| e-texts navigator |
| Wylie |
239a1 ཁྲི་ལྡན། །ལྷ་དང་ལྷ་མོའི་ཚོགས་ཀྱིས་བསྐོར། །ཁྲོ་བོ་ཁྲོ་མོའི་དཀྱིལ་འཁོར་བཅས། །གནས་དང་ཡུལ་གྱི་ཕྱག་རྒྱས་མཛེས། །སླས་དང་བྱི་མོ་ཚོགས་ཀྱིས་བསྐོར། ། ཧོ་འཁོར་ལོ་རྩིབས་བཞི་མུ་ཁྱུད་བཅས། །དབུས་སུ་བདུད་རྩི་འཁྱིལ་པ་སྟེ། །
239a2 ཤར་གྱི་རྩེ་ལ་རྡོ་རྗེའོ། །ལྷོ་ཡི་རྩེ་ལ་རིན་པོ་ཆེ། །ནུབ་ཀྱི་རྩེ་ལ་སྣང་མཐའ་ཡས། །བྱང་གི་རྩེ་ལ་དོན་ཡོད་གྲུབ། །ཐབས་དང་ཤེས་རབ་ལྡན་པར་བསྒོམ། །ཕྱག་རྒྱ་རྣམས་ཀྱང་གསལ་བར་བསྒོམ། །སྙིང་པོ་འབྲུ་ཚིག་གསལ་བར་བཟླས། །དེ་ལ་བདུད་རྩིའི་ཕྱག་རྒྱ་ནི། །
239a3 བུམ་པ་གང་བ་ཡིད་བཞིན་འབར། །རེ་བ་ཡིད་བཞིན་སྐོང་བར་བྱེད། །ཉོན་མོངས་སྡུག་བསྔལ་སེལ་བར་བྱེད། །འདོད་ལྔ་ཡོན་ཏན་ལྡན་པར་བྱེད། །དངོས་གྲུབ་ཆེན་པོ་བླ་མེད་པའོ། །བདུད་རྩི་ཆར་བཞིན་འབེབས་པར་བྱེད། །སྒོ་བཞི་ཕྱག་རྒྱ་ལྡན་པ་དང་། ། མྲྀ་ཏ་ཡི་རྒྱུ་ཉིད
239a4 ནི། །བྱང་ཆུབ་སེམས་དང་ཤ་ཆེན་དང་། །དྲི་ཆུ་དྲི་ཆེན་མ~ཾ་སར་བཅས། །པདྨ་རཀྟ་ལ་སོགས་དང་། །གཞན་ཡང་དོན་ཡོད་སྣ་ཚོགས་རྣམས། །དབྱེ་འམ་ཡང་ན་མི་དབྱེ་བར། །བདུད་རྩི་ཉིད་དུ་བྱིན་གྱིས་བརླབ། །རྟོག་པའི་བག་ཆགས་སྦྱང་བའི་ཕྱིར། །གཙང་སྨེ་མེད་པར་དག་པར
239a5 བྱ། །དབྱིངས་སུ་ཡང་ནི་བསྟིམ་པར་བྱ། །ཕྱག་རྒྱ་འོད་ཟེར་འབར་བར་བསྒོམ། །བཞི་བརྒྱ་རྩ་བཞིའི་ནད་སེལ་ཞིང་། །དུག་གསུམ་སྡུག་བསྔལ་མེད་པ་དང་། །བསྐལ་པ་ཡུན་རིང་གནས་པ་དང་། །དངོས་གྲུབ་ཆེན་པོ་འཐོབ་འགྱུར་ཏེ། །ཚོགས་གཉིས་རྫོགས་པར་ཡང་དག
239a6 གསུང་། །བདག་ཉིད་ཡི་གེ་ཧཱུ~ཾ་གྱུར་ནས། །ལོངས་སྤྱོད་ལྔ་ལྡན་ཐམས་ཅད་ལ། །ོཾ་ཨཱཿཧཱུ~ཾ་དུ་གྱུར་པར་བསྒོམ། །འོད་འཕྲོ་འབར་ཞིང་ཕྱོགས་བཅུར་སྤྲོ། །སླར་འདུས་འོད་འཕྲོ་བདུད་རྩིར་འབར། །ཤིན་ཏུ་གསལ་ཞིང་རྩེ་གཅིག་བསྒོམ། །གཞན་ཡང་ཡི་གེའི་ཚོགས་པས
239a7 གདབ། །འཐུངས་ན་ངན་སོང་སྒྲིབ་པར་བྱང་། །ཏྲ་ཏ། རྟག་བསྟེན་དངོས་གྲུབ་མཆོག་ཀྱང་འགྲུབ། །བཞི་བརྒྱ་རྩ་བཞི་ནད་སེལ་ཅིང་། །ལྷ་ལ་རྟག་ཏུ་མཆོད་བྱས་ན། །བདག་དང་གཉིས་སུ་མེད་པར་འགྱུར། །མི་མཐུན་ཕྱོགས་ལ་གཏོར་བྱས་ན། །དྲག་པོ་གཏུམ་པོའང
iiif viewer powered by OpenSeadragon
