| e-texts navigator |
| Wylie |
235b1 ཐིག་ལེ་སྙིང་པོ་ཉིད་དབུ་གསུམ་ཕྱག་དྲུག་ཏུ་གནས་ཏེ་གཉིས་སུ་མེད་པར་བཞུགས་སོ། །དེ་ནས་དེ་ཉིད་དུ་སྐུ་དང་། དབུ་དང་། ཕྱག་དང་། ཞབས་དང་། འཁོར་སྟོང་ཁམས་ཀྱི་རྡུལ་སྙེད་དུ་འཇིགས་བྱེད་ཆེན་པོ་བསམ་གྱིས་མི་ཁྱབ་པར་ཁེབས་པར་མཐོང་ངོ་། །དེ་ནས
235b2 ཡང་བདུད་ཆེན་པོ་ས་འཛིན་གྱི་རྒྱལ་པོས་སྐྱེས་བུ་ཆེན་པོ་ས་འཛིན་གྱི་བདག་པོ། །ཐོང་ཐོང་ཇི་དེ་ལྟ་བུ་བྱེད་དམ་ཞེས་པ་ལས་དེ་ནས་ཡང་དགྱེས་པ་ཆེན་པོའི་བདག་ཉིད་ཀྱིས། །ོ~ཾ་ཨ་བྷི་ཙར་བ་ཤཱི་ན་ཧཱུ~ཾ་ཧཱུ~ཾ་ཧཱུ~ཾ་ཞེས་བརྗོད་པས་དམ་པའི་བསྟན་པས་དམ་པའི་བསྟན་པ་རྡོ་རྗེ་ཐེག་པ་སྨོད
235b3 ཅིང་འགྲོ་བའི་རྣལ་འབྱོར་པ་ལ་གནོད་པའི་ཚོགས་འཁོར་བསམ་གྱིས་མི་ཁྱབ་པ་དང་། གཡོག་དང་ཡང་གཡོག་ཏུ་བཅས་པའི་བདུད་ཆེན་པོ་དེ་དག་ཉིད་ཀྱི་ཡིད་ཀྱིས་གདུངས་ཏེ་རབ་ཏུ་བརྒྱལ་ནས་མ་མཐོང་བར་རྨོངས་པའི་གནས་ནས་རང་དབང་མེད་ཅིང་དྲན་པ་མེད་པར་ཀེང
235b4 རུས་ཀྱི་རི་རབ་ཆེན་པོའི་འོག་ཞབས་ཀྱི་གནས་སུ་ཕྱིན་པར་གྱུར་ཏོ། །དེ་ནས་འཇིགས་བྱེད་ཆེན་པོས་ཏིཥྛ་བཛྲ་ཨ~ཾ་ཨ~ཾ་ཞེས་བརྗོད་པས་གདུག་པའི་བློ་དང་ཕྲལ། མི་མཐུན་པའི་ལུས་བརྫེས་ཏེ་ལྷ་ཆེན་པོའི་ཚོགས་འདུལ་བའི་འཁོར་ལོས་སྒྱུར་བའི་རྒྱལ་པོ་ཆེན་པོར་གནས་པར
235b5 གྱུར་ཏོ། །དེ་ནས་དགྱེས་པ་ཆེན་པོ་དཔལ་འཇིགས་བྱེད་ཆེན་པོས་དེ་དག་གི་དཀྱིལ་འཁོར་སྒྱུ་འཕྲུལ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་ལས་ཐུགས་ཀྱི་དཀྱིལ
235b6 འཁོར་ཐིག་ལེ་ཆེན་པོ་ཞེས་བྱ་བ་འདི་ཉིད་ཀྱི་རྡོ་རྗེ་ཐིག་ལེ་ཆེན་པོའི་དམ་ཚིག་སྒྱུ་འཕྲུལ་དྲ་བ་ལས་ཕྱུང་ངོ་། །ོ~ཾ་ཁྲག་དབའ་ཀློང་འཁྱིལ་བ་ཡི། །ཀེང་རུས་ཚོགས་ཀྱི་རི་རབ་འབུམ། །འདུས་པའི་ཚོམ་བུ་ལྔ་ཡི་རི། །འཁོར་ལོ་རྩིབས་བཞི་འབར་བའི་ཁང་། །གྲུ་ཆད་བཞིས
235b7 བརྒྱན་རབ་བརྗིད་པའི། །གྲུ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་གཉིས་ཀྱིས་མཛེས། །ཐོད་སྦྲུལ་སྣ་ཚོགས་ཉི་ཟླས་བརྗིད། །སྟན་མང་པོ་ལྷ་ཆེན་བརྟེན། །དགྱེས་པ་ཆེན་པོ་ཀུན་དུ་བཟང་། །ཕྱག་དང་ཞབས་ནི་བརྒྱད་པ་ཡི། །ཐོད་སྦྲུལ་སྣ་ཚོགས་ཉི་ཟླས
iiif viewer powered by OpenSeadragon
