| e-texts navigator |
| Wylie |
23a1 ལམ་འདི་ལ་བསླབ་པར་བྱའོ། །ཤེས་པར་བྱའོ། །གོམས་པར་བྱའོ། །ཀློང་དུ་གྱུར་པར་གྱིས་ཤིག་ཅེས་སེམས་དཔའ་རྡོ་རྗེ་དམ་པས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྣལ་འབྱོར་རང་བཞིན་གྱི་ལེའུ་སྟེ་དང་པོའོ།། །།
23a2 དེ་ནས་འཁོར་དེར་འདུས་པར་གྱུར་པའི་འདུས་པ་ཕལ་མོ་ཆེའི་ཚོགས་ཀྱིས་རྨད་བྱུང་གི་ཕྱག་རྣལ་འབྱོར་ལུགས་སུ་བྱས་ནས། སེམས་དཔའ་རྡོ་རྗེ་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་སྨྲ་བའི་སེངྒེ་ཁྱོད་ལ་བདག་ཅག་ཤིན་ཏུ་ཞུ་བར་སྤོབས་ན་གནང་བའི
23a3 སྐབས་དབྱེ་བར་གསོལ། དེ་སྐད་ཅེས་གསོལ་པ་དང་། སྨྲ་བའི་སེངྒེ་དེས་འདི་སྐད་ཅེས་བཀའ་སྩལ་ཏོ། །འདུས་པ་ཆེན་པོའི་ཚོགས་ཇི་ལྟར་ཞུ་བའི་དོན་གནང་གིས་ཀུན་དུ་སྤོབས་པ་སྐྱེད་ལ་ཞུ་བའི་དོན་གསོལ་ཅིག་།དེ་སྐད་ཅེས་བཀའ་སྩལ་པ་དང་། འདུས་པ་ཆེན
23a4 པོའི་ཚོགས་ཀྱིས་ཨ་ལ་ལ་ཧོ་ཞེས་གསོལ་ཏོ། །སྨྲ་བའི་སེངྒེ་ཆེན་པོ་ཁྱོད་ཀྱིས་རྒྱ་ཆེར་བཤད་པའི་རྣལ་འབྱོར་རང་བཞིན་ཆེན་པོའི་དོན་གྱི་རྗེས་སུ་བདག་ཅག་འཇུག་པར་འཚལ་ན། འདི་ལ་འཇུག་པའི་སྒོ་དུ་མཆིས། ཐབས་ཇི་ལྟར་ལགས། ལམ་གང་ལྟར་བདེ། སེམས
23a5 དཔའ་ཆེན་པོ་འདིའི་དོན་རྒྱ་ཆེར་བཤད་དུ་གསོལ། དེ་སྐད་ཅེས་གསོལ་པ་དང་། སྨྲ་བའི་སེངྒེས་བཀའ་སྩལ་པ། གྲོགས་པོ་དག་ལེགས་སོ་ཤིན་ཏུ་ལེགས་སོ། །ངེས་པར་ལེགས་སོ། །ཁྱེད་ཀྱིས་ཞུས་པའི་དོན་འདི་རྣམས་ངོ་མཚར་ཆེ་སྟེ། ཆོས་ཐམས་ཅད་ལ་འཇུག་པའི་སྒོ
23a6 གསལ་ཞིང་རྒྱ་ཆེ་བར་བྱེད་དེ། རྣ་ལྷོགས་ལ་གུས་པར་ཉོན་ཅིག་གསལ་བར་བཤད་པར་བྱའོ། །དེ་ནས་འཁོར་གྱི་ནང་དུ་སེངྒེའི་གསུང་སྒྲ་ཡིས་ཆོས་རྣམས་ཀྱི་སྒོ་འབྱེད་པ་འདི་གསལ་བར་བཤད་པར་བྱའོ། །སངས་རྒྱས་ཆོས་ཀྱི་སྒོ་མོ་འདི། །གྲངས་མང་བསམ་གྱིས་མི་ཁྱབ
23a7 ཀྱང་། །མདོ་རུ་བསྡུས་ན་གསུམ་དུ་གསལ། །རྩོལ་བས་འཇུག་པའི་སྒོ་མོ་དང་། །གྲུབ་པ་ཐབས་ཀྱི་སྒོ་མོ་དང་། །མཐར་ཕྱིན་འབྲས་བུའི་སྒོ་མོའོ། །དང་པོ་ལ་ཡང་གསུམ་ཡོད་དེ། །མཚན་ཉིད་ཐབས་ཀྱི་སྒོ་མོ་དང་། །ཐུབ་པ་རིགས་ཀྱི་འཇུག་སྒོ་དང་། །གྲུབ་པ་ལུང་གི
iiif viewer powered by OpenSeadragon
