| e-texts navigator |
| Wylie |
247a1 ཡི་སྙིང་པོ་བཟླས་ནས་ཀྱང་། །ོ~ཾ་ཞེས་པས་ནི་རྐེད་པར་གཅད། །དེས་ནི་དབང་དུ་གྱུར་པར་བསྒོམ། །ས་ལས་གསེར་དང་ཆུ་ལས་ས། །ཡིད་དང་འཐད་པ་ཉིད་དུ་ནི། །ཇི་བཞིན་ཇི་བཞིན་འགྲུབ་པར་འགྱུར། །དེ་ལས་འདོད་པ་བཞིན་དུ་ངེས། །དེ་བསྙེན་ཉམས
247a2 སུ་ལོན་པ་ཡིན། །དེ་ལྟར་ངེས་པའི་རྟགས་རྣམས་ནི། །མིང་དང་གཟུགས་དང་མངོན་སུམ་ན། །དབུ་གསིགས་སྡང་མིག་དྲག་པོས་བལྟ། །ོ~ཾ་གྱི་རྩེ་མོར་ཕཊ་ཅེས་བརྗོད། །བརྒྱལ་འགྱུར་ཨོ~ཾ་ལས་དམར་རྩི་དབབ། །ངག་ལས་ཨ~ཾ་ཞེས་བྱ་བས་ནི། །བཟླས་བརྗོད་བཅས་དེ་བདག
247a3 ཉིད་བསྟིམ། །དེ་ནས་འདོད་པ་བཞིན་དུ་ངེས། །དེ་བསྙེན་ཉམས་སུ་ལེན་པ་ཡིན། །དེ་ལྟར་ངེས་པའི་རྟགས་རྣམས་ནི། །མིང་དང་གཟུགས་དང་མངོན་སུམ་ལ། །བཞིན་བཟློག་མིག་གིས་བལྟས་ནས་ནི། །ོ~ཾ་ལས་དྲག་ཏུ་ཕཊ་ཅེས་པས། །བརྒྱལ་འགྱུར་ཨ~ཾ་ལས་དམར་རྩི
247a4 དབབ། །དེ་ལས་ཧཱུ~ཾ་ཞེས་བྱ་བ་ཡིན། །དང་པོའི་གནས་སུ་བསྡུས་པ་ན། །འཚོ་བར་འདོད་ན་ལངས་པར་འགྱུར། །སྒྱུ་འཕྲུལ་དྲ་བའི་མངོན་རྫོགས་པ། །བྱང་ཆུབ་མཆོག་གི་ཀུན་ངོ་བོ། །ཕྱག་རྒྱ་བཞུགས་ཡུན་ལ་སོགས་པ། །གཅིག་པུ་ཆ་ཡི་ཏིང་ངེ་འཛིན། །རྡོ་རྗེ་དུང
247a5 ཆེན་གང་བ་དང་། །རྡོ་རྗེ་ཕྱག་བསྣམས་དྲིལ་བུ་ལ། །སྔགས་བཟླས་ཏིང་འཛིན་གོམས་པར་བསྙེན། །རྫས་ལ་ཚོན་གྱིས་མདོག་བསྒྱུར་བཞིན། །རྟགས་དང་མངོན་དུ་གྱུར་པར་རོ། །སངས་རྒྱས་རྡོ་རྗེ་ཕྱག་བསྣམས་ནས། །ཁྲོ་བོ་ཆེན་པོ་རྟ་མཆོག་དཔལ། །རང་གི་རང་བཞིན
247a6 དེར་བསྒྱུར་ནས། །སྤྱན་བགྲད་མཆེ་གཙིགས་སྡང་མིག་པར། །བརྐྱང་བསྐུམ་རྔམ་པས་ཞིང་སྟེངས་བསྒོམ། །ཤིག་ཤིག་དྲག་ཏུ་གྱུར་པ་ན། །དེ་ཡི་སྙིང་པོ་བཟླས་ནས་ཀྱང་། །ོ~ཾ་ཞེས་བྱ་བས་རྐེད་པར་གཅད། །དེས་ནི་དབང་དུ་གྱུར་པར་བསྒོམ། །ས་ལས་གསེར་དང་ཆུ་ལས
247a7 ས། །ཡིད་དང་འཐད་པ་ཇི་ལྟ་བ། །ཇི་བཞིན་ཇི་བཞིན་གྲུབ་པར་ངེས། །དེ་ལ་འདོད་པ་བཞིན་དུ་འགྱུར། །དེ་བསྙེན་ཉམས་སུ་ལོན་པ་ཡིན། །དེ་ཡི་གྲུབ་པའི་རྟགས་རྣམས་ནི། །མིང་དང་གཟུགས་དང་མངོན་སུམ་ན། །དབུ་གསིགས་སྡང་མིག་དྲག་པོས་བལྟ། །~ཾ
iiif viewer powered by OpenSeadragon
