| e-texts navigator |
| Wylie |
247b1 ལས་དྲག་ཏུ་ཕཊ་ཅེས་པས། །བརྒྱ་ལ་འགྱུར་ཨོ~ཾ་ལས་དམར་རྩི་དབབ། །དེ་ལས་ཧཱུ~ཾ་ཞེས་བྱ་བ་ཡིད། །དང་པོའི་གནས་སུ་བསྡུས་པ་ན། །མཆོངས་པར་འདོད་ན་ལངས་པར་འགྱུར། །སྒྱུ་འཕྲུལ་ཆེན་པོ་དེ་ཉིད་ལས། །སངས་རྒྱས་རྡོ་རྗེ་ཕྱག་བསྣམས་པ། །ཁྲོ་བོ་ཆེན་པོ་བདུད་རྩི
247b2 འཁྱིལ། །བདག་ཉིད་རང་བཞིན་དེར་བསྒྱུར་ནས། །སྤྱན་བགྲད་མཆེ་གཙིགས་སྡང་མིག་པར། །བརྐྱང་བསྐུམ་རྔམ་པས་ཞིང་སྟེངས་བསྒོམ། །ཤིག་ཤིག་དྲག་ཏུ་གྱུར་པ་ལས། །མགྱོགས་པར་ཕྱོགས་སུ་སོང་བ་ན། །དེ་ཡི་སྙིང་པོ་མཆོག་བཟླས་ནས། །ཧཱུ~ཾ་ཞེས་པས་ནི
247b3 བསྐུལ་བ་ཡིས། །དང་པོའི་གནས་སུ་ཕྱིན་པར་བྱེད། །དེས་ནི་དབང་དུ་གྱུར་པར་བསྒོམ། །དེ་ལས་སྣ་ཚོགས་ཅི་འདོད་པར། །ཐམས་ཅད་ཐམས་ཅད་གྲུབ་པར་འགྱུར། །དེ་བསྙེན་ཉམས་སུ་ལོན་པ་ཡིན། །ོ~ཾ་ལ་དྲག་ཏུ་ཕཊ་ཅེས་པས། །གང་ལ་བྱ་བ་མངོན་བསམ་ནས། །སེ
247b4 གོལ་སྣོལ་མར་གཏོགས་པ་ཡིས། །བརྒྱལ་འགྱུར་ཨོ~ཾ་ལས་དམར་རྩི་དབབ། །ཡིད་ལ་བསྒོམས་པས་ལངས་པར་འགྱུར། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་རབ་ཏུ་རྒྱལ་བར་བྱེད་པ་དམ་ཚིག་མཆོད་བཀོད་པའི་ལེའུ་སྟེ་བཞི་བཅུ་དྲུག་པའོ།། །།
247b5 དེ་ནས་བཅོམ་ལྡན་འདས་དགྱེས་པ་ཆེན་པོའི་སྤྱན་སྔར་དྲེགས་པ་ཆེན་པོ་དང་། དབང་ཕྱུག་ཆེན་པོ་དང་། རྒྱལ་པོ་ཆེན་པོ་བཞི་དང་། ཕྱོགས་སྐྱོང་པར་གྱུར་པ་སྡེ་དཔོན་དང་ཆུང་མར་བཅས། བྲན་དང་གཡོག་དང་ཡང་གཡོག་གི་རབ་ཏུ་འཇིགས་པ་དང་བཅས་པའི་སེམས་ཀྱིས་གུས
247b6 པར་དམ་བཅས་ཤིང་། །རང་རང་གི་དཀྱིལ་འཁོར་དང་། སྙིང་པོ་ཞེས་བྱ་བ་འདི་མགྲིན་གཅིག་ཏུ་ཡང་སྨྲས་སོ། །དྲེགས་པ་འཁོར་བཅས་དཀྱིལ་འཁོར་དང་། །ལུས་དང་ངག་ཡིད་དབུལ་བ་ནི། །འཁོར་གཡོག་བྱེ་བ་དྲུག་ཅུ་རྣམས། །ཀེང་རུས་གསར་རྙིང་གནས་སུ་གྱུར། །རློན
247b7 པ་ཤ་ཁྲག་ཚོགས་ལ་སྤྱོད། །ཐོད་པར་འཐུང་ཟ་མེད་པའི་ནང་། །མདུང་ཐུང་རལ་གྲི་དགྲ་སྟ་དང་། །ཞགས་པ་དབྱིག་པ་ཟོར་བ་དང་། །རྔ་དང་ལྡ་ལྡི་ཁྲག་འཐོར་ཞིང་། །གདུག་པའི་ཚོགས་རྣམས་ཀུན་གྱིས་བསྐོར། །དགྱེས་པའི་དཀྱིལ་འཁོར་འདི་རྣམས་ལ། །མིང་ཙམ་འཛིན
iiif viewer powered by OpenSeadragon
