| e-texts navigator |
| Wylie |
244a1 ཆགས་པའི་ཕྱག་བཞིས། །རིགས་དང་མཐུན་པ་ཉིད་དུ་བསྒོམ། །པདྨའི་དབྱིངས་ཀྱི་བྱིན་བསྡུ་བ། །གཟུགས་སྟོན་དབབ་པར་བྱ་བ་ནི། །རིགས་དང་མཐུན་པའི་གཟུགས་བརྙན་ལ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་བ~ཾ་དུ
244a2 བརྟགས། །དེ་ཉིད་པདྨའི་དཀྱིལ་འཁོར་བསྒོམ། །དེ་ཉིད་གོམས་ལ་གསང་མཚན་པ། །བ~ཾ་གྱི་ཚོགས་ཀྱི་ལྷ་རྣམས་བསྒོམ། །དེ་ཉིད་ཨོཾ་གྱི་ལྷ་རྣམས་ཏེ། །བདག་མེད་མཐའ་བྲལ་མི་དམིགས་ལས། །རང་གི་ངང་ཚུལ་དེ་བཟུང་ནས། །སངས་རྒྱ་པདྨ་ཙ་ན་ཀ། །ཤེས་རབ
244a3 ཡུམ་དང་ལྡན་པར་བསྒོམ། །དེ་ལས་རྡོ་རྗེར་བྱིན་བརླབས་ཏེ། །པདྨ་གསང་ནས་འཛུལ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། པདྨའི་ཚོགས་ཀྱི་ཁེངས་པ་དང་། །སོ་སོའི་སྙིང་པོས་མི་ཡང་དགུག་།དེ་གོམས་བློ་བདེ་གསལ་སྤྲོ་ཐིམ། །པདྨའི་ལྷ་རྣམས
244a4 ཨོ~ཾ་དུ་བསྒོམ། །སྣོད་གནས་དབྱངས་མ་ཁེངས་གྱུར་བར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིག་པོ་གཟུགས་ལ་སོགས། །རིགས་དང་མཐུན་པ་ཉིད་དུ་བསྒོམ། །བརྟན་པ་ཧཱ~ཾ་གྱི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ
244a5 མེད་པའི་སེམས་ཉིད་ལས། །སངས་རྒྱས་རིན་ཆེན་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་མཐུན་པར་ནི། །བསྒོམས་ནས་བཟླས་དང་མངོན་སུམ་ན། །སྒོ་མ་བཞི་ཡི་ཕྱག་རྒྱ་བཅིང་། །རྗེས་སུ་ཆགས་པའི་ཕྱག་བཞིས། །རིགས
244a6 དང་མཐུན་པ་ཉིད་དུ་བསྒོམ། །གར་མཁན་ལས་ཀྱི་བྱིན་བསྡུ་བ། །གཟུགས་སྟོན་དབབ་པར་བྱ་བ་ནི། །རིགས་དང་མཐུན་པའི་གཟུགས་བརྙན་ལ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་མ་ཉིད་སྦྱིན། །དེ་ཉིད་པདྨའི་དཀྱིལ་འཁོར་བསྒོམ། །དེ་ཉིད
244a7 གོམས་ལ་གསང་མཚན་པ། །མ་ཡི་ཚོགས་ཀྱི་ལྷ་རྣམས་བསྒོམ། །དེ་ཉིད་ཧཱ~ཾ་གྱི་ལྷ་རྣམས་ཏེ། །བདག་མེད་མཐའ་བྲལ་མི་དམིགས་ལས། །རང་གི་དང་ཚུལ་དེ་བཟུང་ནས། །སངས་རྒྱ་པདྨ་ཙ་ན་ཀ། །ཤེས་རབ་ཡུམ་དང་ལྡན་པར་བསྒོམ། །དེ་ལས
iiif viewer powered by OpenSeadragon
