| e-texts navigator |
| Wylie |
23b1 གསང་སྒོའོ། །དེ་དག་སྒོ་མོ་རེ་རེ་ལའང་། །གསུམ་གསུམ་ཡོད་པར་འདྲེན་པས་བཤད། །གཉིས་པའི་སྒོ་ལའང་གསུམ་ཡོད་དེ། །ཤེས་རབ་རྟོགས་པའི་སྒོ་མོ་དང་། །ཏིང་འཛིན་གོམས་པའི་སྒོ་མོ་དང་། །སྨོན་ལམ་གྲུབ་པའི་སྒོ་མོར་གསལ། །ཐ་མ་མཐར་ཕྱིན་སྒོ་མོ
23b2 ལ། །རྣམ་ཐར་གསུམ་གྱི་སྒོ་ཞེས་བཤད། །འཇུག་པའི་ལམ་ལའང་འདི་ལྟ་སྟེ། །དམ་པ་གསུམ་དུ་གསལ་བར་བཤད། །འདྲེན་པ་ཆེན་པོའི་སྡེ་སྣོད་དང་། །ཐུབ་པ་ཆེན་པོའི་འཇུག་སྒོ་དང་། །དམ་པ་ཆེན་པོའི་མཛོད་གསུམ་མོ། །འཇུག་པའི་ཐབས་ཀྱང་འདི་ལྟ་སྟེ། །
23b3 ཐབས་ལས་ཐབས་བྱུང་ཐབས་གསུམ་སྟེ། །དོན་དང་ཡི་གེ་ཏིང་འཛིན་གྱིས། །རྗེས་སུ་གང་གིས་བརྟག་བྱས་ན། །འཇུག་པའི་ཐབས་ཀྱི་དམ་པའོ། །དོན་གྱི་རྗེས་སུ་འཇུག་པ་ཡང་། །དོན་ནི་ཆོས་ཉིད་སྙིང་པོ་ལ། །རྗེས་སུ་འཇུག་པའི་སེམས་ཡིན་ཏེ། །སེམས་ཉིད
23b4 ཆོས་ལ་སྦྱོར་བའི་སྐབས། །རྣམ་པ་བཅུ་ཞེས་འདྲེན་པས་བཤད། །བཅུ་ཉིད་གང་དང་གང་ཞེ་ན། །འདུན་པ་སྐྱེ་བའི་གནས་སྐབས་དང་། །རྩོལ་པ་སྦྱོར་བའི་གནས་སྐབས་དང་། །བསླབ་ལ་འཇུག་པའི་གནས་སྐབས་དང་། །འདུ་ཤེས་འགྱུར་བའི་གནས་སྐབས
23b5 དང་། །སྦྱོར་ཆེན་ལ་འཇུག་གནས་སྐབས་དང་། །རོ་ཉིད་ཚོར་བའི་གནས་སྐབས་དང་། །ཡུལ་ལ་འཇུག་པའི་གནས་སྐབས་དང་། །རྟོག་ཆེན་ཉིད་ལ་ཕེབས་སྐབས་དང་། །དེ་ཉིད་གདེང་དུ་གྱུར་པའི་སྐབས། །ལས་སུ་རུང་བའི་སྐབས་དང་བཅུ། །བཅུ་པོ་དེ་དག
23b6 རེ་རེ་ཡི། །སྐབས་སུ་སེམས་དང་ཆོས་ཕྲད་པས། །རིག་པ་བྱང་ཆུབ་སེམས་རེ་འབྱུང་། །བྱང་ཆུབ་སེམས་ནི་གང་ཞེ་ན། །འདི་ཡི་གྲངས་ཀྱང་རྣམ་པ་བཅུ། །གཡོ་བ་བྱང་ཆུབ་སེམས་ཉིད་དང་། །དེ་བཞིན་སྨོན་པ་བྱང་ཆུབ་སེམས། །ལྡང་བ་བྱང་ཆུབ་ཆེན་པོའི
23b7 སེམས། །དེ་བཞིན་སྦྱོར་བ་བྱང་ཆུབ་སེམས། །འཇུག་པའི་སེམས་དང་དགེ་བའི་སེམས། །མི་འགྱུར་བ་དང་རིག་པ་དང་། །གནས་པ་དང་ནི་རྫོགས་པའོ། །བྱང་ཆུབ་སེམས་ཞེས་གྲགས་པས་ན། །སེམས་བཅུ་དག་ཏུ་རྒྱལ་བས་བཤད། །བྱང་ཆུབ་སེམས
iiif viewer powered by OpenSeadragon
