| e-texts navigator |
| Wylie |
248a1 པར་བྱེད་པ་ཡིས། །ཞབས་ཀྱི་མཐིལ་དུ་འདི་བསྒོམས་ཏེ། །རང་གི་སྙིང་པོ་འདི་བརྗོད་ན། །དེ་བྲན་བཞིན་དུ་བདག་ཅག་བགྱིད། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་བསྒྲུབ། །འདུག་ནས་སྙིང་པོ་འདི་བཞིན་དབུལ། །ོ~ཾ་ཁ~ཾ་དྷུ་ཧ
248a2 སྭཱ་ཧཱ། དབང་ཕྱུག་ལྷ་ཆེན་དཀྱིལ་འཁོར་དང་། །ལུས་དང་ངག་ཡིད་དབུལ་བ་ནི། །འཁོར་གཡོག་བྱེ་བ་བརྒྱད་ཅུ་སྟོང་། །མེ་ཏོག་སིལ་མ་བཀྲམ་པ་དང་། །རས་སྟན་འཕར་མ་མང་པོ་དང་། །རིན་ཆེན་བཅལ་དང་བརྡུང་བ་དང་། །རོལ་མོ་གླུ་གར་རབ་ཏུ་སྙན། །རིན་ཆེན་ཁང་པའི
248a3 གནས་སུ་ནི། །ལྷ་མོ་མང་པོར་བདག་སྤྱོད་ཅིང་། །རིན་ཆེན་སྣོད་དུ་བདག་ཅག་འཐུང་། །གདུགས་ཀྱིས་རྒྱས་པར་སྟེང་ནས་གཡོགས། །གཟུགས་མཛེས་པས་ནི་གདའ་བར་བགྱིད། །རིན་ཆེན་མེ་ཏོག་ལ་སོགས་དང་། །ལྷ་ཡི་མེ་ཏོག་ཕྱོགས་སུ་འཐོར། །ལྷ་ཡི་ཚོགས་མང་ཀུན
248a4 གྱིས་བསྐོར། །དགྱེས་པའི་དཀྱིལ་འཁོར་འདི་རྣམས་ལ། །མིང་ཙམ་འཛིན་པར་བྱེད་པ་ཡིས། །ཞབས་ཀྱི་མཐིལ་དུ་འདི་བྲིས་ཏེ། །རང་གི་སྙིང་པོ་འདི་བརྗོད་ན། །དེ་ལ་བྲན་བཞིན་བདག་ཅག་བགྱིད། །གཙུག་ཏུ་བཞག་ནས་བཀུར་བ་དང་། །དེ་ཡི་དགོས་པ་ཅི་ཡང་རུང་། །མ་ལུས
248a5 རྫོགས་པར་བདག་ཅག་བསྒྲུབ། །དེ་གཟུགས་སྟོན་ཅིང་གདའ་བར་བགྱིད། །ོ~ཾ་སརྦ་དེ་བཱ་མ་ཧཱ་ཨུ་པ་ཧ། །རྒྱལ་པོ་རྣམ་ཐོས་ཡུལ་འཁོར་སྲུང་། །འཁོར་ཚོགས་སྟོང་ཕྲག་མང་པོ་ཡི། །ལུས་དང་ངག་ཡིད་འབུལ་བ་ནི། །འཁོར་གཡོག་སྟོང་ཕྲག་བྱེ་བ་བརྒྱ། །མེ་ཏོག་སིལ་མར
248a6 བཀྲམ་པ་དང་། །རྒྱན་མང་བྱུག་པ་གཅལ་བཀྲམ་པ། །སྡེ་དཔོན་ཉི་ཤུ་བྱེ་བ་རྣམས། །ཅི་ལེགས་པར་ནི་རབ་ཏུ་སྨྲ། །རིམ་པ་ཆེ་ཞིང་སྲི་ཞུ་གུས། །མཆོད་པར་བྱེད་ཅིང་ལུགས་མཆིས་པའི། །བདག་གི་འཁོར་དང་བཅས་པ་ལགས། །རིན་ཆེན་བཅལ་དང་འཐུང་བ་དང་། །རོལ
248a7 མོ་གླུ་གར་སྙན་པས་བརྒྱན། །རིན་ཆེན་ཁང་པར་བདག་མཆིས་ཤིང་། །བཞོན་པ་དམག་འཁོར་བར་མཆིས། །རིན་ཆེན་སྣོད་དུ་ཆང་འཐུང་བ། །གདུགས་ཀྱིས་བརྒྱན་པར་སྟེང་ནས་གཡོགས། །གཟུགས་མཛེས་པས་ནི་གདའ་བར་བགྱིད། །རིན་ཆེན་མེ་ཏོག
iiif viewer powered by OpenSeadragon
