| e-texts navigator |
| Wylie |
250a1 སྐུ། །མི་འབྱེད་ཁྲག་འཐུང་སྲན་ཆེན་རི་རབ་བརྟན། །ང་རྒྱལ་འདུལ་བ་ང་རྒྱལ་ཀུན་གྱི་གཙོ། །འཇིགས་ཚོགས་སད་ནས་རོ་ཚོགས་མང་གི་གནས། །ཞབས་བགྲད་མཆེ་གཙིགས་ཆོག་པའི་དུས་མཐའ་མེད། །འཇིགས་པས་ཕེབས་པར་དགའ་ཞིང་ཤིན་ཏུ
250a2 སྡང་། །ཕྲག་དོག་འདུལ་བ་ཕྲག་དོག་ཀུན་གྱི་གཙོ། །ཕྲག་དོག་ཆེ་མཆོག་ཕྲག་དོག་ཆེན་པོའི་སྐུ། །བུད་མེད་ཀུན་བསྡུས་དཀྱིལ་འཁོར་དབུས་གནས་ཤིང་། །ལམ་ནོར་གདུག་པར་བཅས་པ་ཕཊ་ཀྱིས་གསོད། །ཞིང་གི་ཤམ་ཐབས་གདུག་པ་འདུལ་བར་བསྣམས། །སྐུ་འདྲ
250a3 འཇིགས་ཚོགས་གཟུགས་ཀྱིས་སྐུ་ལ་བརྒྱན། །ཞབས་དང་ཕྱག་ཏུ་གྱུར་པ་བསམ་ཐག་ཆད། །ཞབས་ཆེན་གཡོན་མང་བརྐྱང་བས་ལྷ་གནོན་བདུད་ལ་ཁྱབ། །ཞབས་གཡས་ཐབས་ཆེན་མང་པོས་དབང་སྡུད་འདོར་ཞིང་བསྐུམ། །རྡོ་རྗེ་སེ་གོལ་ཕྱར་བརྡབས་གཉིད་ཆེར་རབ་སེལ
250a4 མཛད། །འོད་ཆེན་དབུས་ནས་གློག་ཆེན་རབ་འགྱུ་བའི། །འཇིགས་པར་གོང་ན་མེད་པའི་དཔའ་བོ་ཁྱོད། །ཟས་ངན་བདུད་རྩི་སྦྱོར་བའི་སྨན་ཆེན་བདག་།འཇིགས་བྱེད་ཁྱོད་ལྟ་བུ་ནི་རབ་ཏུ་དཀོན། །བསྐལ་པར་བཀྲུས་ཀྱང་སླར་སྐྱེ་དྲི་མ་ལ། །ཡེ་ཤེས་ཉི་ཟེར་འོད་ཀྱི་བྱིན་བརླབས
250a5 དང་། །ཐུགས་རྗེ་དག་པའི་ཆར་གྱི་ཆོ་འཕྲུལ་གྱིས། །བརྡ་ཙམ་ཡུད་ལ་རྨོངས་འཁྲུགས་ལས་སྦྱོང་ཞིང་། །ཤི་བའི་ལམ་འགོག་ཤེས་རབ་དཀྱིལ་འཁོར་དུ། །སྐྱེ་བ་གཏན་ནས་སྦྱོང་བའི་ཐུགས་རྗེ་འཆར། །བྱམས་སྡང་མི་མངའ་བཀའ་དྲིན་ཆེན་པོའི་གཏེར། །ཁྲག་འཐུང
250a6 སྐུ་གསུང་ཐུགས་ལ་ཕྱག་འཚལ་ལོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་བཀའ་དྲིན་དྲན་པའི་གླུ་ཞེས་བྱ་བའི་ལེའུ་ཞེས་བྱ་སྟེ་བཞི་བཅུ་བརྒྱད་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས། གསང་སྔགས་ཀྱི་རྒྱལ་པོ་འདི་བརྟན་ཞིང་མི
250a7 འགྱུར་བ་དང་། འཇིག་རྟེན་གྱི་ཁམས་སུ་གནས་པར་བྱ་བའི་ཆེད་དུ་འབྱུང་པོ་རྣམས་ཀྱི། ཇོ་མོའི་ཡང་ཇོ་མོ། །མི་སྲིན་མོ་ཆེན་མོ། །མི་སྲིན་མོ་དང་། ཚངས་མ་དང་། འཁྲུག་མོ་དང་། དབང་མོ་དང་། འཇུག་སྲེད་མ་དང་། གཞོན་ནུ་མ་དང་། དམར་མོ་དང་། བདུད་རྩི་མོ
iiif viewer powered by OpenSeadragon
