| e-texts navigator |
| Wylie |
242b1 པར་ནི། །བསྒོམས་ནས་བཟླས་དང་མངོན་སུམ་ནི། །དགྱེས་པ་གར་གྱི་གསུང་སྙན་ཅིང་། །རྗེས་སུ་ཆགས་པའི་ཕྱག་རྒྱ་བཞིས། །རིགས་དང་མཐུན་པ་ཉིད་དུ་བསྒོམ། །ཕྱོགས་སུ་འགྲོ་དང་དཔྲོག་པ་དང་། །ཚེ་བསྟུང་བ་དང་ལས་རྣམས་དང་། །མངོན་སུམ་ཅི་འདོད་སྨྲ་བའི
242b2 མཆོག་། རིགས་ཀྱི་ཡུམ་དང་རྩེན་པར་འགྱུར། །སྲིད་པ་ལས་འཕགས་མྱ་ངན་འདས། །ཏིང་འཛིན་འདི་ཡིས་བྱེད་པར་འགྱུར། །ཞེས་བརྗོད་པས་རྣམ་པར་སྨིན་པའི་ཚོགས་དེ་བཞིན་གཤེགས་པའི་ཆེ་བའི་ཡོན་ཏན་ཉིད་དུ་མཁྱེན་ཏོ། །མཁྱེན་ནས་དེ་བཞིན་ཉིད་ཀྱི་དབྱིངས
242b3 སྐུ་དང་གསུང་དང་ཐུགས་རྡོ་རྗེ་ལས་རྡོ་རྗེ་གསང་བའི་ཚིག་འདི་ཕྱུང་ངོ་། ། ཧོཿབསམ་བྱ་བསམ་པར་ཟིན་པ་ཡི། །བསམ་པས་མི་ཟིན་བསམ་མི་ཁྱབ། །བསམ་ཡས་ལྷུན་གནས་མི་གཡོ་དཔག་མེད་བསམ་མི་ཁྱབ། །རྒྱུ་དང་འབྲེལ་པའི་རྐྱེན་དུ་ཤེས་པའི་དབྱིངས་ཉིད
242b4 ཟད་མི་ཤེས། །ངོ་མཚར་སྲིད་ལམ་མཐའ་བྲལ་དམིགས་མེད་པ། །དེ་ཉིད་ཡོན་ཏན་མཆོག་གི་འཁོར་ལོ་ལམ་མཆོག་ཡིན། ། ཧོཿ། རྡོ་རྗེ་གསང་བའི་ཚིག་ཏུའོ། །བཅོམ་ལྡན་འདས་དཔལ་ཀུན་དུ་བཟང་པོ་དེ་བཞིན་ཉིད་ཀྱི་དབྱིངས་ནས་ཆེ་བའི་ཡོན་ཏན་སྟོན་པ་ཞེས
242b5 བྱ་བའི་ལེའུ་སྟེ་བཞི་བཅུ་གཅིག་པའོ། ། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་ཆེ་བའི་ཡོན་ཏན་སྟོན་པའི་སྒྱུ་འཕྲུལ་ཆེན་པོ་གསུང་གི་དཀྱིལ་འཁོར་བྱིན་གྱིས་རློབ་པ་ཞེས་བྱ་བ་ཆོ་ག་དང་བཅས་པ་འདི་སྐུ་དང་གསུང་དང་ཐུགས་རྡོ་རྗེ་ལས
242b6 ཕྱུང་ངོ་། །དབབ་པ་མཆོག་གི་དཀྱིལ་འཁོར་རྣམས། །ཁ་དོག་གྲངས་བཅས་མ་བརླམས་པས། །ཤེས་པ་བློ་ཆེ་ཁོངས་ཡངས་ལ། །ཟབ་པར་སྤྱོད་ལ་མི་སྐྱོ་བར། །ཟས་སྲུང་གོས་རྗེས་དམ་ཟས་སྦྱིན། །དུང་ཆེན་སྣོད་དུ་ཆུ་ཡིས་བསིང་། །རྟེན་དུ་རུང་བར་ཏིང་འཛིན
242b7 དང་། །དབང་དང་སྒྲུབ་པ་མཆོག་ཀྱང་བསྟན། །མི་སྨྲ་གསང་བའི་དམ་ཚིག་དབོག་།ོ~ཾ་དང་མཱུ~ཾ་གྱི་བློ་བསྟན་ནས། །གསང་བས་མཚན་མ་ལྔ་ནས་སྦྱང་། །སྒྱུ་འཕྲུལ་དཀྱིལ་འཁོར་བཞི་བཅུ་གཉིས། །ཕུང་པོ་ཁམས་དང་སྐྱེ་མཆེད་སྦྱར། །ལོངས་སྤྱོད་ལྔ་ལྡན
iiif viewer powered by OpenSeadragon
