| e-texts navigator |
| Wylie |
251a1 ཀྱང་མི་འཁྲུགས་ཤིང་། །མཆོད་པ་ཚོགས་ལ་སྟོབས་ལ་རུབ། །བུད་མེད་འགུགས་པས་གཙོ་ལ་དབུལ། །ཟུང་ཐུབ་གསང་ལ་མཁས་པ་ཡིས། །ངེས་པ་ཅན་ལ་ཤིན་ཏུ་གཏད། །གཞན་དུ་བསྟན་པར་མི་བྱའོ། །ཐོགས་མེད་ཕྱལ་བར་འདོད་པ་སྤྱོད། །བུད
251a2 མེད་ཡོན་ཏན་ཀུན་ཡོད་ཅིང་། །འདོད་ཆགས་ཀུན་དང་མཐུན་སྤྱོད་ལ། །རྩ་བ་དང་དུ་བླང་བ་དང་། །འཚམ་པར་ལྷ་ཡི་སྐུ་བསྟན་ཏེ། །ཉེ་བསྙེན་གསང་བའི་མན་ངག་རྣམས། །ནམས་ཀྱང་སྦྱིན་པར་མི་བྱའོ། །དེ་ལ་སྦྱོར་སྟངས་དེ་བསྟན་ནས། །གཞན་ནི་བསྟན་པར་མ
251a3 གསུངས་སོ། །དད་ལྡན་སྲུན་ཅིང་བློ་རྣོ་བ། །དད་པ་ཆེ་ཞིང་ཆོས་ལ་གུས། །ཆགས་པར་རན་པ་བཀའ་ཉན་ཅིང་། །གནས་པ་དགའ་ཞིང་ལུང་ཉན་པ། །རྩ་བ་ཡན་ལག་དམ་ཚིག་སྒྲུབ། །མཆོད་པའི་གནས་ཤོམ་སྡོམ་པ་སྲུང་། །བསྙེན་པ་ལ་ནི་བྱིན་ཕབ་ནས། །གསང
251a4 སྔགས་ཚོགས་ཀྱི་མཆོད་གནས་སུ། །ང་ཡི་གསང་བ་བྱིན་ཕབ་སྟེ། །ཐོགས་པ་མེད་པར་མངོན་སུམ་ལ། །སྦྱོར་བའི་ཐབས་ལྡན་མཉམ་སྦྱོར་བ། །དཀྱིལ་འཁོར་བཞི་བཅུ་རྩ་གཉིས་ཀྱི། །བདག་ཉིད་མཉེས་པའི་མཉམ་སྦྱོར་ཞིང་། །མཉམ་པའི་གྲུབ་པས་ཚོགས་ལ
251a5 མཆོད། །དམ་ཚིག་མི་ལྡན་སྤྱོད་རྩིང་དང་། །གཏིང་ནས་བསྟན་པ་མི་འཛིན་ལ། །འདོད་ཆགས་སྤེལ་བར་མི་བྱེད་ཅིང་། །གསང་བའི་སྙིང་པོ་དེ་ཁོ་ན། །ངེས་པའི་དོན་ནི་མི་སྟོན་ལ། །ང་ཡི་དབང་དང་བསླབ་པ་རྣམས། །རིམ་པ་བཞིན་དུ་རབ་ཏུ་སྦྱིན། །རིགས་ངན་ཕོ་མོ
251a6 འདོད་སྤྱོད་ནི། །སྤྲོ་ཐུང་འདོད་ཆགས་རབ་ཏུ་ཆེ། །བློ་ཞན་ཕྲག་དོག་སྒྲོ་སྐུར་ཅན། །གཉིད་ཆེ་ཆང་དད་བརྩོན་འགྲུས་ཆུང་། །སློབ་ལ་མི་གུས་ནན་ཏན་མེད། །སློབ་དཔོན་མི་དྲན་སྤུན་སེམས་ཆུང་། །གལ་ཏེ་དམ་ལ་གནས་ན་ཡང་། །ང་ཡི་གསང་བ་འཛིན་པ་ལ། །མངོན
251a7 དུ་དགའ་བར་མི་ནུས་ཏེ། །ལྟ་ཞན་བཀའ་ལས་འདས་པ་དང་། །གྲོལ་བ་དཀའ་ཞིང་ནུས་མཐུ་ཞན། །མུན་དང་ལྐོག་དང་སྐྱེ་བོ་ལ། །གར་དབེན་ཕྲད་པར་འདོད་སྤྱོད་ཅིང་། །འདོད་ཆགས་འགའ་ལམ་དེ་དག་ལ། །ཚིག་རྣམས་གསང་བ་སྨྲ་བྱེད་པ། །དངོས་ཀྱི་དོན་དང
iiif viewer powered by OpenSeadragon
