| e-texts navigator |
| Wylie |
234a1 ལྗོན་པ་ལྕུག་ཕྲན་སྡོང་གཅིག་དང་། །མ་རིག་ཚོན་གྱིས་ཇི་བཞིན་དུ། །གོམས་པར་བྱ་བའི་ཏིང་འཛིན་དབབ། །འཇིགས་བྱེད་སྐུ་གསུང་དཀྱིལ་འཁོར་བཟླ་ས། །གནས་དང་ཟླ་དང་རྫས་རྣམས་ནི། །ཚོགས་ཀྱི་མཆོག་ཏུ་དམིགས་པས་གཞག་།དང་པོར
234a2 མཆོད་སྦྱིན་དམ་པས་མཆོད། །གཟུགས་དང་ལུགས་ཆེན་དུང་མཆོག་ནི། །ཅི་འདོད་སྣང་བར་བདག་གིས་དགོད། །འཇིགས་བྱེད་དབང་དུ་བདག་ཞུགས་ནས། །ཁྲོ་མོ་ཇི་སྙེད་འཁོར་དུ་བྱ། །བར་ཆད་ཏིང་འཛིན་མཆོག་གིས་ཟློག་།གསང་བའི་སྙིང་པོར་ཉིད་བཤམས་ཏེ། །
234a3 འདས་པ་བདག་ཏུ་མཉམ་སྦྱར་ཞིང་། །ཐུགས་ཀྱི་སྔགས་ཀྱིས་སྤྱན་དྲངས་ནས། །བདག་གི་ལུས་ལ་ཞུགས་ཚུལ་དུ། །དེ་ཡི་གཟུགས་གཟུང་མཆོག་ཏུ་བསྟིམ། །ཛཿཞེས་ལན་གསུམ་བརྗོད་པས་ན། །དེ་ཉིད་བསོད་ནམས་ལུས་ཐོབ་ཅིང་། །ཡེ་ཤེས་ལྔ་ཡི་དངོས་གྲུབ་སྦྱིན། །ཕོ
234a4 ཉ་འདུ་འཕྲོ་མང་པོ་རྣམས། །དེ་ཡི་དགོས་པ་བྱེད་པར་འགྱུར། །ཡང་ན་ས་གཞི་རབ་མཉམ་ལ། །ཕྱག་རྒྱ་གཟུགས་དང་སྙིང་པོ་རྣམས། །ལྔ་ཡི་ཚོན་གྱིས་བྲི་བར་བྱ། །དཀར་རྩི་དམར་རྩི་དྲི་ཤ་ཆེན། །རྡོ་རྗེ་དུང་ཆེན་དམར་རྩིས་དགང་། །དུང་དང་སྲོག་ཤིང་གསར་རྙིང་དང་། །ཞིང
234a5 འགྱུར་མཆོག་དང་མཆོག་ཕྲན་དང་། །ཇི་སྙེད་པ་ཡི་རྫས་རྣམས་ཀུན། །འཇིགས་བྱེད་ཆེན་པོའི་ཏིང་འཛིན་དང་། །ཉམས་པ་མེད་པའི་སེམས་ཀྱིས་སྤྱད། །སྒྱུ་འཕྲུལ་དྲ་བའི་དཀྱིལ་འཁོར་ལ། །རྡེང་དང་བཅས་པའི་བསམ་པ་ཡིས། །རེ་བ་མེད་པར་རབ་ཏུ་བསྒྲུབ། །བསྙེན་པ་དང
234a6 ནི་ཉེ་བསྙེན་པ། །སྒྲུབ་པ་དང་ནི་སྒྲུབ་ཆེན་པོས། །ཞག་ནི་ཚང་ཞིང་རྟགས་བྱུང་ན། །དཀྱིལ་འཁོར་མཐུན་པ་ཉིད་དུ་སྦྱར། །ཞག་ནི་སུམ་ཅུ་ཕྲག་དྲུག་གམ། །དྲུག་ཅུ་དགུ་བཅུ་རྩ་དྲུག་ཏུ། །འཇིགས་བྱེད་ཆེན་པོའི་དཀྱིལ་འཁོར་བསྒོམ། །འཇིགས་བྱེད་ཚོགས་ལ་བདག་ལུས
234a7 དབུལ། །དེ་ཉིད་དཀྱིལ་འཁོར་ཉིད་དུ་བརྟག་།འདའ་བར་མི་མཛད་དམ་ཚིག་ལས། །ནམས་ཀྱང་འདའ་བར་མི་མཛད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དགྱེས་པ་ཆེན་པོའི་དཀྱིལ་འཁོར་དམ་ཚིག་གི་ལེའུ་སྟེ་སུམ་ཅུ་བཞི་པའོ།། །།དེ་ནས་བཅོམ
iiif viewer powered by OpenSeadragon
