| e-texts navigator |
| Wylie |
231a1 གྱིས་རྡུལ་སྙེད་བསམ་ཡས་པ། །རོ་ཚོགས་ཁྲག་ལ་བརྐམ་པ་དཔུང་གཉེན་ཀུན་བཀྱེ་ནས། །ཞེན་པའི་གདུག་མོ་ཤིན་ཏུ་གསལ་བ་དཀའ་བ་ཡི། །མི་མངོན་དབྱིངས་ནས་གཟུགས་ཀྱི་ཆོ་འཕྲུལ་བསམ་ཡས་ཀྱིས། །སྙིགས་མར་བཅས་ཤིང
231a2 མཚམས་སྦྱོར་ཀུན་ངམ་ཟིལ་གྱིས་གནོན། །རབ་ཏུ་གནོན་པའི་འཇིགས་བྱེད་བསམ་མི་ཁྱབ། །དེ་བཞིན་དེ་ཉིད་གཉེན་པོར་ཀུན་བྱུང་ཀུན་དུ་གསལ། །ཧོ། ཆོས་རྣམས་ཇི་སྙེད་འགྲོ་དྲུག་སྨིན་བྱེད་བརྗོད་མི་ལང་། །དུས་མཐའ་རྨོངས་ལ་གནས་པ་བརྗོད་མི་ལང་། །
231a3 འདོད་པས་ཞེན་པའི་ལས་ཀྱང་ཇི་སྙེད་ཇི་སྲིད་པར། །དྲག་པོ་བདོ་བའི་རླུང་ཆེན་བསམ་མི་ཁྱབ། །བདེ་བར་བཅས་པ་གཞན་དུ་མེད་པར་བརྗོད་མི་ལང་། །བསྐལ་པར་བསགས་པའི་དུག་ཆེན་རབ་རྟོག་ཀུན་དུ་རྟོག་།དེ་རྣམས་ཟིལ་གནོན་ཁྲག་འཐུང་སྐུ་གསུང་འཇིགས
231a4 བྱེད་པར། །རྐྱེན་དུ་བཅས་ནས་སྦུ་བུས་འབྲས་བུ་སྨིན་པ་རབ་སྨིན་ལྟར། །དགྱེས་པ་ཆེན་པོ་བཅོམ་ལྡན་འདས་ནི་མང་པོའི་ཚོགས། །དཔག་མེད་བསམ་ཡས་ལྷུན་གྲུབ་པས། །རབ་ཏུ་འདུལ་བར་ཤིན་ཏུ་གསལ། །ཧོ། །ཁྲོ་བོའི་རང་བཞིན་གདུག་བར་འཇིགས་པ་མ
231a5 ཡིན་ཞིང་། །ཞི་བ་མཛེས་པ་ཀུན་གྱི་ཡིད་དང་འཐད་པར་གནས་རྒྱུད་ཡོང་མ་ཡིན་།དེ་ཉིད་གཉིས་སུ་མི་པའི་ཆོ་འཕྲུལ་བསམ་ཡས་ཐམས་ཅད་ཀུན་དུ་ཁྱབ། །རིགས་ལྔ་ཁྲག་འཐུང་འཇིགས་པའི་རོལ་པ་རྡུལ་སྙེད་རབ་སྟོན་པའི། །རྣམ་དག་བྱང་ཆུབ་མཆོག་གི
231a6 དབྱིངས་ཏེ་གསང་བའི་སྙིང་པོར་རབ་བསྟན་ངེས་པ་ཉིད་དེ་ཤིན་ཏུ་གནས་པར་གསལ། །ཧོ། རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོའི་དཀྱིལ་འཁོར་བསྟན་པའི་ལེའུ་སྟེ་སུམ་ཅུ་གཅིག་པའོ།། །།དེ་ནས་བཅོམ་ལྡན་འདས་དགྱེས
231a7 པ་ཆེན་པོས་ཉིད་ཀྱི་བྱིན་བརླབས་དང་ཡོན་ཏན་སྟོན་པ་ཞེས་བྱ་བ་འདི་ཆེད་དུ་བརྗོད་པ་འདི་བརྗོད་དོ། །ོཾ་སངས་རྒྱས་རྣལ་འབྱོར་ཆེན་པོ་ནི། །དུས་གསུམ་སངས་རྒྱས་ཐམས་ཅད་ཀྱི། །ཡེ་ཤེས་སྙིང་པོའི་མཆོག་ཉིད་དེ། །སངས་རྒྱས་ཀུན་དུ་བཟང་པོ་ཉིད། །འདི
iiif viewer powered by OpenSeadragon
