| e-texts navigator |
| Wylie |
253b1 དག་གིས་གནས་ཐམས་ཅད་རབ་ཏུ་གཡོ་ཞིང་བསྐྱོད་པར་མཛད་པས། དེ་དག་གི་སྡེ་དཔོན་དང་བཅས་འཁོར་དང་གཡོག་ཏུ་བཅས་པ་རྣམས། རླུང་གི་ཤུགས་ཀྱིས་བསྐྱོད་པ་བཞིན་དུ་ལྷགས་པ་ནི་འདི་ལྟ་སྟེ། གཤིན་རྗེ་ཚེ་བདག་ནག་པོ་ཆེན་པོ་ཡུམ་དང་བཅས་པ
253b2 དང་། བདུད་ནག་པོ་ཆེན་པོ་མེའི་ཁ་རླངས་ཅན་དང་། ཡུམ་བདུད་མོ་ནག་མོ་ཁྲག་འཛག་མ་དང་། སྲིན་པོའི་རྒྱལ་པོ་གསོད་བྱེད་ནག་པོ་ཡུམ་དང་བཅས་པ་དང་། གནོད་སྦྱིན་ཆེན་པོ་གང་བ་བཟང་པོ་དང་། ཡུམ་གནོད་སྦྱིན་མོ་ཤ་ཟ་རལ་གཅིག་མ་དང་། ལྷའི་རྒྱལ་པོ་དབང
253b3 ཕྱུག་ཆེན་པོ་དང་། རུ་ཏྲའི་བདག་པོ་ཐར་པ་ནག་པོ་དང་། རྨུ་རྗེ་བཙན་པ་རྒྱལ་པོ་ཆེན་པོ་དང་། ཕྱི་རོལ་ལྷའི་བདག་པོ་ཀཱ་ལ་ནག་པོ་དང་། ཁྱབ་འཇུག་ཆེན་པོ་ཀུན་དུ་རྒྱུ་བ་དང་། ཀླུའི་བདག་པོ་གཞོན་ནུ་གཏུམ་པོ་དང་། ལྷའི་རྒྱལ་པོ་ལི་ཕྱིན་ཆེན་པོ་དང་། གནོད་སྦྱིན་ཆེན
253b4 པོ་ལག་རྒྱུ་བ་དང་། བདག་ཉིད་ཆེན་པོ་རྡོ་རྗེ་མཛེས་པ་དང་། ཀླུ་བདུད་ཆེན་པོ་ཡམ་ཤུད་དམར་པོ་དང་། གཞན་ཡང་ལྷ་དང་། ཀླུ་དང་། ལྷ་མ་ཡིན་དང་། ཟ་བྱེད་དང་། དང་། འབྱུང་པོའི་ཚོགས་དང་། ཕོ་ཉའི་ཚོགས་འཇིགས་པར་བྱེད་པ་བསམ་གྱིས་མི་ཁྱབ་པ
253b5 རབ་ཏུ་འདུས་སོ། །དེ་ནས་བཅོམ་ལྡན་འདས་ཀྱིས་གདུག་བྱེད་ཆེན་པོའི་འཁོར་དེ་དག་རབ་ཏུ་འདུལ་བར་མཁྱེན་ནས། དུར་ཁྲོད་ཆེན་པོའི་དཀྱིལ་འཁོར་མངོན་པར་སྤྲུལ་པར་མཛད་དེ། ནམ་མཁའི་དབྱིངས་ཀྱི་དཀྱིལ་འཁོར་དག་།གཟུགས་སུ་བརྙན་པ་རབ་ཏུ་འཇིགས། །
253b6 སྒྲ་ནི་མི་སྙན་དྲག་ཅིང་གཏུམ། །དྲི་ནི་མི་ཞིམ་རུལ་མྱགས་བསུང་། །རོ་ནི་ཁ་སྐྱུར་ཚ་བར་བྲོ། །རེག་བྱ་ཚ་རྩུབ་མི་གདུག་སྤྱོད། །ཞེ་སྡང་ཆེན་པོའི་མེ་འབར་ཞིང་། །ང་རྒྱལ་ཀེང་རུས་བྲག་ཏུ་གཏམས། །གཏི་མུག་མུན་ནག་རབ་ཏུ་འཐིབས། །འདོད་ཆགས་ཁྲག་གི
253b7 ཆུ་ཆེན་འབྲུག་། ཕྲག་དོག་རླུང་ནི་རབ་ཏུ་འཁྲུགས། །སྟི་ར་ཆེན་པོའི་ལོངས་སྤྱོད་ལ། །སྟག་གཟིག་གཅན་གཟན་ཅེ་སྤྱང་དང་། །ཀཱང་ཀ་དུར་བྱ་འདབ་ཆགས་ཚོགས། །ཤ་ཟ་ཁྲག་འཐུང་རུས་པ་འཇོམས། །བམ་དང་རུལ་དང་མྱགས་པ་དང་། །བྱེ་དང
iiif viewer powered by OpenSeadragon
