| e-texts navigator |
| Wylie |
249b1 འོད་བཞིན་དུ། །ཆེ་བཙན་དྲེགས་པས་འཇིགས་པའི་ཚོགས་ཀུན་འཇོམས། །མཚུངས་མེད་ཆོ་འཕྲུལ་ཁྱད་པར་རབ་སྟོན་ཅིང་། །འདོད་པའི་དབང་ཕྱུག་གར་གྱི་ཚུལ་དུ་བཞུགས། །ཟ་བྱེད་བརྐམ་པས་ཐུགས་སྐུ་གསུང་གི་ཞལ། །ཁྲག་མཚོ་མཐའ་མེད་སྐེམས་ཤིང་སྒལ
249b2 ཚིགས་འཇོམས། །ཁྲོ་གཉེར་སྙིང་འདྲེན་འཇིགས་བྱེད་གློག་ལྟར་འགྱུ། །དུར་ཁྲོད་འབུམ་གྱི་དབུ་སྨུག་འཇིགས་པར་བརྗིད། །འཁོར་བའི་རྟོག་པ་འཇིག་མཛད་ཐོད་རློན་ཕྲེང་བས་བསྒེགས། །རོལ་ཕྱིར་རྩེ་མོར་སྣང་བས་ཨ་ཨ་ཧ་ལས་བཞད། །རང་ཉིད་ཆེ་བས་དབང་རྫོགས
249b3 རྒྱལ་བས་དབུ་ལ་བརྒྱན། །སྨིན་རིས་ཁྲོ་གཉེར་གློག་བཞིན་རབ་འགྱུ་བས། །ཕྱོགས་དང་མཐུན་པའི་ཁྲག་འཐུང་འགྱེད་ཅིང་སྡུད། །སྤྲུལ་པ་དེ་ལྟ་བུས་ནི་ཟིལ་གནོན་པ། །འཇིགས་པས་མུན་པའི་ཚོགས་ཆེན་རབ་བཤམས་ཀྱང་། །སྡང་མིག་སྤྱན་ནི་ཉི་ཟླ་རྒྱས་འབར་བས། །
249b4 འཇིགས་པའི་ཚོགས་ཕུང་སྡུག་བསྔལ་གཏན་ནས་སྦྱོང་། །ཁྲོས་པས་ཞལ་གདངས་སོ་ཆེན་གཙིགས་འབར་བས། །སྲིད་པའི་རྩེ་ནས་དམྱལ་ཁམས་སྙེགས་པ་ལྟར། །འཇིག་རྟེན་དུས་གཅིག་མིད་མཛད་ལམ་དྲུག་གཏན་ནས་གཅོད། །ཡེ་ཤེས་ཕྱག་བསྣམས་ཕྱག་མཚན་འབར
249b5 བ་ཡིས། །སྲིད་གསུམ་མ་ལུས་རྡུལ་ཕྲན་སྟོངས་པར་མཛད། །རྐན་སྒྲས་རོལ་པས་འགྲོ་ལ་ཕེག་བརྡབས་བཞིན། །ཁམས་གསུམ་ཀུན་ལ་ཆོས་སྟོན་རྒྱས་པར་མཛད། །ཟས་སུ་ཁྲག་འཐུང་རྡོ་རྗེ་ཆེ་མཆོག་གསོལ། །འཇིག་ཚོགས་སད་པའི་ཀོ་རློན་གཡང་གཞི་བསྣམས། །
249b6 ཀླུ་འདུལ་ཡོན་ཏན་སྦྲུལ་ནག་སྟོང་གིས་བཀླུབས། །འཇིགས་བཅས་ཀླུ་ཡི་ཚོགས་ཀྱང་ཞབས་འོག་མནན། །འདོད་ཆགས་འདུལ་བ་འདོད་ཆགས་ཀུན་གྱི་གཙོ། །འདོད་ཆགས་ཆེན་པོ་འདོད་ཆགས་ཉིད་ཀྱི་སྐུ། །མང་པོའི་འཁོར་བཅས་འཇིགས་པའི་འཁོར་དུ་བྱས། །ཞེ་སྡང
249b7 འདུལ་བ་ཞེ་སྡང་ཀུན་གྱི་གཙོ། །ཞེ་སྡང་གདུག་པ་ཞེ་སྡང་ཀུན་གྱི་སྐུ། །འཇིགས་པའི་ཚོགས་རྣམས་ཟེར་གྱིས་ཀུན་བཞུ་བའི། །རབ་ཏུ་བརྗིད་པ་འཇིགས་པས་འཇིགས་པའི་གཟུགས། །གཏི་མུག་འདུལ་བ་གཏི་མུག་ཀུན་གྱི་གཙོ། །གཏི་མུག་བློ་སེལ་གཏི་མུག་ཆེན་པོའི
iiif viewer powered by OpenSeadragon
