| e-texts navigator |
| Wylie |
240b1 འདོད་གཟུགས། །དམག་མང་མཐུ་དཔུང་གོ་མཚོན་བཟང་། །ཞེ་སྡང་ཅན་རྣམས་འདུལ་བར་འགྱུར། །འདོད་ཆགས་ཅན་རྣམས་འདུ་བ་དང་། །ང་རྒྱལ་ཆེན་པོ་འདུད་པར་འགྱུར། །དེ་ཡི་བསྟན་པ་འཛིན་པར་བྱེད། །དེ་ཡི་འཁོར་ལ་ལོགས་སྤྱོད་ཅིང་། །གནས་པར་དགའ
240b2 བ་བཞིན་དུ་འགྱུར། །དེ་ཡི་ལུས་ལས་འབྱུང་འདོད་ན། །སྙོམས་པས་ཁྲོ་ཡི་གཟུགས་བཟུང་ལ། །དལ་བུས་ཧ~ཾ་ཞེས་བརྗོད་པ་ཡིས། །མི་སྣང་བ་ཡི་གཟུགས་སུ་འཆར། །བདག་གི་ལུས་ལ་ཆུད་པར་འགྱུར། །གླིང་ངམ་དུར་ཁྲོད་གནས་རྣམས་སུ། །ང་ཡི་འདོད་པ་ཆོས་དབང
240b3 གིས། །སྒྱུ་འཕྲུལ་དཀྱིལ་འཁོར་མཆོག་འཛིན་ལ། །དྲ་བའི་དཀྱིལ་འཁོར་ཡོངས་ཀྱིས་འབྱུང་། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་འབྱུང་བའི་ལེའུ་སྟེ་བཞི་བཅུ་པའོ།། །།དེ་ནས་བཅོམ་ལྡན་འདས
240b4 དཔལ་ཀུན་དུ་བཟང་པོས་ཉིད་ཀྱི་ཆེ་བའི་ཡོན་ཏན་སྟོན་པའི་ཕྱིར་འགྲོ་བའི་སེམས་ཅན་གྱི་དོན་ཆེད་དུ་དེ་བཞིན་ཉིད་ཀྱི་དབྱིངས་འདི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །དཔལ་ཉིད་ཀྱི་མཆོག་རིགས་ཀྱི་ཡུམ། །དབབ་པར་བྱ་བའི་གཟུགས་བརྙན་ལ། །སྤྱི་གཙུག་ཁ་དང
240b5 སྙིང་ག་མཚན། །འབྲུ་ལྔས་བྱིན་བརླབས་མཱུ~ཾ་དུ་བརྟགས། །དེ་ཉིད་གོམས་ལས་གསང་མཚན་པ། །མཱུ~ཾ་གྱི་ཚོགས་ཀྱི་ལྷ་རྣམས་བསྒོམ། །དེ་ཉིད་མཐའ་བྲལ་མི་དམིགས་ལས། །དེ་ཟླའི་ངང་ཚུལ་དེ་བཟུང་ནས། །སངས་རྒྱས་རྡོ་རྗེ་ཙ་ན་ཀ་།ཤེས་རབ་ཡུམ་དང་ལྡན་པར
240b6 བསྒོམ། །ལམ་དུ་ཞུགས་ལ་དེ་ལུས་དགང་། །དེ་གོམས་བློ་བདེ་གསལ་སྤྲོ་ཐིམ། །དེ་བཞིན་རིགས་རྣམས་ཨོ~ཾ་དུ་བསྒོམ། །སྣོད་གནས་བདེ་ལྡན་ཁེངས་གྱུར་པ། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་མཐུན་པར་རྣམ
240b7 པར་བསམ། །བརྟན་པ་ཨཱཿཡི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །ཡིད་བཞིན་ཡི་གེའི་སྤྲིན་ཚོགས་བསྒོམ། །ཕྱག་རྒྱ་ཤིན་ཏུ་གསལ་བ་ན། །ཉེ་བའི་བསྙེན་པ་ཡིན་པར་བསྒྲགས། །འཕྲོ་འདུ་རིགས་དང
iiif viewer powered by OpenSeadragon
