| e-texts navigator |
| Wylie |
248b1 ཕྱོགས་སུ་འཐོར། །རྒྱལ་པོའི་ཚོགས་མང་ཀུན་གྱིས་བསྐོར། །དྲི་ཟ་མེད་པའི་བདག་པོ་དང་། །དབང་ལྡན་རླུང་གི་བདག་པོ་རྣམས། །འདི་བཞིན་གུས་པར་བདག་ཅག་བགྱིད། །དགྱེས་པའི་དཀྱིལ་འཁོར་འདི་རྣམས་ལ། །མིང་ཙམ་འཛིན་པར་བྱེད་པ་ཡིས། །ཞབས་ཀྱི
248b2 མཐིལ་དུ་བྲིས་ནས་ཀྱང་། །རང་གི་སྙིང་པོ་འདི་བརྗོད་ན། །དེ་ལ་བྲན་བཞིན་བདག་ཅག་བགྱིད། །གཙུག་ཏུ་བཞག་ནས་བཀུར་བ་དང་། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་བསྒྲུབ། །དེ་ལ་གཟུགས་སྟོན་གདའ་བར་བགྱིད། །ོ~ཾ་སིད་དྷ་དྷི་དྷི་དྷུ་ཧོ
248b3 སྭཱ་ཧཱ། རྒྱལ་པོ་མིག་མི་བཟང་དང་འཕགས་སྐྱེས་པོ། །འཁོར་ཚོགས་ཁྲི་ཕྲག་མང་པོ་ཡིས། །ལུས་དང་ངག་ཡིད་དབུལ་བ་ནི། །འཁོར་ཚོགས་ཁྲི་ཕྲག་བྱེ་བ་བརྒྱ། །མེ་ཏོག་སིལ་མ་བཀྲམ་པ་དང་། །རྒྱན་མང་བྱུག་པ་གཅལ་བཀྲམ་པ། །སྡེ་དཔོན་ཉི་ཤུ་བྱེ་བ་རྣམས། །
248b4 ཅི་ལེགས་པར་ནི་རབ་ཏུ་སྨྲ། །རིམ་པ་ཆེ་ཞིང་སྲི་ཞུ་གུས། །མཆོད་པར་བྱེད་ཅིང་ལུགས་མཆིས་པར། །བདག་གི་འཁོར་དང་བཅས་པ་ལགས། །རིན་ཆེན་བཅལ་དང་བཏུང་བ་དང་། །རོལ་མོ་གླུ་གར་སྙན་པས་བརྒྱན། །རིན་ཆེན་ཁང་པར་བདག་མཆིས་ཤིང་། །
248b5 བཞོན་པ་དམག་འཁོར་བར་མཆིས། །རིན་ཆེན་སྣོད་དུ་ཆང་འཐུང་བ། །གདུགས་ཀྱིས་རྒྱས་པར་སྟེང་ནས་གཡོགས། །གཟུགས་མཛེས་པ་ནི་གདའ་བར་བགྱིད། །རིན་ཆེན་མེ་ཏོག་ཕྱོགས་སུ་འཐོར། །རྒྱལ་པོའི་ཚོགས་མང་ཀུན་གྱིས་བསྐོར། །གནོད
248b6 སྦྱིན་སྲིན་པོའི་ཚོགས་རྣམས་དང་། །ཆུ་བདག་གཤིན་རྗེའི་འཁོར་མང་རྣམས། །དེ་བཞིན་གུས་པས་བདག་ཅག་བགྱིད། །དགྱེས་པའི་དཀྱིལ་འཁོར་ཆེན་པོ་འདི། །མིང་ཙམ་འཛིན་པར་བྱེད་པ་ཡིས། །ཞབས་ཀྱི་མཐིལ་དུ་བྲིས་ནས་ཀྱང་། །རང་གི་སྙིང་པོ་འདི
248b7 བརྗོད་ན། །དེ་ལ་བྲན་བཞིན་བདག་ཅག་བགྱིད། །གཙུག་ཏུ་བཞག་ནས་བཀུར་བ་དང་། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་བགྱིད། །དེ་ལ་གཟུགས་སྟོན་གདའ་བར་བགྱིད། །ོ~ཾ་དྷ་ཀ་བྷི་དུ་བྷ་བི་ཤུ་པ་ཤེ་ཨོ~ཾ་ཧཱུ~ཾ། ཞེས་མགྲིན་གཅིག
iiif viewer powered by OpenSeadragon
