| e-texts navigator |
| Wylie |
25a1 ཚོམ་གཅོད་པའི་ལྟ་བ་སྟེ། །དོན་ལ་སེམས་ཀྱིས་བལྟ་བ་སྟེ། །བསླབ་པ་འདི་དག་གོམས་པ་གཅེས། །དཔེར་ན་རྒྱ་མཚོར་ནོར་ལེན་མི། །སྦྲུལ་དང་ཆུ་སྲིན་སྦྲང་མ་ལས། །སོགས་པ་གདུག་པའི་སྡུག་བསྔལ་ཀུན། །དཀའ་བ་ཉམས་སུ་བླངས་ནས
25a2 འགྲུབ། །དེ་བཞིན་རྣལ་འབྱོར་བདེ་ཚོལ་བ། །རྣམ་རྟོག་བྱིང་རྨུགས་ཕྱར་གཡེང་དགྲ། །གཞོམ་པར་དཀའ་བའི་ལས་འདི་དག་།ཉམས་སུ་བླངས་ན་བདེ་ཐོབ་རྙེད། །འདི་ནི་ཏིང་འཛིན་དམ་པ་ཡི། །ཉམས་སུ་བླངས་པའི་བསླབ་པ་སྟེ། །སེམས་ཀྱི་གོམས་པར་བྱ
25a3 བའི་ལས། །འདྲིས་པར་བྱ་བ་རབ་ཏུ་གཅེས། །ཇི་ལྟར་མུན་པ་དུག་དང་རྫས། །སྨན་སྣང་གསེར་དུ་བསྒྱུར་བས་ན། །འགྱུར་རྩི་མན་ངག་མེད་པའི་མིས། །དཀའ་བའི་ལས་ཆེན་སྣ་ཚོགས་པས། །སྡུག་བསྔལ་སྤྱད་ཀྱང་མི་འགྲུབ་སྟེ། །སུ་ཞིག་མན་ངག་ལྡན་པའི
25a4 མིས། །ཚེགས་མེད་གྱི་ནའི་ཚུལ་གྱིས་ན། །བསྒྱུར་བས་སྨན་སྣང་གསེར་འགྱུར་ལྟར། །རྣལ་འབྱོར་ཆེན་པོའི་དོན་སྒྲུབ་པ། །ཀུན་གཞི་གནས་འགྱུར་མན་ངག་དང་། །གང་དག་མི་ལྡན་པས་ཀྱང་ནི། །དཀའ་བ་སྤྱད་ཀྱང་འགྲུབ་པ་མིན། །སེམས་ཀྱི་གསང་འདི
25a5 སུས་མཐོང་བ། །དེ་དག་མན་ངག་ལྡན་པ་སྟེ། །འདོད་པའི་དོན་མཆོག་གང་ཡིན་པ། །དེ་དག་ཚེགས་མེད་གྱི་ནས་འགྲུབ། །དོན་རྣམས་སྒྲུབ་པར་གང་བྱེད་པ། །མན་ངག་ཅན་གྱིས་འགྲུབ་པའི་ཕྱིར། །དོན་རྣམས་འགྲུབ་པར་འགྱུར་བ་ཡི། །བསླབ་པ
25a6 འདི་དག་རབ་ཏུ་གཅེས། །དཔེར་ན་ཀུན་དུ་རྒྱུ་བའི་མི། །འདོད་པའི་ཡུལ་དུ་འགྲོ་བྱེད་ན། །ཡུལ་གྱི་རྣམ་པ་མཐའ་ཡས་ཀྱང་། །བགྲོད་པའི་ལམ་གནས་གཅིག་ལས་མེད། །དེ་བཞིན་བསམ་གྱིས་མི་ཁྱབ་པའི། །བརྒྱད་ཁྲི་བཞི་སྟོང་ཆོས་བསྟན་ཀྱང་། །
25a7 བཀྲི་ཞིང་དྲང་བའི་ཚིག་ཡིན་ཏེ། །བསམ་པའི་ཡུལ་ནི་གཅིག་པའོ། །དོན་རྣམས་གཅིག་ཏུ་སྡུད་པ་ཡི། །བསླབ་པར་བྱ་བ་དམ་པ་སྟེ། །ངེས་པར་གཅིག་ལས་མེད་པའི་ཕྱིར། །འདི་དག་གོམས་པར་བྱ་བ་ཡིན། །བསླབ་པ་འདི་ལ་གོམས་གྱུར་ན། །ལོབས
iiif viewer powered by OpenSeadragon
