| e-texts navigator |
| Wylie |
264b1 ཉིད་ནི་དངོས་པོ་མེད། །དངོས་ཉིད་དེ་ཉིད་སྣ་ཚོགས་སྟོན། །ཕུང་པོ་ལྔ་ཉིད་དེ་བཞིན་གཤེགས། །དབང་པོ་རྣམས་སེམས་བྱང་ཆུབ་སེམས། །ཡུལ་དུས་པོ་དེ་ཆེན་པོ་ཡིན། །བདག་རྟོག་རྣམ་པ་ཁྲོ་བོ་ཡིན། །རྟག་ཆད་མུ་བཞི་ཁྲོ་མོ་ཡིན། །དེ་སེམས་རང་རིག་ཉིད་ཅེས
264b2 བྱ། །ཐམས་ཅད་དབྱིངས་འགྱུར་ཀུན་དུ་བཟང་། །དེ་ཉིད་རྡོ་རྗེ་སེམས་དཔའ་ཡིན། །གང་གིས་དེ་ལྟར་རྟོགས་གྱུར་ན། །སེམས་དཔའ་ཉིད་དང་དགོངས་མཐུན་པས། །དེ་ཉིད་རྡོ་རྗེ་ཞལ་མཐོང་ཡིན། །ཆོས་རྣམས་མ་ལུས་ཐམས་ཅད་ཀུན། །མིང་དང་ཚིག་དང་ཡི་གེ་དང་། །
264b3 སྒྲ་ཡིས་མཚོན་ནས་དོན་བསྟན་པ། །ཀུན་ཀྱང་ཡི་གེ་མིང་གཅིག་བཞིན། །གང་ཡང་དངོས་པོ་མ་ཡིན་ཏེ། །དངོས་མེད་དེ་ཉིད་སྣ་ཚོགས་སྣང་། སྣང་བ་ཉིད་ན་གང་ཡང་མེད། །བྱ་བྱེད་སྣ་ཚོགས་ཀུན་བྱེད་ཀྱང་། །དངོས་པོ་མེད་དེ་ཡང་དག་ཉིད། །དེ་ནི་ཅིས་ཀྱང་མི་ཚུགས
264b4 པའི། །ས་རྡོ་དྲན་མེད་མ་ཡིན་ཏེ། །དེ་ཉིད་ཤིན་ཏུ་འོད་གསལ་ཡིན། །རྡོ་རྗེ་སེམས་དཔའ་དེ་ལྟར་གནས། །གང་གིས་དེ་ལྟར་རྟོགས་པ་ནི། །རིགས་མཆོག་དམ་པ་རྒྱུ་ཡིན་ཏེ། །རྡོ་རྗེའི་རིགས་དང་དབྱེར་མེད་ཕྱིར། །དེ་ཉིད་རྡོ་རྗེ་ཞལ་མཐོང་ཡིན། །སྐྱེས་བུ་བློ་རྩལ་རབ
264b5 ལྡན་པས། །ཀུན་དང་དབྱེར་མེད་དོན་རྟོགས་ཏེ། །འབྲས་བུ་མངོན་དུ་མ་གྱུར་ཀྱང་། །བྱང་ཆུབ་སེམས་ལ་གནས་བཅས་པས། །དཔེར་ན་མངལ་དང་སྒོ་ང་ཡིས། །མངོན་དུ་མ་གྱུར་བསྒྲིབས་གྱུར་ཀྱང་། །རྩལ་ཆེན་འདུས་པ་འབྱུང་བ་བཞིན། །རྣམ་རྟོག་གཟུགས་ནི་བོར་མ
264b6 ཐག་། ཐམས་ཅད་ཀུན་ལ་དབང་སྒྱུར་ཞིང་། །རིགས་མཆོག་དམ་པ་འཛིན་པར་འགྱུར། །རྡོ་རྗེ་སེམས་དང་མཉམ་པ་ཡི། །དངོས་གྲུབ་མཆོག་རྣམས་ཡོངས་སུ་རྫོགས། །བདེ་བ་ཅན་གྱི་ཞིང་ཡང་ཐོབ། །བྱང་ཆུབ་མཆོག་ལ་རོལ་བར་འགྱུར། །ལྷ་མི་རྣམས་ཀྱི་སྟོན
264b7 པ་པོ། །ལུས་ངག་སེམས་ལ་དབང་ཐོབ་ནས། །ཇི་ལྟར་དམིགས་པ་བཞིན་དུ་འགྲུབ། །ཚད་མེད་བཞི་ལ་དབང་བྱེད་འགྱུར། །བདེ་བའི་རོ་མཆོག་ཀུན་ལ་སྤྱོད། །ཐ་མར་སྐྱེ་རྒ་ན་འཆི་ལ་སོགས་པའི། །སྡུག་བསྔལ་ཟད་པའི་གོ་འཕང་ཐོབ། །རྡོ་རྗེ་རིགས་མཆོག་འཛིན
iiif viewer powered by OpenSeadragon
