| e-texts navigator |
| Wylie |
25b1 པའི་ཡོན་ཏན་མཐའ་ཡས་ཏེ། །ལོབས་པས་ལམ་ལ་མཁས་པར་འགྱུར། །སྔགས་ཀྱི་ཡོན་ཏན་ཆེན་པོ་ཡང་། །རྨད་དུ་བྱུང་བ་ཐོབ་པར་འགྱུར། །གསང་སྔགས་ཆེན་པོའི་ཁྱད་པར་ནི། །ཐམས་ཅད་ཐམས་ཅད་བྱའོ་ཅོག་།བྱིན་གྱི་རླབས་ཀྱི་སྤྱོད་པའམ། །
25b2 དབང་སྒྱུར་ཐབས་ཀྱི་སྤྱོད་པ་སྟེ། །དཔེར་ན་ནམ་མཁའ་རྒྱ་མཚོ་འམ། །ཇི་ལྟར་མེ་དཔུང་རྒྱལ་པོ་འདྲ། །དེ་ཡང་དེ་ཡུལ་ཆེ་ཆུང་གི། །ཁྱད་པར་ཉིད་ཀྱིས་བརླབས་པ་ཡིན། །རྒྱལ་པོ་དེ་ཡང་ཁྱད་པར་གྱིས། །དབང་སྒྱུར་བྱ་བའི་ཁམས་རྣམས་ལ། །ཆེ་ཆུང་རིམ
25b3 པ་ཡོད་པ་ཡིན། །རྣལ་འབྱོར་སྔགས་ཚུལ་དེ་ལྟར་སྣང་། །ཐབས་ཆེན་སྤྱོད་ལ་འཇུག་པ་ཡང་། །བབ་ཆོད་ཐད་དུ་འཇུག་པ་སྟེ། །དཔེར་ན་གླང་ཆེན་ཆུར་འཇུག་པ། །རབ་དང་གླང་ཆེན་བབ་མི་བབ། །དེ་ཡང་རྩལ་སྒྱིད་དྲག་ཞན་གྱིས། །ལ་ལ་ཐད་དུ་གཅོད་པ་ལ། །
25b4 ལ་ལ་བསེགས་སུ་འགྲོ་བ་ཡིན། །ལ་ལ་ཆུང་ཞིག་བཤད་ཐབས་འགྲོ། །དེ་ལྟར་རྣལ་འབྱོར་རྒྱུ་ཉིད་ན། །འབྲས་བུའི་དོན་ལ་བབ་ཆོད་ཀྱང་། །རྩལ་འཕང་མཐོ་དམན་ཁྱད་པར་གྱིས། །ཇི་ལྟར་ནུས་ཚད་དེར་སྣང་ཕྱིར། །ས་དང་གནས་སྐབས་ཡེ་ཤེས་དང་། །སྒྲིབ
25b5 དང་གོལ་ས་རྟོག་པ་དང་། །སྤྱོད་དང་དམ་ཚིག་ཏིང་འཛིན་དང་། །དུས་དང་དངོས་གྲུབ་མཐར་ཕྱིན་དང་། །ལྟ་བའི་ཁྱད་པར་གནས་གྱུར་རྣམས། །ཐམས་ཅད་གཅིག་ལས་མེད་ན་ཡང་། །གྲངས་དང་དབྱེ་བའི་བྱེ་བྲག་རྣམས། །སྣོད་ཀྱི་རྩལ་དང་སྦྱར་ནས་ནི། །ཆོས
25b6 རྣམས་ཀུན་གཞིར་གཅིག་པ་ལ། །ཀུན་གཞི་གནས་འགྱུར་རྣམ་པ་ལྔས། །བྱེ་བྲག་ལམ་གྱི་ཆོས་སུ་སྣང་། །གཞི་ཉིད་རྒྱུ་ཡི་ཀུན་གཞི་དང་། །སྦྱོར་བ་འདུན་པའི་ཀུན་གཞི་དང་། །སྣང་བ་དོན་གྱི་ཀུན་གཞི་དང་། །འགྱུར་བ་མེད་པའི་ཀུན་གཞི་དང་། །བཙལ་མེད
25b7 གནས་པའི་ཀུན་གཞི་ལྔ། །སྐབས་ལྔ་དག་ཏུ་གནས་འགྱུར་བས། །ས་ཡི་ཁྱད་པར་བགྲོད་པ་ཡིན། །དེ་ཡང་གཉིས་ཀྱི་ཆོས་འདི་དག་།ཀུན་ཀྱང་ཡོངས་ཀྱིས་རྣལ་འབྱོར་དང་། །འགྲོ་དོན་གསུམ་གྱིས་འགྲོ་བ་སྟེ། །དགེ་དོན་དང་ནི་སྒྲུབ་པ་པོ། །རིག་འཛིན་ཞེས
iiif viewer powered by OpenSeadragon
