| e-texts navigator |
| Wylie |
255b1 འབར། །ཐམས་ཅད་མ་ལུས་དབྱིངས་སུ་སྦྱོར། །ཧྲཱིཿ། དཀྱིལ་འཁོར་ཟླ་གམ་གདེངས་པ་ལས། །འོད་ཟེར་མང་པོ་རབ་འབར་དང་། །རྡོ་རྗེ་ལྕགས་སྒྲོག་བསྡམས་པས་བསྐོར། །གཞན་ཡང་རྒྱན་གྱི་དམ་པ་མཆོག་།ཀུན་གྱིས་དེ་ལ་བརྒྱན་ཅིང་བསྐོར། །མེ་ལྷ་སྤྱན་དྲངས
255b2 སྔ་མ་བཞིན། །ཁྲོ་བོའི་དཀྱིལ་འཁོར་མ་ལུས་ཀུན། །པདྨ་རིགས་ཀྱི་ཁྲོ་བོར་བསྒོམ། །དམར་སྨུག་དྲག་པོའི་མདོག་དང་ནི། །གཞན་ཡང་སྤྲུལ་པ་མང་པོ་ཡི། །ཕྱོགས་བཞི་མཚམས་བཞི་སྟེང་འོག་བསྐོར། །རྔམ་པ་རང་སྔགས་དྲག་ཏུ་སྒྲོགས། །ཧྲཱིཿ། བདག་ཉིད་མ་ཆགས
255b3 རྡོ་རྗེ་སྟེ། །དཀྱིལ་འཁོར་གོང་མ་གསལ་བསྒོམས་ནས། །ཕྱོགས་བཅུར་འགྲོ་བ་ཐམས་ཅད་དང་། །གདུག་པ་ཡིད་ཅན་མ་ལུས་ཀུན། །ཛཿཧཱུ~ཾ་བ~ཾ་ཧོཿ། སྥོ་ཊས་བཀུག་ནས་སུ། །དཀྱིལ་འཁོར་ལ་ནི་དབུལ་བར་བྱ། །དགོངས་པ་གྲུབ་ཅིང་ངན་སོང་སྦྱོང་། །ཧྲཱིཿ། གཞལ་ཡས
255b4 དཀྱིལ་འཁོར་མང་བོའི་ཚོགས། །དཀྱིལ་འཁོར་པདྨའི་ཞལ་འདྲ་ལ། །ཐ་མ་པདྨ་ལྗོན་ཤིང་དང་། །པདྨ་རྡོ་རྗེ་འོད་འབར་བསྒོམ། །གཞན་ཡང་རྒྱན་མཆོག་མཛེས་པ་ཡིས། །དཀྱིལ་འཁོར་ཀུན་ལ་མཛེས་པར་བརྒྱན། །བདག་ཉིད་པདྨའི་ལྷར་གྱུར་པས། །མཆོད་པ་ལྷ་རྫས་སྣ
255b5 ཚོགས་དང་། །ཞལ་ཟས་བཟའ་བཏུང་མཆོག་རྣམས་དང་། །དམར་པོའི་ཤིང་དང་དྲི་ཞིམ་པ། །ལན་གྲངས་གོང་དུ་སྨོས་པ་བཞིན། །རྟག་ཏུ་མཆོད་པ་བྱས་ན་ནི། །འཇིག་རྟེན་འདི་དང་འདས་པ་ཡི། །ཅི་འདོད་ལས་དེ་གྲུབ་པར་འགྱུར། །སྔགས་ནི་ཡི་གེ་ར~ཾ་དང་ཧྲཱིཿ། མདོག་ནི
255b6 དམར་སྨུག་འོད་པོ་ཆེ། །ཕྱོགས་བཅུ་ཁྱབ་ཅིང་ཧྲཱི་ལ་བསྡུ། །དགྱེས་པའི་གླུ་དང་གར་གྱིས་མཆོད། །ཧྲཱིཿ། རྡོ་རྗེ་པདྨ་འབར་བ་ཡིས། །ཕྱོགས་བཅུ་མཐའ་ཀླས་རབ་འབྱམ་ཀུན། །དཔལ་དང་གཟི་བྱིན་ཚེ་ལ་སོགས། །པདྨ་འབར་བ་དེ་བསྡུས་ནས། །སངས་རྒྱས་སྐུ་དང་མཉམ
255b7 པ་དང་། །གཞན་ཡང་ལོངས་སྤྱོད་མཆོག་ལ་སོགས། །ཅི་འདོད་ལས་རྣམས་དབང་དུ་འགྱུར། །ལྷ་སྲིན་ལ་སོགས་སྨོས་ཅི་དགོས། །ཧྲཱིཿ། འདོད་ཆགས་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །སྐད་ཅིག་ཡུད་ལ་དབང་དུ་བསྡུས། །དབང་དུ་མ་གྱུར
iiif viewer powered by OpenSeadragon
