| e-texts navigator |
| Wylie |
254b1 དབང་མེད་ཞལ་དུ་ཐིམ་པར་འགྱུར། །ཡ་མ་ཡང་ལྷག་པར་མཛེས། །སྐུ་མདོག་དུང་ཀ་ལ་སོགས་དང་། །མཆེ་གཙིགས་ཁྲོ་གཉེར་གཙིགས་པ་དང་། །ཞལ་བགྲད་ཕྱག་རྒྱ་འབར་བ་དང་། །གང་ལ་སོགས་པ་བསྒོམ་པར་བྱ། །བདག་ཉིད་འཛིན་པའི་ཕྱག་རྒྱ་སྟེ། །མཚན
254b2 མ་བཟུང་ནས་རང་སྔགས་དོན། །མངོན་པར་དབང་པོས་བལྟར་ཡོད་པར། །རིལ་བུ་བསྡུས་ནས་དབྱིངས་སུ་མཆོད། །ཐེ་ཚོམ་མེད་པར་འགྲུབ་པར་ངེས། །དམ་པའི་ཆོས་འཇིག་མ་རུངས་པ། །དཔའ་བོས་དགོས་པ་ཡོད་པའི་ཕྱིར། །ཀུན་ལ་ཕན་པ་དེ་གྱིས་ཤིག་།ཧོཿཧཱུ~ཾ་ཛཿདང
254b3 ཕཊ་དང་སྤོ་ལ་སོགས། །འདྲེན་པའི་མཆོག་ཏུ་དེས་གསུངས་སོ། །མཚན་མ་མིང་རུ་བསྡུས་པ་ཡང་། །ཇི་ལྟར་སྔོན་གྱི་དེ་བཞིན་དུ། །སྨོན་པ་བྱང་ཆུབ་ལམ་དུ་གཞུག་།མཚན་མའི་བག་ཆགས་མེད་པར་བྱ། །དབྱིངས་ནས་སྤྲོ་ཞིང་ཨ་ལ་བསྟིམ། ། ཧོ། །ཐུགས་ཉིད་ལ་ནི
254b4 ཐུགས་བརྗོད་དོ། །སྒྱུ་འཕྲུལ་དྲ་བ་ལས་ཤིན་ཏུ་གསང་བའི་ཁྲོ་བོ་ཉེ་བར་བསྟན་པའི་ལེའུ་སྟེ་ལྔ་བཅུ་ལྔ་པའོ།། །།དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་ལས་ཐམས་ཅད་རྡོ་རྗེར་བསྡུས་ནས་ཆེད་དུ་བརྗོད་པ་འདི་བརྗོད་དོ། །དག་པ་རྣམ་གསུམ་ཚུལ་བསྒོམས
254b5 ཤིང་། །སྒྱུ་འཕྲུལ་དྲ་བ་བསྟན་པར་གནས། །ཐམས་ཅད་ཧཱུ~ཾ་དུ་བསྡུས་ནས་ནི། །དཀྱིལ་འཁོར་གྲུ་གསུམ་འབར་བར་བསྒོམ། །མེ་དཔུང་འབར་བའི་ཚོགས་ཆེན་དུ། །མེ་ལྷ་ཨགྣེ་ཛཿས་བཀུག་ནས། །ར~ཾ་ཞེས་བྱ་བའི་མེ་སྦར་ཏེ། །ཁྲོ་བོའི་དཀྱིལ་འཁོར་མ་ལུས་ཀུན། །
254b6 ཞེ་སྡང་རྡོ་རྗེར་བསྒོམ་པར་བྱ། །ཧཱུ~ཾ་གཏུམ་པོའི་ཚོགས་ཆེན་རབ་ཏུ་འབར། །དུད་ཀ་ནག་པོའི་མདོག་འདྲ་ལ། །འབར་བའི་འོད་ཟེར་མང་པོར་འཁྲུགས། །ཉི་མའི་ཐོད་སྦྲུལ་མང་པོས་བརྒྱན། །སེང་གེ་གླང་ཆེན་སྟག་རྔམ་དང་། །ཕྱག་རྒྱ་སྣ་ཚོགས་འབར་བ་བསྣམས། །ཕཊ་དང་ཧཱུ~ཾ
254b7 དང་ཧ་ལ་སྒྲ། །སྐད་དྲག་ཕྱོགས་བཅུར་ནམ་མཁའ་འཁྲུག་།ཕཊ། ཁྲོ་བོ་ཁྲོ་མོའི་ཚོགས་ཀྱིས་བསྐོར། །ཡུལ་དང་གནས་ཀྱི་ཕྱག་རྒྱས་མཛེས། །ཧ་ཧེ། སླས་དང་བྱི་མོ་བྲན་མོ་དང་། །བྷྱོ། ཅི་བགྱི་ལ་སོགས་ཚོགས་ཀྱིས་བསྐོར། །སོ་སོའི་སྟན་དང་ལག་ཆ་དང་། །རྔམ་པའི
iiif viewer powered by OpenSeadragon
