| e-texts navigator |
| Wylie |
255a1 ང་རོ་རང་སྔགས་སྒྲོགས། །མི་སྡུག་གཏུམ་པའི་གཟུགས་ཅན་དང་། །ཤིན་ཏུ་ཁྲོ་བར་བསྒོམ་པར་བྱ། །བདག་ཉིད་ཕཊ་ཀྱི་ངང་ཉིད་དུ། །གསལ་འདྲིས་བློ་གོམས་རྟག་ཏུ་བསྒོམ། །ཛཿཧཱུ~ཾ་བ~ཾ་ཧོས་བསྡུས་ནས་སུ། །རྒྱུད་དྲུག་སེམས་ཅན་ཀུན་བསྡུས་ནས། །
255a2 ཁྲོ་བོའི་ཚོགས་ལ་དབུལ་བར་བྱ། །ལྷ་ཡང་རུང་སྟེ་བརླག་པར་འགྱུར། །ཡོ་བྱད་གཞན་ནི་སྤྱི་དང་མཐུན། །གཟིར་བའི་ཐབས་ཀྱང་གོང་མ་བཞིན། །མཆོད་པའི་གྲངས་ཀྱང་སྤྱི་དང་མཐུན། །ཱཿ། གཞན་ཡང་དཀྱིལ་འཁོར་བསམ་ཡས་ཀྱི། །ཧཱུ~ཾ། ཞལ་གདངས་སྤྱན་བགྲད་ཁྲོ
255a3 ཞལ་བསྒོམ། །རྡོ་རྗེ་གཏན་པ་གདེངས་པ་དང་། །ཐོད་པ་ལྕགས་ཀྱུ་རྣམས་ཀྱིས་བསྐོར། །ཧཱུ~ཾ་སྒྲ་དྲུག་པོའི་ཚོགས་ཀྱིས་འབར། །འཛིན་པའི་ཕྱག་རྒྱས་བཀུག་ནས་སུ། །ཞལ་དུ་བསྟིམས་ན་ལྷག་པར་འགྲུབ། །རྡུལ་ཆ་ཙམ་ཡང་མེད་པར་བྱེད། །འཁོར་གྱི་ཚོགས་ཀྱང
255a4 སྔ་མ་བཞིན། །བསྐང་བའི་ཚུལ་དུ་སྦོད་གཏོང་བྱ། །ཧཱུ~ཾ། གཏུམ་པོ་དམར་པོ་མཆུ་རིངས་པོ། །འབར་བ་རྡོ་རྗེ་ཕྲེང་བས་བསྐོར། །འོད་ཆེན་འབར་བ་འཕྲོ་བ་ཡིས། །འཇིག་རྟེན་ཁམས་རྣམས་དུས་གཅིག་བརྡུབས། །ཧཱུ~ཾ། ཁྲོ་བོའི་ཚོགས་ཀྱིས་སྔགས་རྣམས་དང་། །གནས
255a5 དང་ཡུལ་གྱི་ཕྱག་རྒྱ་དང་། །སླས་དང་བྱི་མོ་བྲན་མོའི་ཚོགས། །སོ་སོའི་རང་སྔགས་རྫོགས་པར་འདོན། །ཧ་ཧེ་བྷྱོ། གཞན་ཡང་བསྟོད་ཚིག་འདི་དག་གིས། །ཧཱུ~ཾ་རྡོ་རྗེ་ཐུགས་རྗེ་བྱིན་བརླབས་ཀྱིས། །འཇིག་རྟེན་ཁམས་ནི་ཀུན་བཀང་སྟེ། །གཏུམ་འཁྲུག་མ་ལུས
255a6 ཐམས་ཅད་ཀུན། །རྡོ་རྗེ་མཐུ་ཡིས་བཏུལ་བར་གྱུར། །ཧཱུ~ཾ་རྡོ་རྗེ་ཞེ་སྡང་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །སྐད་ཅིག་ཡུད་ལ་རླག་མཛད་དེ། །བརླག་པར་མ་གྱུར་གང་ཡང་མེད། །སྒྱུ་འཕྲུལ་དྲ་བ་ལས་དྲག་པོ་ཧོམ་གྱི་ལེའུ་སྟེ་ལྔ་བཅུ་དྲུག
255a7 པའོ། ། །།དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་པདྨ་སྡུད་པ་ཞེས་བྱ་བས། །འགྲོ་བ་མང་པོའི་དོན་གྱི་ཕྱིར། །ཆེད་དུ་བརྗོད་པ་འདི་བརྗོད་དོ། །ཤེས་རབ་ཐབས་སུ་སྦྱོར་བ་ཡིས། །ཐམས་ཅད་མ་ལུས་དབྱིངས་སུ་བསྡུས། །དབྱིངས་ནས་ཡེ་ཤེས་འོད་འཕྲོ
iiif viewer powered by OpenSeadragon
