| e-texts navigator |
| Wylie |
243b1 སོ་སོའི་སྙིང་པོ་མིང་ཡང་བོད། །དེ་གོམས་བློ་བདེ་གསལ་སྤྲོ་ཐིམ། །མིང་ཡང་སྙིང་པོ་བཅས་པས་དགུག་།རྡོ་རྗེ་ལྷ་རྣམས་ཧཱུ~ཾ་དུ་བསྒོམ། །སྣོད་ནས་སྒེག་མོ་ཁེངས་གྱུར་པར། །ཡུམ་གྱི་ཆོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས
243b2 དང་མཐུན་པ་ཉིད་དུ་བསམ། །བརྟན་པ་ཧཱ་ཡི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །སངས་རྒྱས་རྡོ་རྗེའི་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་མཐུན་པར་ནི། །བསྒོམས
243b3 ནས་བཟླས་དང་མངོན་སུམ་ན། །སྒོམ་བཞི་ཡི་ཕྱག་རྒྱ་བཅིང་། །རྗེས་སུ་ཆགས་པའི་ཕྱག་རྒྱ་བཞིས། །རིགས་དང་མཐུན་པ་ཉིད་དུ་བསྒོམ། །རིན་ཆེན་ཕྲེང་བའི་བྱིན་བསྡུ་བ། །གཟུགས་སྟོན་དབབ་པར་བྱ་བ་ནི། །རིགས་དང་མཐུན་པའི་གཟུགས་བརྙན་ལ། །སྤྱི་གཙུག
243b4 ཁ་དང་སྙིང་ག་མཚན། །འབྲུ་ལྔས་བྱིན་བརླབས་ཨེ་ཉིད་སྦྱིན། །དེ་ཉིད་པདྨའི་དཀྱིལ་འཁོར་ཡིན། །དེ་ཉིད་གོམས་ནས་གསང་མཚན་པ། །ེ་ཡི་ཚོགས་ཀྱི་ལྷ་རྣམས་བསྒོམ། །དེ་ཉིད་སྭཱ~ཾ་གྱི་ལྷ་རྣམས་ཏེ། །བདག་མེད་མཐའ་བྲལ་མི་དམིགས་ལས། །རང་གི་ངང་ཚུལ་དེ
243b5 བཟུང་ནས། །སངས་རྒྱས་རིན་ཆེན་ཙ་ན་ཀ། །ཤེས་རབ་ཡུམ་དང་ལྡན་པར་བསྒོམ། །དེ་ལས་རྡོ་རྗེ་བྱིན་བརླབས་ཏེ། །པདྨ་གསང་ནས་འཛུལ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། །རིན་ཆེན་ཚོན་གྱིས་ཁེངས་པ་དང་། །སོ་སོའི་སྙིང་པོས་མི་ཡང་དགུག་།
243b6 དེ་གོམས་བློ་བདེ་གསལ་སྤྲོ་ཐིམ། །རིན་ཆེན་ལྷ་རྣམས་སྭཱ~ཾ་དུ་བསྒོམ། །སྣོད་གནས་ཕྲེང་བ་ཁེངས་གྱུར་པར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིག་པོ་གཟུགས་ལ་སོགས། །རིགས་དང་མཐུན་པ་ཉིད་དུ་བསམ། །བརྟན་པ་སྭཱ~ཾ་གྱི་འཕྲོ་འདུ་ལྟར། །རྣམ་ཤེས
243b7 བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །སངས་རྒྱས་རིན་ཆེན་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་མཐུན་པར་ནི། །བསྒོམས་ནས་བཟླས་དང་མངོན་སུམ་ན། །སྒོ་མ་བཞི་ཡི་ཕྱག་རྒྱ་བཅིང་། །རྗེས་སུ
iiif viewer powered by OpenSeadragon
