| e-texts navigator |
| Wylie |
250b1 དང་། ཞི་བ་མོ་དང་། བེ་ཅོན་མོ་དང་། སྲིན་མོ་དང་། ཟ་བ་མོ་དང་། དགའ་བ་མོ་དང་། ར་རོ་ཁྲག་འཐུང་མྱོས་དང་། གཅིག་པུ་སྤྱོད་དང་། ཡིད་འཕྲོག་མ་དང་། གྲུབ་མོ་དང་། ཀླུང་མོ་དང་། གསོད་བྱེད་མོ་དང་། མི་མོ་དང་། ཕག་མོ་དང་། རྒན་བྱད་མོ་དང་། སྣ་ཆད་མོ་དང་།
250b2 ཆུ་ལྷ་མོ་དང་། ནག་མོ་ཆེན་མོ་དང་། ར་མགོ་དམར་སེར་ཆེན་མོ་དང་། བུམ་རྣ་སྔོ་གནག་ཆེན་མོ་དང་། གསུས་འཛིན་སེར་གནག་ཆེན་མོ་དང་། རྒྱལ་མོ་དང་། བློན་མོ་དང་། སྡེ་དཔོན་མོ་དང་། གཡོག་དང་ཡང་གཡོག་དང་། བྲན་དང་། ཡང་བྲན་ལ་སོགས་པ། སླས
250b3 དང་བྱི་མོ་དང་། བྲན་མོ་རྣམས་ལ་ཆེད་དུ་བརྗོད་པ་འདི་བརྗོད་དོ། །གསང་བའི་སྙིང་པོ་ངེས་པ་འདི། །གསང་སྔགས་ཀུན་གྱི་རྒྱལ་པོ་ཡིན། །ཐབས་ཆེན་མཚོན་པའི་ཤེས་རབ་ནི། །སྒྱུ་འཕྲུལ་དྲ་བའི་སྙིང་པོ་དང་། །གསང་བ་རྒྱུད་ནི་མང་པོ་རྣམས། །ང་ཡི་ཐུགས་ལས་སྤྲུལ
250b4 པ་ཡིན། །ཚངས་པ་དང་ནི་བརྒྱ་བྱིན་དང་། །དབང་ཕྱུག་ཆེན་པོ་ལ་སོགས་པ། །སྡེ་དཔོན་འཕྲོག་མའི་ཡུལ་རྣམས་དང་། །ལུས་འཕགས་པ་ལང་སྤྱོད་པ་དང་། །སྒྲ་མི་སྙན་དང་འཛམ་གླིང་དུ། །ང་ཡི་ཐུགས་ཀྱི་སྙིང་པོ་འདི། །ཕྱོགས་བཅུ་ཀུན་དུ་སྤེལ་བ་དང་། །དེ་ཡི
250b5 གཟུགས་ལ་གཏད་པ་ནི། །ཡིད་བཞིན་མཛོད་འབྱོར་བཀའ་ཡི་གནས། །ཕྱི་ནང་ཐེག་པ་བསྟན་བཅོས་དང་། །སྟོང་ཕྲག་བརྒྱད་ཅུ་རྩ་བཞི་རྣམས། །སྤྱོད་དང་བསྒོམ་དང་བཟླས་པ་དང་། །སྡོམ་པ་ཀུན་ལ་མཁས་པ་ཡིས། །བསྒོམ་པ་སྲན་དང་ཆོས་ཕྱོགས་དང་། །བསྟན
250b6 པ་འཛིན་པར་ནུས་པ་ཡི། །གསང་བའི་སྙིང་པོ་མཆོག་ཏུ་གཏད། །གཞན་ལ་བསྙད་པར་མ་ཡིན་ནོ། །མི་འཁྲུག་བློ་ཟབ་རྐྱེན་ཐུབ་ཅིང་། །ཡིད་བཞིན་སྦྱོར་བར་མོས་པ་ལ། །རྩ་བ་ཡན་ལག་དམ་ཚིག་བསྟན། །ཟླ་དང་བཅས་པས་དམ་ཚིག་ཆེ། །སྦྱོར་བ་གཉི་ག་མཁས
250b7 པ་དང་། །ལུང་དང་ཚད་དུ་ལྡན་ཐུབ་དང་། །གཞན་ལ་བསྙད་པར་མི་བྱེད་ཅིང་། །བསྟན་པ་མཆོད་པར་བྱེད་པའོ། །ཉེ་བ་བསྙེན་པ་དམ་ཚིག་ལ། །བསྒྲུབ་པ་བསྙེན་པ་ཉེ་བསྙེན་པ། ཅི་ནུས་པར་ནི་ཤིན་ཏུ་བརྩོན། །སེམས་ཅན་ངང་ཚུལ་ཀུན་བོར་ནས། །གང་གི་ཡིད
iiif viewer powered by OpenSeadragon
