| e-texts navigator |
| Wylie |
218a1 འབྱུང་བ་བཞི་ལས་གྱུར་རྣམས་ཀུན། །ཐམས་ཅད་བྱང་ཆུབ་མཆོག་གི་རྒྱུ། །གཟུགས་སོགས་རི་མོར་བྲིས་པ་དག་།ཡེ་ཤེས་ཆེན་པོ་རབ་འབྱམ་གྱིས། །དོན་དུ་མི་འགྱུར་ཡོང་མ་གསུངས། །དེ་བཞིན་ཏིང་འཛིན་དཀྱིལ་འཁོར་གྱིས། །ཐམས
218a2 ཅད་དབྱིངས་སུ་བསྡུས་ནས་ནི། །ཉིད་ཀྱི་ཐུགས་ལ་བསྟིམ་བྱས་ཏེ། །ཐམས་ཅད་ཆོས་སྐུའི་ཕྱག་རྒྱ་ཆེ། །དཀྱིལ་འཁོར་རྣམ་གསུམ་དག་བྱས་པས། །ནམ་མཁའི་དབྱིངས་ཀྱི་དཀྱིལ་འཁོར་དུ། །རང་རིག་ཡེ་ཤེས་འདུ་འཕྲོ་ཡིས། །ཐམས་ཅད་ཆོས་སྐུ་ཕྱག་རྒྱ
218a3 ཆེ། །ཡང་དག་རྟོགས་པའི་ཁྱད་པར་གྱིས། །ཏིང་འཛིན་དོན་རྣམས་གསལ་བསྒོམས་ཏེ། །མཱ་མ་ཀཱི་ཡི་རྒྱུན་ཆགས་ལ། །ཡང་དག་ཆོས་སྐུ་ཕྱག་རྒྱ་ཆེ། །དེ་བཞིན་ཏིང་འཛིན་གསལ་བསྒོམས་ནས། །དོན་མཆོག་མ་ལུས་རྫོགས་པའི་ཕྱིར། །མཁའ་ལ་འཕྲོ་བའི་དཀྱིལ
218a4 འཁོར་དུ། །དྲི་མེད་ཆོས་སྐུ་ཕྱག་རྒྱ་གསལ། །དབྱིངས་དང་དེ་བཞིན་ཉིད་མེད་པར། །ཏིང་ངེ་འཛིན་གྱིས་དབང་བསྒྱུར་ནས། །ཁ་དོག་དབྱིབས་དང་གཟུགས་སུ་བསྒྱུར། །སྣ་ཚོགས་ཕྲིན་ལས་རྣམ་པར་རོལ། །དོན་གྱི་སྙིང་པོ་མཆོག་རྣམས་ཀྱང་། །བྱང་ཆུབ་ཕྱོགས་རྣམས
218a5 རབ་ཏུ་རྫོགས། །འཇིག་རྟེན་གཙོ་མཆོག་རྣམས་ཀྱིས་བསྐོར། ། ཧོཿཆོས་སྐུ་ཕྱག་རྒྱ་དེ་དག་ལས། །ལས་ལྔའི་དཀྱིལ་འཁོར་རབ་ཏུ་བསྒྲུབ། །ཏིང་ངེ་འཛིན་གྱིས་དབང་བསྒྱུར་ན། །ཇི་ལྟར་དམིགས་པ་བཞིན་དུ་འགྲུབ། །དྲག་པོ་གཏུམ་པོ་གདུལ་བའི་ཕྱིར། །བདག
218a6 ཉིད་དྲག་པོ་བསྒོམས་ནས་ནི། །ཆོས་སྐུ་ནག་པོ་འོད་འབར་གྱིས། །བགེགས་ཀྱི་ལིངྒ་མནན་པར་བྱ། །གཏུམ་པོ་རྔམ་པོའང་བརླག་པར་འགྱུར། །མི་མཐུན་ཕྱོགས་ཀྱང་རྡུལ་དུ་རློག་།འདི་དང་འགྲོ་བ་ཐམས་ཅད་དུ། །ཤིན་ཏུ་སྟོབས་དྲག་ཆེ་ལྡན་འགྱུར། །ཐམས་ཅད
218a7 གཉིས་མེད་དབྱིངས་བསྡུའི་ཕྱིར། །བདག་ཉིད་ཧ་ཡ་གྲཱི་བར་བསྒོམ། །དམར་པོའི་ཆོས་སྐུ་གསལ་བསྒོམས་ཏེ། །མི་མཐུན་ཕྱོགས་རྣམས་གདན་དུ་གདེང་། །ཏིང་འཛིན་གསལ་བས་བྱིན་བརླབས་ན། །ཐམས་ཅད་མ་ལུས་དབང་དུ་བསྡུ། །མཐུ་ཆེན་དག་ཀྱང་ཕྱི་བཞིན
iiif viewer powered by OpenSeadragon
