| e-texts navigator |
| Wylie |
259b1 བརྗོད་མི་ལང་། །མི་དམིགས་དེ་བཞིན་གཤེགས་ཀྱང་བསམ་མི་ཁྱབ། །མ་སྐྱེས་མཆོག་གི་དབྱིངས་ཀྱང་བསམ་མི་ཁྱབ། །མ་འགགས་བྱང་ཆུབ་སེམས་ནི་སྐྱེ་འཇིག་མེད། །འགྲོ་མེད་ཡོང་མེད་མི་གནས་པའི། །ཐུགས་རྗེ་བྱིན་བརླབས་རྣམ་པར་འཕྲོ། །ཞེས་ཉིད་ལ་ཉིད་གསུང་ངོ་། །
259b2 དབྱིངས་ལས་དབྱིངས་བྱུང་ཐབས་ཀྱི་ཕྱག་རྒྱར་གསལ། །ཐབས་ལས་དབྱིངས་བྱུང་ཡུམ་གྱི་ཕྱག་རྒྱར་གསལ། །དབྱིངས་སུ་དབྱིངས་ཀྱིས་ཡེ་ཤེས་འབྱོར་པས་ན། །བྱང་ཆུབ་སེམས་ཚོགས་དཀྱིལ་འཁོར་བརྗོད་མི་ལང་། །དེ་བཞིན་གཤེགས་པའི་དཀྱིལ་འཁོར་ངེས་པའི་དོན་མ་ལུས
259b3 པར་མཚན་ཉིད་མེད་པའི་ཕྱག་རྒྱར་ཐིམ་པའི་ལེའུ་སྟེ་དྲུག་ཅུ་གཉིས་པའོ། ། །།དེ་ནས་དེ་བཞིན་གཤེགས་པས་རྒྱལ་པོ་ཚེ་མཐའ་ཡས་སུ་སྤྲུལ་ནས་ཆེད་དུ་བརྗོད་པ་འདི་བརྗོད་དོ། །སྒྱུ་འཕྲུལ་དྲ་བ་བསྟན་བསྡུས་ཏེ། བྷྲུ~ཾ་དང་བི་ཤྭའི་དཀྱིལ་འཁོར་དུ། །མ་དང་ཨ་ཡི་དཀྱིལ
259b4 འཁོར་ལ། །རྡོ་རྗེ་འཁོར་ལོ་རབ་བསྒོམས་ནས། །བཞི་བཅུ་རྩ་ལྔའི་དོན་བསྒོམས་ཏེ། །དེ་ཡིས་ཕྱོགས་བཅུར་གང་བར་བསྒོམ། །བྷྲུ~ཾ་དང་ཛཿཧཱུ~ཾ་བ~ཾ་ཧོས་དགུག་།སྐུ་གསུང་ཐུགས་ཀྱི་སྙིང་པོ་མཆོག་།ལུས་ངག་སེམས་ལ་ཐིམ་པར་བྱ། །ནརྀ་ཉིད་དངོས་སམ་ཡིད་བཞིན་མཛོད། །
259b5 བུམ་པ་མཆོག་ནི་བཟང་པོ་ཡི། །ཚེ་གཞག་གནས་ནི་འདི་ཡིན་ཏེ། །ཡང་ནས་ཡང་དུ་དགུག་བྱ་སྟེ། །མངོན་སུམ་སྨིན་པར་གྱུར་པ་དང་། །དབྱིངས་སུ་ཡང་ནི་སྤ་བར་བྱ། །རྡོ་རྗེ་གོ་ཆ་བསྲུང་བ་ཡིས། །བརྟན་ཞིང་འཁོར་ལོས་དགག་པར་བྱ། །སྙིང་པོ་འབྲུ་ལྔའི་ནང་དུ་བསྟིམ། །སངས
259b6 རྒྱས་ཐམས་ཅད་མ་ལུས་ཀུན། །རྒྱལ་པོ་ཚེ་དཔག་མེད་པ་བསྒོམ། །སྐུ་མདོག་གངས་རི་འཚེར་བ་ལ། །རྒྱན་ཕྲེང་སྣ་ཚོགས་རྣམས་ཀྱིས་བརྒྱན། །ཡིད་བཞིན་རིན་ཆེན་ཕྲེང་བ་དང་། །ཡིད་བཞིན་རིན་ཆེན་ཟ་མ་ཏོག་།རིན་ཆེན་རྒྱན་དང་བུམ་པ་བཟང་། །གཞན་ཡང་འགྲོ་བའི
259b7 དོན་བྱ་བ། །བསམ་གྱིས་མི་ཁྱབ་མཐའ་ཡས་མཆོག་།བགེགས་ཀྱིས་ནརྀ་རྣམས་མི་སྟེར་ན། །ཚེ་དཔག་མེད་དང་ཁྲོ་བོ་སྟེ། །ཕྱོགས་བཅུ་ནམ་མཁའི་ཁམས་བཀང་ནས། །སྒྲ་སྐད་དྲག་པོ་བཏོན་ནས་ནི། །ཐམས་ཅད་མ་ལུས་ཐུལ་བར་བྱ། །དབང་དུ་ཚེ་དཔག་མེད་པ་བསྐུར། །
iiif viewer powered by OpenSeadragon
