| e-texts navigator |
| Wylie |
263a1 ཀ་ཅན། །དེ་ནི་རབ་ཏུ་དབང་བསྡུ་ཕྱིར། །བི་རཱུ་ཌྷ་ཀ་སྭཱ་ཧཱ། ཛཿཧཱུ~ཾ་བ~ཾ་ཧོཿ། ནཱ་ག་ཤི་ནི་བི་ཡ་ཕག་ཤ་ཕག་ཛཿཧཱུ~ཾ་བ~ཾ་ཧོཿ། འབུམ་ཕྲག་དུ་མ་བཟླས་ནས་ནི། །དེ་ནི་བདག་གི་དབང་དུ་བསྡུ། །བདག་ཉིད་ལྷ་རུ་གསལ་བསྒོམས་ནས། །མིག་མི་བཟང་གི་སྙིང་ག་ནས། །ཛ
263a2 ཡིས་རབ་ཏུ་བཟུང་ནས་དྲང་། །རྒྱབ་ནས་རྡོ་རྗེ་ཅན་གྱིས་ཕུལ། །དེ་ནས་བདག་དང་གཉིས་མེད་པའི། །དབྱེར་མེད་པར་ནི་གྱུར་པ་དང་། །ཅི་འདོད་ལས་དེ་བྱེད་དུ་གཞུག་།མིག་ངན་འཁོར་རྣམས་མ་ལུས་པར། །དབང་གི་ལས་རྣམས་གྲུབ་པར་བྱེད། །རྒྱལ་པོ་རྣམ་ཐོས་བསྒྲུབ་པ་ནི། །
263a3 བདག་ཉིད་ཁྲོ་བོ་བདུད་རྩི་འཁྱིལ། །སྐུ་མདོག་ཕྱག་མཚན་སྔ་མ་བཞིན། །གསལ་ཞིང་འོད་འཕྲོ་རབ་བསྒོམས་ཤིང་། །རང་སྔགས་སྙིང་པོ་འབུམ་ཕྲག་བཟླས། །ཏིང་འཛིན་བསྒྱུར་དུ་རུང་བ་དང་། །རྣམ་ཐོས་དག་ནི་རབ་ཏུ་འགྲུབ། །གཟུགས་ནི་རིན་ཆེན་བཻ་ཌཱུརྱ། །ཡང་ན་མདོག་ནི
263a4 སྔོ་ཞིང་འཚེར། །ཕྱག་གཡས་རིན་ཆེན་དབྱིག་ཏོ་ཐོགས། །གཡོན་ན་འདོད་ཡོན་བུམ་པ་གསོལ། །དབུ་ལ་རིན་ཆེན་སྣ་ཚོགས་མཛེས། །བཻ་ཤྲང་ཎ་ཡེ་སྭཱ་ཧཱ། ཛཿཧཱུ~ཾ་བ~ཾ་ཧོཿ། ཀུ་བེར། ཀང་ཀང་། ཡང་ཡང་། ཛཿཧཱུ~ཾ་བ~ཾ་ཧོཿ། འབུམ་དུ་བཟླས་ཤིང་སྲོག་ཡོད་པར། །ཡང་དང་ཡང་དུ
263a5 བཟླས་པར་བྱ། །བདག་ཉིད་བདུད་རྩི་ཧེ་རུ་ཀ། །ཛ་ཡིས་རྣམ་ཐོས་སྙིང་ནས་དྲངས། །དབང་དུ་ཡང་དག་བསྡུ་བར་བྱ། །རྒྱབ་ནས་རྡོ་རྗེ་ཅན་གྱིས་ཕུལ། །ཡིད་བཞིན་རིན་ཆེན་དབང་དུ་འགྱུར། །གནོད་སྦྱིན་འཁོར་རྣམས་བྲན་བཞིན་བསྡུ། །རིན་ཆེན་སྤྲོས་ཤིང་ལས་རྣམས་བསྒྲུབས། །
263a6 ཅི་འདོད་ལས་རྣམས་བྱེད་པར་འགྱུར། །སྒྱུ་འཕྲུལ་དྲ་བ་ལས་ལྷ་ཆེན་པོ་བསྒྲུབ་པ་དང་། །རྒྱལ་པོ་ཆེན་པོ་བཞི་པོ་དཀྱིལ་འཁོར་བཀོད་ཅིང་བསྒྲུབ་པའི་ལེའུ་སྟེ་དྲུག་ཅུ་ལྔ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་ཚོགས་ཀྱི་དཀྱིལ་འཁོར་ལ་ཤིན་ཏུ་རྔམ་པའི
263a7 གདངས་ཀྱིས་གླུ་འདི་བླངས་སོ། །ཧཱུ~ཾ། གཏུམ་ཆེན་དུས་མཐའི་མེ་ལྟར་འབར། །འོད་ཟེར་ཉི་མ་འབུམ་གྱི་གཟི། །ཁྲོ་གཉེར་གློག་སྟོང་འགྱུ་བ་བཞིན། །མཆེ་བ་ཟང་ཡག་ཟ་བྱེད་ཆེ་ཧོ། །ཧཱུ~ཾ། རྔམ་པའི་ང་རོ་འབྲུག་སྟོང་ལྡིར། །ཐུག་ཆེམ་རི་རབ་འབུམ་བསྙིལ་སྐད། །
iiif viewer powered by OpenSeadragon
