབྱོར་པ
iiif viewer powered by OpenSeadragon
